衛命侍從 - 第二幕

第一場：審判官

705Please respect copyright.ＰＥＮＡＮＡDCrRjSgRwN

（衛靈公十三年，二月十二，下午，天晴，帝丘城花園，可見天上有太陽，中央有一張有背木椅，，為司寇所坐）

（女百姓1、2，男百姓3，女百姓3在圍觀）

（男百姓1、2、公孟縶和宗魯穿朝服進場，公孟縶手持柺杖坐在在木椅上，宗魯站在右邊，拿起藤條打男百姓1和2，二人跪地求饒）

（子南、南子和彌子瑕穿常服進場，見宗魯在打人，震驚）

705Please respect copyright.ＰＥＮＡＮＡPWLKuRBk6E

（公孟縶起立，獨唱《治亂世用重典》）

https://musescore.com/user/13028/scores/10381834

曲目 3 《治亂世用重典》

705Please respect copyright.ＰＥＮＡＮＡYsRFfHbk0r

治亂世當用重典，嚴刑苛法至公道。罪罰赦宥民雖喜，同情百姓國必亡。x 2

聖人為法國者，必逆於世，而遵從於道。

705Please respect copyright.ＰＥＮＡＮＡNL2AuKKwH2

（子南上前制止宗魯，彌子瑕扶起男百姓1和2，南子走到公孟縶面前）

南子（詫異）：你做乜又打人？你知唔知依家啲百姓周圍講你壞話，話你係酷吏啊！

公孟縶（生氣）：阿嫂你唔好阻我！依兩個仆街係抵死嘅！

子南（走近公孟縶）：大伯，等一陣，點解係由你斷案㗎？依個係司寇嘅職責⋯⋯

公孟縶：我炒咗個司寇嘛！細路都應承咗啦，齊豹調去做宣姜個臭閪嘅侍衛嘛，依家我署理司寇一職！

子南：大伯你可唔可以講少啲粗口⋯⋯咁依兩位百姓犯咗咩罪？

公孟縶：宗魯，讀出佢哋嘅罪狀！

宗魯（打開竹簡）：（對百姓1）被告阿茂，涉嫌於襄公忌日在街頭賣豬肉包，誘人破戒唔為襄公守齋。（對百姓2）被告阿水，涉嫌於衛國祖廟門外隨地便溺。二人對襄公大不敬，判處一千大板。

