是咁的，玩匿名交友app撞返個ex - 【番外篇】芯玥80︰重陽節

我出院後重新追返工作進度，又花更多時間加班，唔用多一倍時間努力就無可能清哂啲野。唯一安慰係再次返到學校，成班仔仔女女都衝埋嚟摟我，話好掛住我，佢地單純嘅思念變成我最大嘅動力，令我知道之前用心教佢地佢地真係接收到。我唔希望自己係個無返學都無小朋友掛住我嘅老師，好彩我唔係。

工作忙碌嘅壞處就係會同身邊人嘅時間錯開，我同樂仔就算喺同一個空間生活都可以無得見面，但我不停幫自己打氣，因為一追返個進度，一到長假期就可以解決哂所有問題。我已經諗好放長假去邊度玩，做老師嘅好處就係九月開學幾辛苦都好，知道自己十二月就有聖誕假，三個月後又一條好漢。

日曆上嘅交叉不知不覺間前進到農曆九月初九重陽節，樂仔約好陪我去拜家姐，但朝早起身樂仔仲訓緊覺。望住樂仔立體嘅五官，好似雕塑一樣，我赫然發現自己好耐無認真望下樂仔個樣，足足睇咗五分鐘，唔捨得嘈醒佢。

我先起身梳洗同煮早餐，見雪櫃入面有樂仔買好嘅即食餃子同雞蛋，依段時間我忙到無煮過飯亦唔得閒買餸，多得樂仔肯幫我分擔。我諗我打開個雪櫃見到空盪盪的話真係會幾失望。

「起身喇～」樂仔被我錫完一啖就伸個懶腰，聞到早餐香味，好快就醒咗。

「咁叻仔嘅？識買定啲野食。」

「依啲碎料嚟啫。」佢一開手機，見到日期，就成個彈起︰「係喎！今日要陪你！」我見佢咁驚就問︰「咩呀？你約咗人咩？」

「點會！應該我要早醒過你服侍你丫嘛！」我失笑，敲一敲佢額頭︰「起身食野啦，食完出發。」

我地食完野，樂仔自動自覺洗埋啲廚具，望住佢洗碗嘅背影我已經覺得好滿足，至於洗唔乾淨嘅位我就今晚等佢沖涼我先再過多次水。臨行之前，樂仔叫我等佢過對面錄音室拎啲野。

「搞掂。」

「有咩咁緊要呀？」

「秘密，一陣你就知架喇。」

好快就到咗柴灣墳場，今次就好多人，要排隊轉巴士上山，相比閒日我自己過嚟更花時間。我地順住人潮上山，終於去到家姐個靈位。樂仔有啲手足無措，我諗佢無乜掃墓經驗，佢負責幫我拎住啲野，至於清潔、擺祭品、燒衣紙同上香等等我都係自己搞掂。

「好熟手……」

「拜得多就熟架啦。」相反樂仔就無乜點拜過山，佢公公婆婆爺爺嫲嫲死得早，佢對佢地無乜感情，就算細個要跟阿爸阿媽去拜山，都唔使佢做任何野，自然乜都唔識。

我雙手合手，又喺心內面同家姐講野︰「依個係樂仔，我諗今次真係遇到個我愛嘅人，雖然都係會諗起你，但同佢一齊之後我開心嘅日子多咗好多。」

樂仔拘謹咁企喺我身邊，靜靜咁等我。

「家姐，如果我真係同佢結婚，你覺得點呢？你喺度就好，可以比啲意見我。你知啦，你個妹由細到大都無試過恨嫁，但我想嫁比佢。講出嚟都難為情，好彩喺個心度同你講，得我同你知。」

