衛命侍從 - 第一幕

第一場：牧民

（衛靈公十三年，春，二月初十，天晴，帝丘城郊，早上。）

（左舞台有一茶寮，右舞台有馬車。女百姓1和女百姓坐在茶寮上聊天，二人中間有一矮桌。）

（舞台中間深處有一平台，上有一光碧輝煌王座，用於夢境/轉述情景，故未觸及情節時，燈光不應照射暴露平台）

（子南駕駛馬車，載着姬元至右舞台。子南、姬元衣常服。同時百姓歌詠團站在舞台深處，歌唱《天保》，迎接姬元進場。姬元神采飛揚，向百姓揮手。子南卻神情嚴肅。馬車至右舞台停下，假裝繼續前行。）

1071Please respect copyright.ＰＥＮＡＮＡvVTH8rSpqc

（百姓歌詠團及子南唱《牧民》）

曲目 1 《管子．牧民》

https://musescore.com/user/13028/scores/10357210

百姓歌詠團：

人在春秋，亂世裡怎去牧民？

管仲回覆，守倉廩，務四時。

國財多，召遠者。地辟舉，聚人民。

天下莫能與我爭。

1071Please respect copyright.ＰＥＮＡＮＡwd5FCE88Fa

子南：

倉廩實厚方知禮節，

衣食豐足則知榮辱。

上服得度鞏固六親，

君令行在乎張四維。

1071Please respect copyright.ＰＥＮＡＮＡzEvU8BW0n2

百姓歌詠團：

人在春秋，亂世裡怎去牧民？

管仲回覆，守倉廩，務四時。

國財多，召遠者。地辟舉，聚人民。

天下莫能與我爭。

1071Please respect copyright.ＰＥＮＡＮＡHnVm0MGHjq

人在春秋，亂世裡怎去牧民？

管仲回覆，守倉廩，務四時。

國財多，召遠者。地辟舉，聚人民。

天下莫能無可相比。

（樂止，百姓歌詠團退場）

1071Please respect copyright.ＰＥＮＡＮＡaOU0cu6TFN

姬元（拍手）：唱得好，唱得好！寡人最鍾意就係聽歌⋯⋯

女百姓1（驚訝，大笑）：吓，屌唔係啊嘛？真唔撚真啊？

姬元（憤怒）：邊個講粗口？寡人最撚真人講粗口！

子南：父君你啱啱講咗句粗口喎⋯⋯

姬元：君兒，你知唔知啊，我最憎嘅有五樣嘢：違抗我命令，唔聽我講嘢，當面鬧我，背後話我，同埋講粗口⋯⋯你停車！我哋落車，睇下係邊個仆街講粗口！

（姬元和子南下車，走近茶寮，偷聽二人說話）

女百姓2：珍珠都無咁真啊！我係聽隔離陳師奶講㗎！陳師奶個姪女個鄰居個表妹小莉喺王宮做宮女㗎！

女百姓1：衛國夫人南子同彌子瑕通姦，我就知姐，但你話原來姬元同彌子瑕兩個男人通姦，我就真係唔知喎！

（姬元憤怒，想衝上前，被子南拉住，子南搖頭示意不好）

女百姓2：咁你知唔知衛國公叫咩名啊？

女百姓1：姬元囉。

女百姓2（從桌下取出一張大紙畫，上面寫着『Gay元』）：『Gay』元啊，有名你叫！

（女百姓1和2哈哈大笑）

女百姓2：陳師奶話啊，小莉嗰晚係王宮見到佢哋三個咁樣啊：

（女百姓1 、2和子南望向舞台深處平台）

（南子與彌子瑕進場上平台，姬元走上平台的樓梯上，南子與彌子瑕站站在平台上，拉姬元上台，樣子淫穢。姬元神情興奮。南子趴在平台的王座，姬元趴在南子身上，然後彌子瑕趴在姬元身上，三人發出叫聲）