（子南、南子和彌子瑕驚訝，百姓1、2向三人下跪求饒）

百姓1、2：主君夫人，兩位公子，我哋知錯啦！原諒我哋啦

彌子瑕（憐憫）：洗⋯⋯洗唔洗咁重罪啊？

子南：大伯，依家百姓怨聲載道⋯⋯不如等我幫你判案啦。

公孟縶：（對子南）你仲細，你企埋一邊啦⋯⋯（對彌子瑕）一係，你嚟審啦。

（子南不悅，站在右舞台旁觀。公孟縶起立，讓彌子瑕上座）

彌子瑕：嗱，斷案呢，不外乎咁：

705Please respect copyright.ＰＥＮＡＮＡKoVp5ywJ2G

（彌子瑕唱）

曲目 4 《周易．豫》

天地以順動，故日月不過，而四時不忒；聖人以順動，則刑罰清而民服。豫之時義大矣哉！

705Please respect copyright.ＰＥＮＡＮＡarTVzoAvFE

彌子瑕（對百姓1）：你企起身，嗰嚟畀我睇睇你個面相。你講講你時辰八字畀我聽⋯⋯

子南（詫異）：彌公子，你打算⋯⋯算命啊？

南子：子南！唔好打斷子瑕BB！

子南（無奈）：係嘅母君。

男百姓1：庚辰年六月初四子時。

彌子瑕（屈指一算，靈機一觸）：啱啦！你屬木嘛，你聽日去祖廟做義工，幫手植樹，種十二棟，襄公在天之靈就會原諒你。快啲去啦！

男百姓1（下拜，起立）：謝公子！（轉身離去，退場）

公孟縶：吓，你就咁放佢走？

南子（拍手讚好）：好啊，判得好，子瑕依啲先係仁政囉。

子南（生氣）：點⋯⋯點可以咁兒戲㗎？

公孟縶：咁另外嗰條仆街呢？

彌子瑕：人嚟，將個幸運輪盤搬入嚟！

（兩位百姓搬一幸運輪盤進場，放在審判座左，幸運輪盤上寫着不同的金額數字）

彌子瑕：就交比個天決定要罰款阿水幾多錢啦！（轉動輪盤）我宣判，罰你⋯⋯【金額】兩！你快啲去攞錢過嚟啦！

（男百姓2退場）

（公孟縶、宗魯、子南和南子皆覺得不對勁）

南子（拉彌子瑕起身，坐在審判座上）：子瑕BB，你⋯⋯你都係唔好判案啦，由我判啦。

（子瑕無奈後退）

公孟縶：吓？阿嫂，審判你又識？

南子（自信十足）：緊係識啦！（對百姓）你哋有咩冤情，快啲嚟報官，本宮幫你哋審理！

705Please respect copyright.ＰＥＮＡＮＡKunlCUrvgh

曲目 5 《管子．侈靡》

飲食者也，侈樂者也，民之所願也，足其所欲，贍其所願，則能用之耳。

705Please respect copyright.ＰＥＮＡＮＡ7H1KIxEH6K

（女百姓1、2上前）

女百姓1、2（同聲）：主君夫人！請為我哋作主啊！

南子：何事報官？

女百姓1：依個賤女人搶我老公啊！

女百姓2：你亂講！明明係你老公媾我在先！

女百姓1（推撞女百姓2）：你唔引誘佢佢點會媾你？

女百姓2（推撞女百姓1）：你老公愛你又點會媾我？

南子：停手！叫個男人過嚟！

（男百姓3上前）

南子：你做邊行嘅？

男百姓3：小⋯⋯小人，喺賣草鞋嘅。

南子：咁啊，你應該無錢娶多個老婆喎⋯⋯（對子南）君兒，你攞銀兩嚟。

（子南拿了一盤銀兩來，南子把一兩塞入男百姓3手裡，女百姓1、2及男百姓3雙目發光）

南子：你用依兩銀辦場婚禮娶埋個女人咪唔洗嘈囉！

