是咁的，廿一歲有咗，所以我要做有錢人 - 鬱金香泡沫

從結果嚟睇，有一班人用廿幾蚊嚟買一個本來只需要兩個半就食到落肚嘅包。

一個包嘅價值，就只係被人食落肚，僅此而已。

我望住一個個炒燶忌廉包嘅同學，同垃圾桶入面被丟棄嘅忌廉包，就算我係成個過程中賺最多錢嘅人，我個心都唔好過。

公公話，好好，我親身體驗咗一次咩叫巿場過熱。

佢要我記得自己嘅服務同產品幫到人嗰陣嘅滿足感，但唔好將失利投資者嘅失敗當成自己嘅責任。

1127Please respect copyright.ＰＥＮＡＮＡsWxFl9cNCr

事關有人鬧我，話如果我無賣忌廉包嘅話就唔會搞到依家咁。

1127Please respect copyright.ＰＥＮＡＮＡ2Za3RmYvY5

輸得愈多嘅人鬧得我愈金，我亦好快變成神憎鬼厭嘅存在，僅餘嘅朋友都無晒。

1127Please respect copyright.ＰＥＮＡＮＡf4kKtj9nut

我為依件事喊咗好多晚，明明一開始幫到買唔到忌廉包嘅同學，為佢哋提供價值，點解到頭來我害晒成班同學？

1127Please respect copyright.ＰＥＮＡＮＡIIhMnzzi7g

我連喊幾日，去到公公度佢見我口腫面腫，我想一次過將所有鬱結爆晒出嚟，仲話以後都唔想再做生意。

公公就安慰我，話班同學唔係被我害，係被人性貪婪所害，只係無辦法指住貪婪嚟鬧，先轉而搵我出氣。

人要為自己嘅貪婪負責，佢地所承受嘅後果係集體貪婪膨脹而必然發生嘅悲劇。

身處炒賣過熱嘅巿場，就算我去叫大家唔好炒，啲人只會笑我傻。

「啲包下個小息轉個手就賺啦！有錢唔賺咩！」

所以如果眾人皆醉我獨醒，唔好試圖叫醒喺美夢中嘅人，唯一方法，及早離去矣。

嗰年有人借錢炒包，蝕足百幾蚊，最後由家長出錢填氹，學校先知道事件嘅嚴重性。

即使我正當咁入貨，而炒忌廉包亦唔係賭搏行為，但最後所有野都要冚檔。

炒賣中有人贏有人輸，而我就係唯一一個大贏家，賺咗二千幾三千蚊，嗰年，我小四。

如果唔係公公一直做我嘅老師，我早就誤入歧途，因為每個人都一樣，賺到錢就自然會囂，而囂得多就會仆街，因為成日抬頭挺胸，無睇清楚腳下要行嘅路。

1127Please respect copyright.ＰＥＮＡＮＡ7x0P6cuSIj

公公喺之後一次嘅課堂上擺咗兩樣嘢喺我面前，一支花同一罐沙甸魚罐頭。

佢講咗兩個故事我聽，第一個同枝花有關，枝花叫鬱金香，而喺十七世紀嘅荷蘭，就發生過炒花事件，史稱「鬱金香泡沫」。

ns216.73.216.176da2