（女百姓1 、2哈哈大笑，子南驚愕，覺得嘔心。姬元怒氣沖沖下樓梯想走向女百姓，被子南擋住。南子與彌子瑕退場）

女百姓1：但我聽到個版本唔係咁喎。

女百姓2：吓？你邊度聽返嚟？

女百姓1：我舅母個細路有個姪叫魯慕，喺王宮做侍衛㗎嘛。

女百姓2：咁佢講乜？

女百姓1：佢話啊，原來姬元鐘意嘅，係佢老母宣姜，同埋宣姜條仔宋朝啊！

女百姓2：咩佢老母姐，姬元係襄公個妾侍生㗎，宣姜唔鳩係佢老母囉！

（女百姓1和2哈哈大笑）

（姬元憤怒，想衝上前，被子南拉住，子南搖頭示意不好）

女百姓2：咁啊老母⋯⋯唔係，啊魯慕，嗰晚見到乜？

女百姓1：佢話佢有晚巡邏王宮，撞見姬元、宣姜、宋朝三個咁樣：

（宣姜與宋朝進場，上平台。姬元走上舞台深處平台的樓梯上，宣姜與宋朝站站在平台上，拉姬元上台，樣子淫穢。姬元神情興奮。宣姜趴在平台的王座，姬元趴在宣姜身上，然後宋朝瑕趴在姬元身上，三人發出叫聲）

（女百姓1 、2哈哈大笑，子南驚愕，覺得嘔心。宣姜與宋朝下平台退場。姬元怒氣沖沖下樓梯想走向女百姓，子南擋不住，姬元來到女百姓1 、2中間，踢翻矮桌，拔劍，作勢要劈向二人，被子南拉住）

