《屍河明居鑽石山》（是咁的，我發現打喪屍有得升呢） - 401

第四幕

690Please respect copyright.ＰＥＮＡＮＡHVaiXDYHwk

001

690Please respect copyright.ＰＥＮＡＮＡp4YwYGNH94

莎倫……莎倫……

『唔准笑人著阿婆底褲啊！』

佢面紅遮住自己屁股嘅畫面，喺我腦海浮現……

『嘻嘻，你成晚都硬哂呢，呢幾日到底係點樣忍得住？』佢趴喺我身上捏捏我鼻尖，笑得好甜。

然後畫面一轉。

去咗聖母醫院……回溯返喺我阿嫲過身嗰日。

我同阿詠相擁慟哭。

呢場夢境無比真實：

佢柔軟嘅身體、溫熱嘅眼淚、天然嘅香氣，好似親臨其境。

『點解人係會死？就算靈魂夠鐘要走，唔可以俾剩低嘅部份繼續留喺度，安慰仲在生嘅親人咩？』

我記得佢好似喺我耳邊咁樣講過……

而家諗返起，或者阿詠會為我阿嫲而咁傷心，係因為同時勾起咗佢另一啲往事。

無論係莎倫。

定係阿詠。

呢兩個女仔，而家就係我心裏面嘅唯一支柱！

我要見返佢哋！

……我擘開眼醒返。

—————————————————

當我恢復返知覺嘅時候，發現自己竟然坐咗喺某幢建築物嘅一樓。

正確嚟講，係騎樓頂。

我喺騎樓盡頭縮埋一角，背靠大廈外牆，而我頭上就係一整排嘅玻璃窗……

我背脊正好遮住咗個招牌嘅第一個字。

「XX老人院。」

喺過咗十字路口之後，就係鳳德公園；過埋公園，就係呢幢層層都係老人院嘅綜合大樓。

「我竟然……喺一次《暴走者》時間內走到咁遠？」

我記得我由一殺出個樹叢，望咗條十字馬路口一眼，就斷咗片。

由於我喺一樓，可以俯視式咁回望。

個十字路口撞車撞到塞死哂，而且中間好多被壓住嚟屍變嘅喪屍，有好多仲困咗喺啲反咗嘅巴士裏面，剩係伸到啲手腳出嚟。

附近路口，好多喪屍徘徊。

而穿過路口後，鳳德公園裏外都有幾多喪屍，主要聚集喺啲樹底或涼亭入面。

我係點樣嚟到呢度？

我瞇眼睇，好似見到十字路口有幾架車嘅車頂，大大凹入咗個腳印……

然後鳳德公園外牆係鋪瓦（呢個公園玩古代神話風格，入面有水簾洞山焰山添）嘅，我見到啲瓦片每隔幾米就有被踩爆過嘅痕跡，有啲位而家仲跌緊瓦片落嚟。

「唔、唔係嘛……」

呢次所謂『三重透支』嘅暴走者，好似效果勁過哂之前。

我仲有啲恐慌餘韻，擘大眼望勻哂睇到嘅範圍，確認再見唔到嗰個『裘錦龍』，先至鬆一口氣。

（點素剩餘：-0.2。透支部份已透過身體質量作出緊急遞補。）

（嚴重營養不足。）

（緊急停機。）

喺視角狂眨紅燈之下，我再次暈咗落嚟。

當我再次醒返嗰時，係俾斜陽燦醒嘅……喺我呢個位本來係曬唔到太陽。

即係話，已經過咗一段時間。

「死！而家幾點？」

喺進入咗智能手機時代，我就冇戴過錶，而我頭先出門時亦冇諗過帶手機，只諗住要塞支WD40入褲袋……我係應該帶手機嘅！

唔緊要，我身後就係老人院，牆上應該有掛鐘。

當我慢慢爬起身，想望入老人院度嗰時，先發現自己俾人用支竹竿頂緊！

我先至意識到，自己就嚟要從簷篷掉落街！

原來我喺斷片時，唔知幾時開始，就一直俾人企圖撩落街！

甚至我一隻腳，已經吊咗喺簷篷外邊，街上幾條喪屍抬起頭流緊口水，有兩隻仲搵緊位想爬上嚟……

我伸手捉住條竹竿，唔俾佢繼續篤！

「慘！我成身冇力！」

我覺得自己虛弱咗好多，SAM狀態應該開唔返，甚至睇落……自己隻手瘦到皮包骨咁！

但好彩……

拎住竹竿條友，體力比我更差！

「你、你仲未屍變？」喺四格玻璃窗外，有個睇嚟五、六十歲嘅男人，好驚訝咁望住我。

佢兩隻手揸住支竹竿。

ns216.73.216.33da2

Reading Theme:

Font Size:

Line Spacing:

Paragraph Spacing:

Load the next issue automatically