《尖東遊戲》//坐上尖沙咀開出嘅列車之後，我被送咗入一場死亡遊戲 - 十二、內幕（下）

我轉過身去，心裡情知能在這地方碰上他絕非偶然，於是帶著戒備心地問：「你專登嚟搵我？」

「嗯，琴日見你落車走咗落南港島線，我又估話哂今日係入翻『尖東遊戲』嘅最後機會俾你周圍去，所以搏下喺呢度會唔會撞到你囉。」四眼男人微微一笑，似乎對於會遇見我一事相當胸有成竹。

「做咩事？」雖說四眼男人昨天兩次出手助人，可是我跟他本來就是陌生人，加上我覺得他有一種高深莫測的感覺，令我對他有少許防備之心。

「唔洗擔心我，我今次嚟，係想搵你同我合作嘅。」四眼男人保持溫柔地說。

「合作？」我想到四眼男人的機智，應該不需要再多找一個夥伴吧。

而且，我跟他只屬萍水相逢的陌生人，為什麼他要找我合作？

4087Please respect copyright.ＰＥＮＡＮＡiFhEMMQExi

「無錯。琴日喺遊戲入面人多口雜，如果俾人發現咗我同你有合作關係會比較麻煩，所以我先要喺今日趁未入翻遊戲之前，同你傾下關於合作嘅事。」四眼男人認真地望著我，似乎他是真的有意想我成為他的夥伴。

「我點解要信你？」雖然我感夠感受他的誠意，可是從昨天「跑壘遊戲」中可見，每個人在求生慾的驅使下紛紛獨善其身，我又如何可以相信一個之前跟自己素未認識的人作為自己的夥伴呢？

「你有冇時間可以借半個鐘俾我，我講個故事俾你聽。」四眼男人凝望著我。

其實打從昨天在遊戲中開始，我已經覺得四眼男人並不簡單，而且說話時也似乎甚有保留。

雖然我未敢完全相信他，可是我也有興趣聽一下他口中所提及的「合作」，因為或者這合作關係就能改變接下來的比賽勝負，所以，我便同意了四眼男人所提出的要求。

4087Please respect copyright.ＰＥＮＡＮＡxsdsyFG6mD

沒想到，四眼男人首先做的卻不是找個位置分享他的故事，而是帶著我回到上幾層的月台。

而在五分鐘之後，我倆便到達了尖沙咀的月台。

一出月台，四眼男人不住地東張西望，然後走到了一根柱子之前。

他就這樣蹲了在柱子前面，先是「哦」了一聲，然後再安靜地端視一輪之後就站了起來。

而他這一連串的動作，都是我看不明白的。

4087Please respect copyright.ＰＥＮＡＮＡtxnkUlBnTI

「你記唔記得呢枝柱？」四眼男人問我。

「成個站咁多枝柱，好難記得。」我無奈地答。

「呢枝柱，係你哋琴日喺『跑壘遊戲』最後一回合跑落月台之後，坐低休息嘅時候挨住嘅嗰枝柱。」四眼男人解釋。

而我嘗試回憶，四周的環境似乎與四眼男人所說的吻合。

可是，我仍是不明白四眼男人的用意。

4087Please respect copyright.ＰＥＮＡＮＡcCi6AesK5h

「琴日當你哋坐低咗之後，當時我見到呢條柱上面有兩塊有啲甩甩哋嘅磚，所以靜靜雞咁用力將佢哋踢甩咗。但係，你而家過嚟踎低望下。」四眼男人指著柱子的下方。

我聽他的指示，蹲下一看，只見柱子雖然殘舊不堪，卻沒有他口中所說的缺了磚塊。

我向四眼男人投以疑惑不解的眼神，他微笑著說：「如果你有計過，琴日我哋一開始上咗尾班車，但係最後俾人載翻翻去尖沙咀站，然後先開始『尖東遊戲』㗎嘛。但係問題係，成個車程完全無倒車，亦都無經過其他站，咁到底邊有可能令一架列車可以重回起點呢？」

4087Please respect copyright.ＰＥＮＡＮＡY0PHTG4N60

四眼男人的話在此打住，然後就保持微笑地望著我，似乎已經解釋完畢。

確實，他所說的話是我昨晚也曾經思考過的。

可是，他所說的，又跟他現在所做的一切有何關係呢？

4087Please respect copyright.ＰＥＮＡＮＡOluOvBr0Jf

有磚塊缺失的柱子。

沒有倒車卻能回頭的列車。

4087Please respect copyright.ＰＥＮＡＮＡ0sypSIFdWC

仔細一想，我突然就明白了。

「你嘅意思係，我哋琴晚比賽嘅地點，並唔係喺尖沙咀站。應該話，唔係喺真正嘅尖沙咀站……」

這話說到最後，連我自己也因為太過匪夷所思而收細了聲量。

只不過，四眼男人卻用肯定的眼神凝視著我，點了點頭，並說：「無錯，呢個都係我嘅睇法。琴晚，我哋所有人都只係喺一個搭出嚟嘅大型佈景度玩呢個『跑壘遊戲』。但係你諗下，嗰個站由出閘機、月台設計、廣告板都做到一絲不苟，而且仲可以連接到地鐵，可想而知，背後嘅遊戲組織到底有幾咁財雄勢大。」

4087Please respect copyright.ＰＥＮＡＮＡAYUWTupesU

聽著四眼男人的話，我只能夠不住地點頭認同。

但同時間我亦想到，四眼男人會踢鬆柱子的磚塊而且記住位置，明顯就是一個刻意留記號的動作。

回想起來，四眼男人無論應對昨晚的遊戲，或是用留記號的方法去摸索背後組織的底細，這些行動都令我覺得他彷彿對這場「尖東遊戲」有一定程度的心理準備。

4087Please respect copyright.ＰＥＮＡＮＡT3G8LMq1y2

正所謂「用人不疑，疑人不用」，合作也是同理。

既然四眼男人提出要合作，我也不妨將內心的想法大膽地向他提問。

於是，我望著四眼男人，問：「其實，你係咪一早就知道有『尖東遊戲』呢樣嘢？」

「嗯。」四眼男人直認不諱。

這坦白的反應令我安心了點，然後我再追問：「點解你會知？」

4087Please respect copyright.ＰＥＮＡＮＡjcUxfafahQ

四眼男人收起了臉上溫和的笑容。

「我老婆，係上年『尖東遊戲』嘅參加者。」

4087Please respect copyright.ＰＥＮＡＮＡLQk7PymdME

（故事待續）

4087Please respect copyright.ＰＥＮＡＮＡg5oLZDHFq8

下一個加更位：900 likes/ 20000 P幣打賞

最後留低埋我IG，大家有興趣可以去嗰邊催迫我出文，而且仲有呢個故嘅「作者前言」睇㗎！4087Please respect copyright.ＰＥＮＡＮＡfNhBihlPQA
IG : windblowssilently

ns216.73.216.63da2

Reading Theme:

Font Size:

Line Spacing:

Paragraph Spacing:

Load the next issue automatically