男百姓3：謝⋯⋯謝主君夫人！

女百姓1（抗議）：點可以咁㗎？主君夫人，我唔同意同依個賤女人分享男人⋯⋯

南子（拿一銀兩塞入女百姓1手中）：咁你攞依筆錢去叫鴨散心囉。你依家仲介唔介意同個賤女人分享男人啊？

女百姓1（雙目發光）：唔⋯⋯唔介意啦！謝⋯⋯謝夫人！

子南（不滿）：母君啊，你點可以用錢收賣百姓就當解決咗事情？

南子：你細路仔識咩啊？治國好簡單，就係要錢、錢，同錢！衛國發大財！

（公孟縶和宗魯猶疑）

公孟縶：諗諗下⋯⋯大嫂你又有道理喎⋯⋯但諗諗下，又好似有啲問題咁⋯⋯

彌子瑕：南南BB講得好！

子南：彌公子⋯⋯你唔好叫我母君做南南BB好無？同埋⋯⋯你可唔可以唔好只係擦鞋？

女百姓3（高呼）：喂！主君夫人喺花園派錢啊！

（一眾百姓興奮地大叫，衝向南子，捉住她要攞錢）

南子（尖叫、驚叫）：啊！放手啊！

公孟縶：唔對路，宗魯，我哋快啲護送大嫂閃人！

宗魯：係嘅主公。

（宗魯、公孟縶和彌子瑕趕走百姓護送南子離去，子南搖頭嘆息走在最後，亦退場。所有人退場，片刻黑暗）

705Please respect copyright.ＰＥＮＡＮＡYdAU92fkJg

第二場：陰謀

（衛靈公十三年，二月十五，晚上，王宮花園，可見夜空上有圓月）

（宣姜和宋朝穿常服進場，焦慮，左右踱步）

（齊豹和北宮喜穿常服進場）

705Please respect copyright.ＰＥＮＡＮＡ7kxX5lHpWJ

齊豹和北宮喜（鞠躬作偮）：參見夫人。

（宣姜和宋朝停下腳步，站近左舞台，齊豹和北宮喜站近右舞台）

宣姜（焦急）：依家⋯⋯依家點算啊？公孟縶作威作福，連你兩個都炒埋，要調返嚟帝丘⋯⋯成個衛國，除咗帝丘，我都啲𡃁都比公孟縶趕走曬啦！

（宋朝焦慮，北宮喜憂傷，齊豹卻奸笑，引起眾人側目）

齊豹：哈，哈，哈。

宋朝：你笑乜春啊齊卿家？

齊豹：依家公孟縶胡作非為，反而係我哋嘅大好機會。

宣姜：咩機會？

齊豹：擁立夫人為國君嘅大好機會。

（宋朝和北宮喜錯愕，但宣姜卻興奮）

宣姜（興奮）：你⋯⋯你講真㗎？我⋯⋯我真係可以做諸侯，做國君？我終於等到依日啦！

宋朝（驚慌，拉住齊豹的手）：喂，齊豹，你唔好亂講嘢喎，逆⋯⋯逆謀，會冚家鏟㗎！

齊豹（輕撫宋朝的手，宋朝覺得噁心，縮手）：宋公子，我問你啦，你知唔知公孟縶依家喺衛國幾咁黑人憎？

宋朝：我知，大家都話佢惹事生非嘛，前幾日佢先係花園公審百姓，亂咁打人，後來南子去到幫佢審，點知南子以為派錢畀百姓就可以安撫民心，結果成班百姓湧入花園，搞到沙塵滾滾，七國咁亂，依家百姓都話南子同公孟縶都係低能嘅。

齊豹：公孟縶係南子同姫元一黨，公孟縶個名愈臭，南子同姫元個名都會愈臭，咁樣對我哋就更有利。

宋朝（詫異）：等⋯⋯等一陣！我哋唔係應該拉攏姫元，離間佢同南子同公孟縶咩？

齊豹（無奈、氣壞）：不如你都係做返個男寵負責幫襄夫人出火啦，唔好過問政事。

宣姜（與宋朝牽手）：宋朝，你聽我講，離間姫元同南子同公孟縶係無可能㗎。姫元同公孟縶兩條麻甩佬都好迷嗰個臭閪南㗎！而且公孟縶同姫元兄弟情深，公孟縶又咁憎我，姫元一定唔會企我哋依邊！

