是咁的，廿一歲有咗，所以我要做有錢人 - 忌廉包泡沫

原來學校入面六年級有個風頭躉，佢用咩嘢都會引起其他同學學佢。

事關佢就係引入將啲釘書釘插入擦膠度做陀螺嘅潮流尖啄，仲有個好中二病嘅名叫邪王滅殺黑龍哥。

之前仲有將啲紋身貼紙貼喺身扮咒印等等嘅熱潮都係佢帶起。

我又有計仔擴大我嘅生意。

我冒昧搵咗黑龍哥，請佢試食鮮忌廉包，如果好食，我以後可以畀佢優先排隊。

我對個包有信心，所以並唔係完全靠運數去博。生意人必須認清楚自己產品嘅價值，唔可以下下靠估同賭。

黑龍哥愛上咗個包，第一日嚟買已經轟動一時。

佢仲話個包可以幫佢補充邪王魔力，短時間令一大班中二追隨者個個都想補魔。

鮮忌廉包亦開始出現炒賣巿場，就算我個包賣到十蚊都有人買，因為轉手已經賺幾蚊。

全盛時期我地班有好多學生排隊買包。

大概兩個月內，我嘅賣價去到十二蚊，成本無變都係一百六十六，但我嘅收入係六百，淨賺四百三十四蚊。

我嘅積蓄好快就破咗千。

而當我興高采烈咁同公公講我賺到幾錢，同學又點樣炒忌廉包嗰陣，佢只係同我講咗兩個字。

小心。

公公講嘅野向來都係啱嘅。但我被利益沖昏頭腦，一時之間唔明白佢嘅意思。

直到忌廉包依個泡沫爆破為止。1017Please respect copyright.ＰＥＮＡＮＡsQBcAOwCec

一個包嘅價值，就只係一個包。人係唔會為一個巿價只係幾蚊嘅包支付幾十蚊。

但一到炒賣情況就咩都會發生，大家都唔在乎個包貴唔貴，唔在乎個包嘅內在價值，只在乎個包遲啲仲會唔會升值。

包嘅價值一定有限，可惜人嘅貪婪無限。

1017Please respect copyright.ＰＥＮＡＮＡ5BqKQLRnAR

ns216.73.216.217da2