半生熟嘅午餐 - 食物焚化爐

相處咗兩個禮拜後我同C都仲係好生，佢每日有佢嘅忙碌，我有我嘅生活。我哋兩個部門天各一方，中間隔住條河——就好似我同C嘅關係咁。

緣份到，就會遇到C帶我去食飯。

直到有日，C帶咗我去一間台式餐廳。

83Please respect copyright.ＰＥＮＡＮＡ4NQ59FxW3s

中年男同事B：「C爺，點解佢餐餐飯都唔出聲嘅？」

男同事A：「人哋同你唔熟呀！」

C：「唔好嚇親佢啦。佢想開口自然會同你講嘢。」

下一秒，C同平時一樣一輪嘴報菜名——呢個辣、嗰個唔辣、邊個好食、邊個中伏。

再下一秒，又係嗰句：「等你揀完，佢哋都埋單喇。」

——原來我真係慢到連揀食咩嘅權利都冇？

不過又咁講，呢個男人又幾醒，多數都揀中啲我會食嘅嘢。

83Please respect copyright.ＰＥＮＡＮＡ1pS3yAu6jv

當個餐到嗰陣，C望住我個碗，再望吓自己個兜。

「知你食唔晒，我帶咗兜嚟，你將你多嘅𢳂落去啦。」

我呆咗呆，好細聲咁問：「你……有冇咩唔食？」

中年男同事B搶先答：「放心啦！食物焚化爐唔輪到你擔心～」

C笑笑口：「哈哈～你唔食嘅嘢，遠超於我會食嘅嘢。」

我唔知佢講真定講笑，但嗰一刻，我將碗入面一半嘅嘢𢳂咗落佢個兜度。

佢望住，冇出聲，只係繼續食。

——就係咁樣，踏上咗我幾乎每次都「唔好嘥嘢」嘅路。

ns216.73.216.98da2