北宮喜（猶疑）：但係，夫人，就算係謀反⋯⋯南子一黨勢弱，唔等於我哋勢強啊，會唔會諗清楚先好啲啊？

齊豹（滿有自信）：我有秘密武器。

宣姜（焦急）：咩武器？

齊豹：人嚟，傳韋命！

（韋命穿常服，目無表情，如機械人般步行，進場，身穿曳撒，額頭貼道符）

宣姜：依條女係乜水？

齊豹：佢叫韋命，係我喺燕國一個道士買返嚟嘅奴隸，完全無自我意識，只會認住夫人同我把聲。我哋叫佢講乜，佢就會講乜，叫佢做乜，佢就會做乜，完全惟命是從。

（北宮喜和宋朝懷疑）

宣姜（興奮）：咁勁？等我試下！（對韋命）韋命，行前兩步！

（韋命目無表情，向觀眾行前兩步）

宣姜：行後兩步！

（韋命目無表情，向觀眾行後兩步）

宣姜：轉身，扭屎忽！

（韋命轉身，向觀眾扭屎忽）

宣姜：轉返嚟，一邊掌摑自己，話「邊個淫蕩啊，我淫蕩⋯⋯」

（韋命轉身面向觀眾）

韋命（左右手輪流掌摑自己）：邊個淫蕩啊，我淫蕩⋯⋯

（韋命繼續掌摑和鬧自己，宣姜笑了，北宮喜和宋朝錯愕，齊豹無奈）

齊豹：夫人，韋命唔係咁樣比人玩㗎⋯⋯

宣姜：咁係點用？

齊豹：夫人，係咁嘅⋯⋯

（齊豹與宣姜耳語，宣姜聽後奸笑，宋朝和北宮喜疑惑）

（背景漸漸黑暗）

宣姜：咁你哋快啲去準備啦。

（齊豹、韋命、宋朝、北宮喜退場，背景黑暗）

（宣姜哈哈大笑）

705Please respect copyright.ＰＥＮＡＮＡCLFI86eSCP

曲目 6 《牝雞司晨》

https://musescore.com/user/13028/scores/10389961

（宣姜獨唱《牝雞司晨》）

《牝雞司晨》

白日有盡時，暗夜仰玉宮。明月破岳雲，太陰照長空。

白日有盡時，桂魄照黃河。太陰上泰山，牝雞司晨又如何？

705Please respect copyright.ＰＥＮＡＮＡaWEI3ERrpE

第三場：

（衛靈公十三年，二月十六，早上，天晴，王宮大殿內）

（金碧輝煌的王座位於正中舞台深處的平台上，王座左右各有一有背木椅；平台前有樓梯，十分光亮）

（佈景完成後，燈光才漸亮）

（齊豹和北宮喜穿朝服進場站在左舞台，宣姜和宋朝穿朝服進場站在中央）

（南子、彌子瑕穿朝服進場，盯着宣姜和宋朝，宣姜和宋朝亦盯着南子、彌子瑕

四人繞着舞台中央圍圈而走，步伐盡量與音樂節拍相近，子南見四人對峙而搖頭嘆息）

（齊豹奸笑，北宮喜對四人行為感到疑惑）

（期間史魚穿朝服進場，史魚則指手畫腳的指責）

（舞台背景傳來聲音）：主君到！

（姬元穿朝服進場，大步上前，中間四人組停止腳步，立即卑躬屈膝的向姬元下拜）

（姬元穿過四人組中間，張開雙臂，南子和宣姜扶姬元走上樓梯，坐在舞台深處的平台上的王座，南子和宣姜和坐在左右，姬元仍攬住二人。）

705Please respect copyright.ＰＥＮＡＮＡXlxzwFJmQi

全體（下拜）：參見主君。

姬元（疲倦，打阿欠）：平身！

全體：謝主君。

姬元：寡人今日好眼瞓，只想處理一件要事，所以早講完早退朝啦⋯⋯

史魚（向觀眾席踏兩大步上前）：主君且慢！

姬元（不耐煩）：點啊史魚？

史魚：主君上朝與兩名婦人左擁右抱，成何體統啊？

姬元：咁⋯⋯寡人送你哋兩個退下啦。

（史魚向後退兩步）

（南子和宣姜不悅，盯着史魚，與姬元下樓梯，南子站右舞台，宣姜站左舞台）

（姬元一下台，就攬住彌子瑕和宋朝二人，走上樓梯，坐在王座，二人坐左右）

705Please respect copyright.ＰＥＮＡＮＡn3tUxHHcX7

705Please respect copyright.ＰＥＮＡＮＡzeximRDTBb

705Please respect copyright.ＰＥＮＡＮＡroyRWjQnFJ

