《屍河明居鑽石山》（是咁的，我發現打喪屍有得升呢） - 210

010

698Please respect copyright.ＰＥＮＡＮＡSigkTGwTAi

我大腦入面嘅杏仁核，已經係正常人嘅3.6倍。

有咩用？

突然我頭腦好似『渣』一聲咁，要勉強形容，好似接住飲咗好幾罐紅牛咁，上哂腦！

「嗄！嗄！」

我不期然咁喘哂氣，成身開始流汗……

好似屋企度大門已經唔存在咁，我可以直接感受門外嘅情況，以及察知就近位置嘅危險……

喺我斜對面鎖住門嗰一家，仲有條喪屍喺門後面係咁刮。

聽到佢每刮一嘢，我個心就自然離一離！

而且好想做出縮頭或者後撲嘅反應，好似假設咗佢一爪會甩埋嚟咁……

「我對危險同恐懼嘅反應，放大咗好多！」

我相信呢個就係《杏仁核》嘅功用……對應我要出去借廁所，需要對四周圍嘅動靜特別敏感！

而且……

由於我而家精神極度集中，我可以聽到外面走廊上一啲更細微嘅動靜。

走廊轉角，有腳步聲。

而且腳步聲係漸漸咁靠近，令到我心跳越嚟越重，我好想好似隻蜥蜴咁竄落梳化底！

但係腳步聲喺轉角位前停住。

然後又漸漸遠離……呢隻喪屍喺度徘徊緊。

「嗄！嗄！而家《暴走者》未用得，即係冇得同呢隻嘢鬥……我可以喺佢走到最遠時，馬上搵到一家開住門嘅屋企嗎？」

而且冇得走過轉角位，只有呢條直直走廊裏面嘅八戶人家！

我閤埋眼諗返……

之前我關門時，就望過一眼出面嘅環境，但係我當時完全冇諗過要入人哋屋企，要記返起真係唔容易……

突然間腦裏一閃！

嗰段望住走廊嚟關門嘅記憶，好清晰咁喺我腦海中停留住……呢個都係《杏仁核》嘅功勞？

但係幾秒之後，畫面快速凋淡……我睜盡眼咁搵！

畫面消失咗。

一陣劇烈頭痛隨即傳嚟……頭先呢種『記憶回溯』應該勁消耗腦力，短時間冇可能用第二次。

……但係我搵到啦。

我當時應該只係眼尾梢到，條巷最入面個單位，有太陽光射出嚟……即係話大門係開住嘅。

如果唔係有回溯，根本發現唔到！

行得通！

我將耳仔貼近大門，聽住轉角嗰條屍啲步伐……當佢行到入最遠之後，又開始返嚟，再一次到咗轉角附近，又掉轉頭行返去！

確認咗呢條屍係有固定來回路線嘅！

咁我就喺度等，等佢下一轉走到最遠時……

「啊，等陣先……」

喺開門之前，我執起門邊掛住嘅環保購物袋……既然預咗出去一轉，冇理由唔搵吓有冇嘢食，或者收集其他有用物資！

———————————————

我今次學精咗，仲喺自己廚房搵到一支『WD40』，攞嚟噴吓個生銹嘅門較！支嘢幾日前先用過，因為屋企啲鋁窗生哂銹開唔到……

我忍住道力噴左幾噴。

然後輕輕力打開道門……順返哂，而且完全無聲。

我突然意識到呢枝嘢可能係以後勁有用嘅道具。

呢個時候，轉角條屍的腳步聲，應該差唔多走到另一邊嘅走廊盡頭！

呢個係出去嘅最好時機！

就怕對面屋抓門嗰條屍聞到我會發癲，將轉角條屍引埋過嚟。

唔理得咁多！

急屎無得等！

我貓住身咁竄咗出去，然後經過有屍抓門嗰家人，朝轉角屍相反方向，快步走向開住門嗰個單位！

但係霎時間我諗，我點知道嗰間屋入面安全？

「我冇得選擇啊！」

因為我怕喺自己屋企疴咗出嚟，唔知會俾幾多喪屍聞到，惹到佢哋發癲！

去到啦！

我抬起頭一望，成個身寒哂。

鐵閘。

佢哋係開住門，但係拉埋咗鐵閘……而轉角嗰條喪屍，已經開始『回程』。

我屌你老味！

喺我記憶畫面裏面，只係見到門邊同埋射出嚟嘅陽光，睇唔到有鐵閘！夏天啲有老一輩住緊嘅屋企，最鍾意開住門抖涼……

我伸手去拉吓個鐵閘，我屌你拉唔開……我腳都開始軟，呢個時候，要走返入屋企已經太遲，條喪屍就踱到轉角位！

等等！

我太耐冇用鐵閘了。

我伸出隻食指，『的』起鎖頭側邊嗰個鐵扣，然後再用力拉……

ns216.73.216.33da2

Reading Theme:

Font Size:

Line Spacing:

Paragraph Spacing:

Load the next issue automatically