希望你會保佑我地兩個順順利行，如果可以就幫下樂仔，等佢快啲夢想成真啦，解決埋經濟問題你個妹就會幸福架喇，完全唔使擔心我。

因為樂仔對我真係好好。

我張開雙眼，今次無再流淚，但眼框仍然有啲淚光。我依排學識咗唔好再重複諗返家姐死嗰段時間嘅記憶，咁悲傷就唔會不停重複。

樂仔嘅手輕輕放喺我膊頭上︰「有野送比你。」

原來樂仔頭先是去錄音室拎隻碟同播放機︰「播碟聽音質好啲。」我都係識咗樂仔先知唔同播放媒介都會影響音質，播碟通常都比喺網上聽更加好，至於原理我聽完都唔係好明。另外就係耳機最好用有線連輸，無線耳機又係會令音質受損。

於是樂仔入完隻碟，雙手拎住有線耳機，好似要為我戴上頸鏈咁︰「依首歌係特登為你寫，我想你第一個聽，希望可以幫到你心情好返少少。」講完就將耳機放入我耳仔。

354Please respect copyright.ＰＥＮＡＮＡF0lg7DYSl7

https://www.youtube.com/watch?v=4DxL6IKmXx4

354Please respect copyright.ＰＥＮＡＮＡ6nA7yiJP6L

前奏響起，我就知道係一首悲傷嘅歌。

354Please respect copyright.ＰＥＮＡＮＡA0X0dKFxCV

說聲再見卻不會見今生都不再見

全部願望放於心裏我沒說一句

遠方再見哪可再見也沒法抱緊

在你葬送禮的花墳前傳達聲聲心意

沉默夢碎伸出手這世界盡默沉

無奈我只想伸出手邀你再共舞

重聚那面容

脈搏心跳動

為這漆黑天際帶來點曙光

354Please respect copyright.ＰＥＮＡＮＡg0hsUa3apU

你是聽不到我亦看不見我是早知今天需放手

是你重創過我的心靈傷口永難抹掉

你亦看不到我亦說不出但我每晚崩潰如何面對

可惜世界不應答遺下我的飲泣

只想到你我不再共對

354Please respect copyright.ＰＥＮＡＮＡrCboVzL9CJ

眼淚馬上缺堤式湧出眼框，樂仔每句歌詞都簡簡單單就講中我曾經嘅心情。

354Please respect copyright.ＰＥＮＡＮＡRhJv1rba3I

痛哭說句懶分錯對每夜只想喝醉

殘酷絕望令我心碎痛卻沒法消退

那種決意每分每秒也沒法抹消

夜裏半醉蹣跚於高樓期待深淵的接吻

靈魂亂舞漆黑中呼救卻亦是沒人來

遺下是我孤單不想溺斃耗盡力氣

如若你在場

願你可見諒

我已孤單一個難存活多一秒

354Please respect copyright.ＰＥＮＡＮＡEvqsJ7nWDh

樂仔知道我曾經想自殺，但我用盡力氣生存落嚟，中間嘅叫聲如同我無數個夜晚對住夜空、對住海嘅發洩。

354Please respect copyright.ＰＥＮＡＮＡxRyc3Aw781

你是否聽到我的叫聲說着愛你

抬望今天星空耳邊竟可聽到：「別流淚。」

354Please respect copyright.ＰＥＮＡＮＡW7CyE98IhL

音樂迎來短暫平伏，我幻想自己望向星空，喺絕對無可能再見到家姐個樣，無可能再聽到佢把聲嘅情況下，竟然聽到家姐嘅安慰。

354Please respect copyright.ＰＥＮＡＮＡ2FbWmbHhws

我是聽得見我亦看得到這夜裏是你牽起了我手

為我訴說過去的歡愉星光永難抹掉

你亦看得到我亦說得出共你勾勾手指為時未晚

只需你的應答來停住哭泣嗎？

只想再想到你我不必哭喊嗎？

終於破曉剎那我可再現笑臉

衷心說：「祝福你安息。」

354Please respect copyright.ＰＥＮＡＮＡFbH8uJhpBf

音樂播完，我輕輕拖住樂仔隻手。

「多謝你……」

感覺以後有樂仔喺身邊，我真係可再現笑臉，真係可以衷心向家姐講︰「祝福你安息。」

ns216.73.216.89da2

Reading Theme:

Font Size:

Line Spacing:

Paragraph Spacing:

Load the next issue automatically