姬元：好啦，今日寡人想講一件事，我發現衛國依家最大嘅問題就係⋯⋯

史魚（向觀眾席踏兩大步上前）：主君且慢！

姬元（不耐煩）：又點啊史魚？

史魚：主君上朝與兩名男人左擁右抱，成何體統啊？

姬元：你好啦喎，女人又唔攬得，男人又唔攪得，即係點？我係國君，我話乜就話乜，寡人命令你收聲！好啦，入正題⋯⋯

（舞台背景傳來聲音）：宗魯求見。

姬元（無奈）：唉，入嚟啦！

（宗魯穿朝服，手持一壘竹簡進場，粗魯地推開史魚，走到樓梯前才向姬元下拜）

姬元：宗魯你何以遲到？

宗魯：主君息怒，臣剛才在準備齊豹的濫權的罪證⋯⋯

（齊豹驚慌）

史魚（不悅，向觀眾席踏兩大步上前）：且慢！

姬元（不耐煩）：又點啊史魚？

史魚（嚴肅）：根據法規，臣下朝見主君，要喺堂下拜，宗魯方才去到堂上先拜，係對主君不敬，當重打五十大板。

宗魯（生氣）：你個死老嘢，正經嘢唔理，去管繁文縟節？你依啲人真係禍國殃民！

姬元：唔好嘈啦！可唔可以唔好打斷寡人講嘢？嗱，寡人命令，由依一刻起，聽寡人講嘢，唔好再嘈。寡人認為衛國最大問題⋯⋯

（舞台背景傳來聲音）：公孟縶求見。

姬元（手握拳頭，震怒，停頓了幾秒）：入⋯⋯入嚟啦！

（公孟縶穿朝服進場，推開史魚，沒有下拜，走上樓梯，抽起宋朝衣領，將其拉下樓梯，站在舞磨中）

公孟縶（憤怒）：你條撚樣又同宣姜個臭閪扑嘢都算啦，尋晚你兩個竟然喺祖廟扑嘢？我唔打死你我唔姓姬啊！

（宋朝驚恐，姬元焦急，立即由平台下到舞台，分開宋朝和公孟縶；宋朝逃到宣姜懷裡）

姬元：阿哥，咁小事就算啦。

公孟縶：咩咁小事？佢哋淫亂宮室搞到淫亂祖廟喎！

姬元：我之後再處理，依家先處理正經嘢？

公孟縶：之後、之後，你日都話之後，我信你都戇鳩啦！

姬元：唔好講粗口，我唔鍾意。

公孟縶：我唔撚理你鍾唔鍾意！好心你啦，身為一國之君，對住宣姜個臭閪就軟弱無能，似咩樣啊？發惡都唔識！南子比你仲有國君風範囉！

（姬元震怒，忍無可忍，掌摑公孟縶，嚇得眾人側目）

公孟縶：你⋯⋯你打我？

姬元（憤怒）：走，同我走啊！（對下人）趕公孟縶同宗魯出去！

（不見侍衛，公孟縶仍站原地，宗魯上前扶起公孟縶）

宗魯：主君你太過份啦！

公孟縶：我⋯⋯我點都唔知啦！我就睇下宮中有邊個咁仆街，敢蝦鳩我依個傷殘人士！

姬元：點解無人入嚟？哈，果然⋯⋯個個都唔聽我講！

齊豹（走近姬元）：主公，我幫你請走佢哋兩位啦。

姬元：你又唔夠力抬佢兩個。

齊豹：臣有一群得力助手，可以幫主君分憂。

姬元：係咩？咁你叫佢哋入嚟抬走公孟縶同宗魯。

齊豹：（對姬元）遵命。（對後台）「衛命侍從」進來！

（韋命與三個衛命侍從穿朝服進場，目無表情，行走如機械人，額頭貼道符）

齊豹：「衛命侍從」，抬走公孟縶同宗魯！

（韋命與三個衛命侍從上前捉住公孟縶同宗魯，二人掙扎）

（疊聲）

公孟縶：屌你啊，放開我！放撚開我啊！咪撚掂我啊！

宗魯：放手！放手啊！我叫你放手啊！

南子（上前勸阻）：你哋點可以咁粗暴對待貴族⋯⋯（韋命推開南子）（對韋命）喂！八婆你點可以推我？

（韋命與三個衛命侍從押走公孟縶同宗魯，韋命、三個衛命侍從、公孟縶及宗魯退場）

（姬元返回王座，宋朝與彌子瑕復坐於其左右）

姬元：嗱，大家見到啦，寡人認為衛國最大問題呢，就係一個二個都「唔聽我話」。管仲話過：「言室滿室，言堂滿堂，是謂聖王。」咁點先可以言室滿室，言堂滿堂啊？（提高聲線，突然站起，激動）就係大家要聽我，聽我啊，聽我講嘢啊嘛！你哋做乜成日唔聽我講？

（宋朝與彌子瑕站起，勸姬元冷靜坐下）

姬元（深呼吸）：所以，寡人要眾卿家獻計，搵個方法，令全國上下從此人人都對寡人唯命是從，唔會再鬧寡人，講寡人壞話，唔聽寡人講嘢，拒絕寡人命令⋯⋯最總要嘅係唔撚講粗口。