（女百姓1 、2驚慌，分別在左右下跪求饒）

姬元（憤怒）：你老母講撚夠未啊？

女百姓1 、2：主君饒命啊！

子南：（對姬元）父君你冷靜，先收劍。（嚴肅地對百姓1、2）大膽刁民，竟敢造謠抹黑衛國主君，而且滿口粗言穢語，該當何罪？

女百姓1：殿下饒命啊，草民無講大話，全部都係事實啊！雖然草民唔肯定當時主君到底係趴係中間定係最上面⋯⋯

姬元：你仲夠膽講！

子南：我唔信父君會做出咁荒唐嘅事囉！不過算啦，我見你哋係無知婦孺，今次就咁算數，同我走！

女百姓1 、2：謝殿下！

（女百姓1 、2慌張地逃走，退場）

子南（疑惑）：父君，佢哋剛才講嘅，都係假嘅，係咪？

姬元（左右觀望，踱步，不敢正視子南）：er⋯⋯er⋯⋯咦，今日⋯⋯天氣真係好！我哋回宮食水蜜桃啦。

子南：父君你未答我啊。

姬元：你⋯⋯你唔好聽百姓亂講啦！總之，回宮！

（姬元與子南退場）

第二場：潑婦罵街

（同一天下午，帝丘皇宮花園。左右舞台皆有花圃，背景見有一宮殿。）

（姬元與子南穿常服進場，即見宣姜與南子穿常服在舞台中央，大聲叫囂。）

（二人疊聲，互相指罵）

宣姜（憤怒）：你係雞係公廁！（x3）

南子（憤怒）：你先係雞啊！（x3）

1071Please respect copyright.ＰＥＮＡＮＡELlzPDoPTv

（姬元與子南錯愕，子南上前勸架）

（宣姜推開子南，子南錯愕，退到左舞台；宣姜站在姬元左，南子站在姬元右，二人各執姬元的衣袖，互相拉扯）

南子（拉姬元衣袖，對宣姜）：宣姜你件臭閪，你做乜推開我個仔？

宣姜（拉姬元衣袖，對南子）：推咪推，臭閪南，我點知你件臭閪個仔係同邊個男人生㗎？

姬元：你兩個唔好講粗口啦⋯⋯

南子（無視姬元，拉姬元衣袖，對宣姜）：好過你啦臭閪，你畀咁多男人屌過，連一隻蛋都生唔出啊？你只不過係我老公個掛名老母咋！

宣姜（推開姬元，姬元倒地，手指指着南子鼻）：你老母臭閪，你搶咗我個男神子瑕BB我都未同你計啊！

姬元（站起，分開二人，站在二人中間，無奈）：阿媽，老婆，你哋又嘈乜啊？

南子（把姬元拉到自己身後，一手指罵宣姜）：依個賤女人尋晚同我男神宋朝BB扑嘢啊！

子南（錯愕）：等一陣⋯⋯咩話？原來百姓講嘅，係真㗎？襄夫人⋯⋯你竟然同第二個男人⋯⋯

宣姜：大人講嘢細路唔好插嘴！

姬元：子南，你收聲啦！

（子南無奈地低頭歎息）

宣姜（把姬元拉到自己身後，一手指罵子南）：佢仲好講！依個賤女人尋晚同我男神子瑕BB扑嘢啊！

子南（驚愕）：吓？母君你點可以咁⋯⋯咁樣係，出軌啊！原來百姓講嘅，係真㗎？

南子：大人講嘢細路唔好插嘴！

姬元：子南，你收聲啦！

子南（驚愕）：吓？父君，母君同第二個男人⋯⋯上床喎！

姬元：咁又點？宋朝同彌子瑕都同我上個床啦！總之，你收聲！

（子南和宣姜無反應，似乎已早知）

子南（驚愕，倒地）：天⋯⋯天啊！原來⋯⋯頭先百姓講嘅，係真㗎？咁點解父君你頭先咁嬲？

姬元：（命令語氣，對子南）因為我唔鍾意人批評我同邊個上床囉！總之你聽我講，收聲。（哀求語氣，對宣姜和南子）你地兩個唔好嘈，聽我講，大家輪流啦⋯⋯（對宣姜）你一、三、五搵宋朝，二、四、六搵彌子瑕，（對南子）你一、三、五搵彌子瑕，二、四、六搵宋朝，咁咪好囉！

