半生熟嘅午餐 - 佢唔食芋角㗎

如是者，我同C就咁限定喺午飯時段又相處咗兩個禮拜左右。

直到有日，阿頭拉大隊去飲茶，話歡迎新同事。

其實我作為隔籬team嘅人，呢啲場合可以唔使去。但C行過嚟，語氣平常咁講：

「帶你去識下人，一齊啦。」

我望住佢，佢望住我。

——咁即係要去啦。

84Please respect copyright.ＰＥＮＡＮＡMp1oOwCKea

酒樓嗰張大圓枱，坐滿晒人。

咁當然，C坐我隔籬。

阿頭清清喉嚨：「各位同事，呢位係新同事A，佢under Team Leader K，日後大家一家人，互相扶持吓。仲有就係，呢位女同事都係坐喺C間房，有咩就自己搵佢啦。」

枱面輪住自我介紹，我低頭緊張咁玩手指。

阿頭突然望過嚟：「啊！我講漏咗，呢位係隔籬team早你少少嚟嘅新人N——」佢停一停，笑笑口，「佢一直都係咁靜㗎，你習慣吓。」

我抬頭，同A對視，兩個人都只係尷尬咁點點頭。

84Please respect copyright.ＰＥＮＡＮＡFOiyeU17Uo

點心陸續上枱。

蝦餃、燒賣、牛肉球、腸粉——我淨係識得望住轉盤轉嚟轉去，筷子揸喺手，但唔敢夾。

我左手邊係「媽媽級」女同事D，好熱心。一見有新點心到，佢順手夾起嚿芋角，二話不說放落我碗度。

D：「後生女，食多啲啦，芋角呢啲香口嘢，啱年輕人食㗎！」

我望住碗入面嚿金黃色、脹卜卜嘅芋角，心諗：⋯⋯

下一秒，我個碗空咗。

C嘅筷子快過我，將嚿芋角夾走，放喺自己碗度。佢若無其事咁同D講咗句：

「佢唔食芋頭㗎，唔好嘥嘢。」

成枱靜咗半秒。

D呆一呆，然後笑出聲：「不愧係我哋嘅Team Leader，連隔籬team同事唔食啲咩都瞭如指掌，欽佩！」

C冇理佢，繼續夾嘢食。

我尷尬到想捐入枱底，唯有硬住頭皮同D點點頭，當多謝佢好意。

——但個心入面係咁loop：佢邊餐飯發現我唔食芋頭㗎？

84Please respect copyright.ＰＥＮＡＮＡHQJNiyLpKj

之後成餐飯，D冇再夾過嘢俾我。

而我，都冇自己郁過手。

因為C好似開咗某種自動模式——

我個碗空咗，佢就夾嘢食；84Please respect copyright.ＰＥＮＡＮＡi7fKkfDXIc
我個杯淺咗，佢就斟茶；84Please respect copyright.ＰＥＮＡＮＡYXRNyEKXRQ
我眼神飄向邊碟，嗰碟就會轉到我面前。

成個過程，我哋一句嘢都冇講過。

佢只係默默做晒。

ns216.73.216.98da2