史魚（生氣，走近樓梯，指罵姬元）：昏君！

（眾人錯愕）

南子（上前拉住史魚衣袖）：老師冷靜啊。

姬元（不悅）：你又想點啊史魚？

史魚（仰天，踱步）：依家主君根本就係別而聽之，仲想話自己係聖王？正如管仲所講：

705Please respect copyright.ＰＥＮＡＮＡcl7HHIhQoy

曲目 7 《管子．君臣》

夫民別而聽之則愚，合而聽之則聖。雖有湯武之德，復合於市人之言，是以明君順人心，安情性，而發於眾心之所聚。是以令出而不稽，刑設而不用。

705Please respect copyright.ＰＥＮＡＮＡQZj5OPAvoV

姬元（大怒，站立）：你信唔信寡人殺咗你？

（宋朝和彌子瑕驚愕）

宣姜說（冷笑）：君兒，依啲臣下以下犯上，有損國威，一定要殺！

南子（焦急）：（姬元）夫君你等一陣，（對史魚）喂，你快啲向主君道歉啦！

史魚：道歉？臣講錯咗乜？啊，臣講漏咗，夫人不守婦道，與彌子瑕苟合，仲周圍派錢收賣民心，叫百姓唱《天保》比主君聽，真係不知所謂！

姬元（驚訝）：吓，原來百姓唱《天保》係因為南子你比錢叫佢哋唱啊？

南子（生氣）：喂，我係畀面你死鬼老豆，先幫你求情，你竟然仲鬧我？我同彌子瑕點樣關你叉事咩！

彌子瑕（錯愕）：喂你做乜鬧埋我？

子南（上前，分開南子與史魚）：（對南子）母君息怒。（對史魚）老師你都係少一句，先提早退朝啦，依家唔係進諫嘅好時機⋯⋯

姬元：寡人忍夠了！

子南（向姬元下跪）：父君，念在兒臣曾向史卿家執弟子禮，請免史魚一死。

姬元（坐下，猶疑了一會，仍生氣）：死罪可免，活罪難饒！

南子（手持一字畫，走上樓梯到平台，打開，向觀眾寫到，上面寫着「你已經死鳥」）：夫君，唔殺史魚條契弟嘅話，就流放佢去「你已經死鳥」啦！

姬元（拍椅柄）：好，就咁話，人嚟，流放史魚條契弟去你已經死鳥！北宮喜，你拖佢走！

（北宮喜上前捉住史魚，史魚推開北宮喜）史魚：放手，我自己識行！

（子南依依不捨目送史魚離去）

（北宮喜和史魚退場）

705Please respect copyright.ＰＥＮＡＮＡnrxDBZnYl5

第四場：西方紅

705Please respect copyright.ＰＥＮＡＮＡ1dxNKtt25Q

姬元：好啦，眾卿家有咩建議？點先可以令全國對寡人惟命是從？

宣姜（向觀眾席踏前兩步）：君兒，我有一計。

姬元：母君請講。

宣姜：齊豹頭先咪有一隊「衛命侍從」嘅，佢哋咪就係惟命是從囉！

姬元：係喎！齊豹，快傳「衛命侍從」。

齊豹（奸笑）：遵命。（對後台）：「衛命侍從」入嚟！

（韋命與三個衛命侍從穿朝服進場）

（知情的宋朝臉有愧色而轉臉，彌子瑕和子南一見韋命就感到不安）

（南子走近韋命，疑惑地看着韋命）南子：點解依條女雙目無神，但步伐殺氣騰騰？

姬元（色心起）：咦，依條女幾索喎，又大波！佢叫咩名？

齊豹：主君，依位係「衛命侍從」嘅總兵韋命，佢無感情、無意志，絕對惟命是從。依家臣已經喺衛國訓練咗一萬人，由韋命統領，衛國全國幾十萬人只要收佢哋日夜監視，就無人敢亂講嘢，人人都對主君惟命是從啦！