南子和宣姜：咁星期日呢？

姬元：彌子瑕同宋朝緊係陪寡人啦！

南子和宣姜（生氣，一同推開姬元）：你食屎啦！

（姬元被踢向左舞台，子南扶起姬元，南子和宣姜退場）

1071Please respect copyright.ＰＥＮＡＮＡg9qgGeioD6

姬元（埋怨）：明明我先係國君啊，點解一個二個都唔聽我講？

子南：父君，你又唔係唔知，衛國朝廷就係母君同襄夫人兩個話事，你唔可以迫佢哋聽你講嘢㗎。

姬元（環顧四周）：唔得！我身為國君，我要我講乜，大家就做乜，我唔要個個係度嘈生晒！彌子瑕同宋朝就最聽我話啦，等我同佢哋講。

子南：父君啊⋯⋯

姬元：你知唔知啊子南，我最鍾意就係大家唱好衛國，讚美我，我啊，依個國君。

（舞台後傳來聲音）：主君，彌子瑕同宋朝求見。

姬元：快傳！

（姬元與子南仍站舞台中央，彌子瑕同宋朝穿常服進場，二人互相推撞，先向對透投入鄙視眼神，然後向姬元展示喜悅眼神）

彌子瑕和宋朝：主君BB！

（姬元興奮地擁抱、親吻二人，子南感到噁心）

姬元：子南，你行開一陣啦。

子南：點解啊？

姬元（不耐煩）：總之你聽我講啦！你做乜唔服從我命令？我最憎嘅有五樣嘢：違抗我命令，唔聽我講嘢，當面鬧我，背後話我，同埋講粗口！

子南：好啦⋯⋯

（子南退到左舞台，背向姬元而立，不時回頭偷望）

姬元（左手攬彌子瑕，右手攬宋朝，在向前走近觀眾）：我聽講宣姜同南子為咗你哋兩位靚仔而爭風呷醋喎，不如咁，聽我講⋯⋯

宋朝（停下腳步，將姬元拉近）：主君，你聽我講，彌子瑕依個死𡃁仔⋯⋯真係罪大惡極啊！前幾日，我見佢坐主君架馬車去佢老母屋企啊！

姬元（驚訝，對彌子瑕）：吓？真㗎？彌子瑕點解你要咁做？

彌子瑕（慌張）：咁⋯⋯主君⋯⋯我老母，真係病得好重嘛！我當時好心急，所以先⋯⋯

姬元：咁⋯⋯咁你都幾孝順，算啦！

彌子瑕（將姬元拉近）：主君，你應該小心宋朝先係囉！佢依個月啊，隔日就去齊豹屋企，每次去就留低幾個時辰，你知齊豹成日唔聽主君你話㗎啦，都唔知佢哋有咩陰謀！

姬元（驚訝，對宋朝）：吓？宋朝，你唔係連齊豹依個鬍鬚佬都睇得上眼啊嘛？

宋朝（慌張）：（對姬元）我⋯⋯我邊有！我無⋯⋯（對彌子瑕）你條仆街老作！

彌子瑕（推開姬元，姬元倒地，推撞宋朝）：喂，死𡃁仔，你話邊個係仆街啊？

姬元：喂，停手啊！聽我講，聽我講！同埋唔好講粗口！

（宋朝和彌子瑕開始打架，不理會姬元）

（子南聽見打架聲，上前分開宋朝和彌子瑕）

子南：兩位冷靜，先退下啦。

（宋朝和彌子瑕退場，退場時仍互相指罵，子南扶起姬元）

姬元（抱怨）：明明我先係一國之君，點建硬係無人聽我講嘢？係咪我唔夠大聲？

子南：父君，就算係個天，都唔可以迫人聽佢講嘢，迫人講乜嘢，唔講乜嘢，每個人都有自由㗎！正如⋯⋯我雖然覺得父君同母君啲關係好混亂，兒臣都⋯⋯只能尊重你哋嘅自由啦！

姬元：自由？我最憎就係自由！自由，咪個個自把自為囉！我覺得我一定就係唔夠威嚴啊。阿哥講得啱，對臣民真係要惡啲先得。

子南：唔係咁㗎父君，再講你又惡唔起，頭先你對住宋朝和彌子瑕咪又一樣無曬扶？計我話⋯⋯

（傳出啊啊慘叫聲）

姬元：咩聲啊？

子南（擔憂）：死啦，一定又係大伯又打人啦！

姬元：我哋去睇下啦。

1071Please respect copyright.ＰＥＮＡＮＡcckIBWruXK

第三場：唔准講粗口

（地點、時間、佈景相同）

（北宮喜穿常服進場，被人踢入舞台，衝向姬元和子南，倒在二人腳前；北宮喜神色慌張，跪在姬元面前）

北宮喜：主君救命啊！

姬元：咩⋯⋯咩事啊？

北宮喜：公⋯⋯公孟縶，打我啊？尋日又打，今日又打！

（公孟縶和宗魯穿常服進場，公孟縶行動不便，持柺杖；宗魯持木棍。二人凶神惡煞；北宮喜仍跪，躲到姬元身後）

公孟縶：你老母，北宮喜你個亂臣賊子以為縮喺我細佬後面就無事啊？

姬元：大哥你唔好講粗口好無？我唔鍾意聽人講粗口。

公孟縶：哦，細佬，唔撚好意思啊。你喺度就啱啦，依條撚樣⋯⋯

姬元：大哥，唔好講粗口啊！

公孟縶：哦，唔好意思。我係話，依條契弟，真係罪大恐極，同齊豹一樣，貪污受賄，強佔土地，而最重要嘅係⋯⋯

姬元：係咩啊？

公孟縶：我隻狗生日啊，佢老味夠膽死唔寫首詩嚟恭喜啊！

（南子和姬元楞了一下）

姬元：吓，只不過係咁咋？

北宮喜：（從身後取出一卷字畫，打開，上面上着『不恭喜』）主君，臣⋯⋯臣有名你叫，『不』恭喜嘛。

公孟縶（提高聲線）：你老味你覺得個食字好好笑啊？宗魯，同我打到佢唔識笑為止！

宗魯：遵命。

北宮喜：救命啊！

（北宮喜逃跑，宗魯追上，北宮喜、宗魯退場）

子南（拍一拍公孟縶肩膀，勸告）：姪知大伯忠義，但係北宮喜如有不法，理應交由司寇繩之以法，而唔係用暴力解決⋯⋯

