下午四時，銅鑼灣，No Boundary咖啡店。
當我步入餐廳的時候，許德尚未留意到我已出現，這時候的他，表情明顯有點繃緊。
而當我出現在他面前的時候，他的表情才略為放鬆，並堆起一個平時常見的笑容說：「喂，做乜咁急約我出嚟啊？琴晚仲見我唔夠啊？」
「我見你唔夠？似係你想見我多啲，打成廿幾個電話，Send咗五十幾個message嚟喎。」我意會到許德正在掩飾，所以便用說話試探一下他。
「咁你咁夜翻屋企，又無話聲我聽你翻到，作為十幾年兄弟，擔心你啫。」許德用他作為保險推銷員的伶牙俐齒輕鬆便把我的試探化解了。
2815Please respect copyright.ＰＥＮＡＮＡoi8aKxoXBP
我知道，再這樣跟他消磨下去，可能一整頓飯也問不出個所以來。
所以，我決定單刀直入。
「你記得我哋十幾年兄弟，咁你又推我去死？」我一邊板起臉，一邊拉起自己的其中一邊衣袖，將傷痕壘壘的手臂放在許德面前。
許德張大了口，一副反應不過來的樣子，支支吾吾地說：「我……我無推你去死啊，嗰個人話你去玩遊戲㗎咋……」
2815Please respect copyright.ＰＥＮＡＮＡvSInc8bab6
「嗰個人」、「玩遊戲」。
看來，許德果然是我被扯進「尖東遊戲」的原因。
2815Please respect copyright.ＰＥＮＡＮＡhypebslGxv
「你最好講清楚啲，如果唔係我哋絕交啦。」想起昨晚的九死一生竟然是因為自己的死黨許德而起，我不禁心中有氣，語氣也自然不太客氣。
「喂，講咩絕交啫，你咁好人，邊會……」
「講。」
許德本來還想用嬉皮笑臉打發我，但我直接打斷了他的無聊話。
2815Please respect copyright.ＰＥＮＡＮＡWwOcoPEmxe
許德應該感受到我少有而非比尋常的氣勢，所以先是呆了一下，然後便坐直了身子，嘆出了一口氣，緩緩地說：「兩日前，有個人喺Whatsapp度搵我，問我識唔識你。我最初以為係啲咩呃錢信息，但係又有好奇心想知咩事，所以就答佢我識你。之後，嗰個人話只要我可以令你上到星期五尖沙咀翻港島嘅地鐵尾班車，我就可以有五皮嘢酬勞。嗱，咁我哋一場朋友，我梗係緊張你啦，所以即刻問清楚點解要令你上尾班車。嗰個人答我，佢哋係一個大型遊戲嘅機構，需要喺參加者唔知情嘅情況之下俾佢哋參與遊戲，咁先會有真實感。咁我聽佢咁講又有文有路，而且去地鐵站玩，話哂公眾地方，應該都唔會有咩危險嘅，加上仲有成五皮嘢酬勞喎，所以我咪應承咗佢囉。」
2815Please respect copyright.ＰＥＮＡＮＡR7KQhwUbqO
「你為咗五皮嘢，你就出賣我去一個連咩人搞都唔知嘅遊戲度？」我不可置信地怒視著許德，沒想到這個相識接近十五年的中學死黨會為了區區五萬元就出賣我，更害我差點死於非命。
「咩出賣啫？又唔好講到咁嚴重，咁嗰個人話玩遊戲咋嘛，我諗住都係嗰啲電視台拍下遊戲節目啫，點知會咁大獲喎！你唔好講到我咁衰啊，我琴晚擔心咗你成晚㗎，如果唔係洗乜係咁打俾你啫？仲有啊，就算我今個月搵得唔多，嗰五皮嘢我都諗住同你對分一人一半㗎，你咪諗到我咁貪錢至得㗎。」面對我的斥責，許德竟然理直氣壯地反駁我，這使更是我氣上心頭。
2815Please respect copyright.ＰＥＮＡＮＡrZuoDN9CNL
正當我打算要對許德破口大罵的時候，我腦袋內的理性突然運作起來，並響起了一句話：「你都就快要翻去『尖東遊戲』啦，分分鐘就死埋，而家搲爛塊臉絕交又有咩用呢？」
這話，確是不錯。
如果這時候跟許德翻臉，最後的結果，可能只是令我自己的葬禮上少了一個出席者。
2815Please respect copyright.ＰＥＮＡＮＡCnN9r5r0wk
我在心內嘆了一口氣，並用這口氣的時間化解了滿腔的怒氣。
「你係記得分翻一半俾我先好啊。」我擠出了一笑，用力地拍了他的右肩一下。
許德見了我回復正常的寬容模樣，登時笑了起來：「咁咪好囉，我就知你咁好人，無理由嬲我嘅。嗱，今餐我請，當我賠罪，之後再過數俾你！」
許德將餐廳餐單交給我，開懷地叫我點餐。
而我也裝作前事不計，一如以往地跟許德說說笑笑。
2815Please respect copyright.ＰＥＮＡＮＡQTpO6WjBeG
就這樣，一個小時過去，許德說自己約了客戶，而我見時候不早理應回家晚餐多陪母親片刻，所以就與許德道別。
「今晚過數俾你，下次再出嚟飲過啊！」許德一邊說，一邊坐上了的士，就此絕塵而去。
看著許德的離去，我心中有一種難以言喻的無奈。
我沒有刻意將「尖東遊戲」中的凶險告訴他，更沒有讓他知道我不久之後將要再度進入遊戲。
沒有說出口，一來是覺得說了也於事無補，二來是不想讓許德內疚。
某程度上，我相信佢不是帶著要謀害我的心態而將我送入「尖東遊戲」，而他因擔心而不斷致電我這行動也是出於關心的。
所以，即使我討厭他為了五萬元而把我送進不知名的遊戲裡，可是，我也不想他因為這無心之失而內疚一生。
2815Please respect copyright.ＰＥＮＡＮＡwgPRdURgxc
如是者，我帶著複雜的心情離開了銅鑼灣，起程乘地鐵回家。
我先從銅鑼灣到達金鐘，再從金鐘乘著扶手電梯到南港島線月台。
當我站在幕門前等待列車到來時，我感到肩頭上搭上了一隻手。
「咁啱啊。」一道聲音從我身後響起。
從幕門的玻璃反射上，我清楚地看到自己身後那人的面孔。
2815Please respect copyright.ＰＥＮＡＮＡPIScXShfLh
這是一個我認得，卻相當意外會在此碰上的人。
「尖東遊戲」中的四眼男人。
2815Please respect copyright.ＰＥＮＡＮＡQwsSEPXNdm
（故事待續）
2815Please respect copyright.ＰＥＮＡＮＡ1dTwUlZkul
下一個加更位：900 likes/ 20000 P幣打賞
最後留低埋我IG，大家有興趣可以去嗰邊催迫我出文，而且仲有呢個故嘅「作者前言」睇㗎！2815Please respect copyright.ＰＥＮＡＮＡn9czKcfZ7J
IG : windblowssilently
and then Add to home screen.