姬元：好，非常好！

（姬元喜悅，走下樓梯，繞着韋命走一圈，注視其胸）

姬元：但依條女⋯⋯點用㗎？

齊豹：主君只要先講一聲「韋命」，然後講出指令，佢就會做。如果要命令衛命侍從，只要講「衛命侍從」，然後講出指令，佢哋就會做。主君試下啦。

姬元：好啊！韋命⋯⋯同我講：我愛主君。

齊豹：韋命，同主君講：我愛主君。

韋命（目無表情）：我愛主君。

姬元：太無情感啦⋯⋯韋命，好可愛咁同我講：我愛主君！

齊豹：韋命，好可愛咁同主君講：我愛主君。

韋命（扮可愛，扭屁股，雙手放在頭上做心型）：我愛主君！

（眾人側目，南子和彌子瑕妒忌，齊豹和宣姜奸笑）

南子（妒忌）：佢個樣咁淫賤㗎，一睇就知係臭⋯⋯

姬元（不悅）：南子，唔好講粗口！

南子：臭⋯⋯臭狐囉！

姬元：咁啦，韋命，淫賤地同我講：我愛主君！

韋命（擁抱姬元，與姬元四目交投，伸出舌頭，眼神淫穢）：啊，我愛主君！

齊豹：韋命，淫賤地同主君講：我愛主君。

（南子和彌子瑕氣得跳腳）

姬元：唔錯喎。

彌子瑕（妒忌）：主公，有古怪喎！點解每次你講完，都係要齊豹講多次，韋命先行動？

（齊豹及宣姜大驚，怕東窗事發）

齊豹（苦笑）：邊⋯⋯邊係呢？你⋯⋯你聽錯啦！

姬元：咁依次齊豹你唔好出聲，淨係寡人講。

齊豹：吓？

姬元：淨係寡人講，你唔好出聲啊！

齊豹：係⋯⋯係嘅。

姬元：韋命，除衫，然後同我錫錫！

（眾人凝視韋命，韋命木無表情，動也不動）

姬元：喂，齊豹，佢真係唔郁喎。

（齊豹焦慮，宣姜焦急上前，向韋命指手畫腳，以動作示意她脫衣和親吻姬元）

南子：喂！宣姜，你做乜郁嚟郁去？

宣姜：我⋯⋯我身痕嘛！

（奏起中東音樂）

（韋命突然擺出淫穢的表情，一下脫掉曳撒，只剩內衣褲，然後與姬元親吻）

（南子、子南和彌子瑕目瞪口呆）

（宣姜鬆一口氣，齊豹奸笑，宋朝不安）

姬元（攬住韋命）：幾好喎，有依D惟命是從嘅臣下，叫佢做乜就做乜，邊個唔聽話就叫衛命侍從打人，打到佢收聲，咁咪天下大平囉！

齊豹：主君，所以我有個計劃，叫做「唱好衛國故事」。

姬元：即係點？

齊豹：我會派衛命侍從去全國歌頌主君，又迫人民跟住唱，邊個唔唱打邊個，從此全衛國個個都乖乖聽話。

姬元：唱咩歌？

齊豹：臣作咗首歌，叫《西方紅》。

姬元：《西方紅》？唔係《東方紅》咩？

齊豹：《西方紅》啊，因為姬氏來自西面，有太白星拱照嘛。韋命、衛命侍從，唱《西方紅》！

705Please respect copyright.ＰＥＮＡＮＡYVeWURYs07

（韋命獨唱一次《西方紅》I.，情深地凝視姬元）

（衛命侍從及百姓歌詠團SATB合唱《西方紅》II.一次）

705Please respect copyright.ＰＥＮＡＮＡacQ0I8akST

曲目 8 《西方紅》

《西方紅》

西方紅，太白星，姬周有個至聖明君。

普世萬民齊歌頌，呼兒嗨喲，聖君統治天下太平！

705Please respect copyright.ＰＥＮＡＮＡVs6d86PvKW

（姬元哈哈大笑，子南搖頭嘆息，宋朝內疚和擔憂，南子和彌子瑕妒忌和喝倒采，宣姜和齊豹奸笑）

705Please respect copyright.ＰＥＮＡＮＡFriU6hg2mn

姬元：真係好，寡人好高興啊！韋命，同我扑嘢！

子南（驚訝）：父君，未退朝喎！

姬元：依家我係國君，衛國上下都要聽我講，寡人要係朝堂上扑嘢，都無人可以阻寡人！

宣姜：韋命，同主君扑嘢！

（韋命再次與姬元擁抱親吻）

705Please respect copyright.ＰＥＮＡＮＡLHk2jxhNEC

（衛命侍從及百姓歌詠團SATB合唱《西方紅》III.兩次）

705Please respect copyright.ＰＥＮＡＮＡK9hwuk9Xm0

（子南和南子氣憤，沒眼看，彌子瑕失落，退場）

（宣姜和齊豹哈哈大笑，退場）

（燈光變暗，其間韋命隱約發出叫聲，姬元和韋命繼續纏綿）

（《西方紅》聲音漸細，黑暗片刻）

705Please respect copyright.ＰＥＮＡＮＡ0CEhKF2XCW

ns216.73.216.141da2

Reading Theme:

Font Size:

Line Spacing:

Paragraph Spacing:

Load the next issue automatically