公孟縶：司寇？你講齊豹？我炒咗條撚樣啦！

（姬元和子南驚訝）

姬元：炒咗？幾時炒㗎？你無同我講過喎！

公孟縶：細佬你仲好講，你派依條撚樣去我個城池到做官，點知佢包庇下屬、收受賄賂，仲要背後笑我跛啊！我緊係炒佢啦！

姬元：咁你要有我命令先可以炒㗎⋯⋯我咪講過囉，齊豹係宣姜嘅𡃁，炒不得！依家炒咗司寇咁邊個審案？你聽我講，依家你暫代司寇先，然後去搵返齊豹⋯⋯

公孟縶：你做乜驚撚咗個哎吔老母姐？我想講啊，佢同宋國嚟嗰條撚樣宋朝日日扑野，真係不撚知所謂囉！

姬元：你唔好再講粗口好無？

（舞台背景忽然傳來聲音）

史魚：縶公子！縶公子！

公孟縶（驚慌）：大鑊！史魚嚟啦！（對姬元）你同史魚講無見過我，我走啦！

姬元：咩事啊？

（姬元和子南疑惑）

（公孟縶退場，史魚穿常服進場）

史魚（嚴肅，鞠躬作偮）：參見主君、公子。

子南：老師好，何事朝見？

史魚：請問兩位有無見過縶公子？

（子南正想開口，被姬元掩口）姬元（慌張）：公孟縶？er⋯⋯無，無啊！

史魚：咁啊⋯⋯主君，臣有一言⋯⋯

姬元：嗱，真係一言好啦，唔好長篇大論。

史魚：臣想講講法嘅問題。正所謂

1071Please respect copyright.ＰＥＮＡＮＡ9UyZ3s8MX4

（史魚獨唱《愛臣》）

曲目 2 《韓非子．愛臣》

愛臣太親，必危自身；人臣太貴，必易主位；主妾無等，必危嫡子；兄弟不服，必危社稷。

https://musescore.com/user/13028/scores/10370986

1071Please respect copyright.ＰＥＮＡＮＡGaMgzvmghB

姬元（不耐煩）：喂喂喂，又話一言？做乜長篇大論？

子南：老師不如入正題啦，可以省去前言。

史魚：咁好啦。齊豹、北宮喜貪贓枉法，確實有罪，但縶公子越權處罰，亦有違禮法，而且直接得罪襄夫人，所以請主君懲罰縶公子，收回佢嘅城池。

姬元（不滿）：喂，你即係挑撥離間我兩兄弟喎！寡人就點都唔會咁對我阿哥㗎啦！

史魚：咁樣⋯⋯主君，你就要先下手為強，一次過鏟除襄夫人嘅勢力。民間有謠言話，襄夫人同宋朝有異心，已經喺城外蓄養死士。

姬元（不滿）：喂，你講夠未？寡人唔准你挑撥離間我屋企，收聲啊！

史魚：如果主君念親情而不忍出手，可以由主君夫人出手，因為主君夫人素來同襄夫人不和。但主君夫人同彌子瑕一黨人又係另一威脅，所以利用主君夫人鏟除襄夫人同宋朝一黨後，主君又要鏟除主君夫人同彌子瑕一黨⋯⋯

姬元：收聲啊！

（姬元掌摑史魚，史魚倒地，子南扶起史魚）

史魚：主君何以打人？

姬元：我覺得應該鏟除你先囉，明明你係最唔聽我講嘢嘅仆街！

子南：父君，你唔係話唔鍾意人講粗口咩？

姬元：仆街唔係粗口！

（舞台後傳來聲音）：主君，宗魯求見。

姬元：快傳！

（宗魯穿常服進場）

宗魯：參見主君、公子。

（宗魯憤怒的盯着史魚，史魚詫異）

姬元：宗魯，何事求見？

宗魯：臣有一事相求。

姬元：請講。

宗魯（盯着史魚）：臣求主君准許臣毆打史魚。

姬元和子南（同聲）：吓？

史魚：你發咩癲啊？

宗魯（抽着史魚衣領，凶惡）：死老嘢，係你尋日講啊，話我主公未經主君批准毆打北宮喜係違法啊嘛，依家我跟足程序，向主君申請打你啊！（禮貌地）請問主君，臣要不要填一份毆打大臣申請表？

姬元：不必了，但你點解要打史魚？

宗魯：臣對公孟縶忠心耿耿，但尋日史魚闖入公孟縶府，就北宮喜被打一事大罵公孟縶，臣無法容忍自己主公受如此侮辱。

姬元：咁，咁啊⋯⋯你打三拳好啦。

宗魯：謝主君。

史魚：喂，你唔好發癲啊，喂⋯⋯喂！

宗魯：我依法打你啊，你逃走就係違法！

（史魚逃跑，宗魯追趕，史魚、宗魯退場）

姬元（歎息）：子南，你話如果我個個臣子都好似忠魯咁聽話，幾好啊？

子南（向前走近觀眾）：父君，你覺得如果全國只有一把聲音，乜都聽一個人講曬，真係好咩？

（子南退後）

姬元（向前走近觀眾）：好，有咩唔好啊？

（姬元退後）

子南（向前走近觀眾）：但係唱歌，都要分唔同聲部，先有和聲啦；國家要有唔同聲音，先有和諧啊！

（子南退後）

姬元（向前走近觀眾）：總之⋯⋯你唔好講啦，聽我講，你大個就明㗎啦！

1071Please respect copyright.ＰＥＮＡＮＡvFTvLf8OJO

（片刻黑暗）

ns216.73.216.48da2

Reading Theme:

Font Size:

Line Spacing:

Paragraph Spacing:

Load the next issue automatically