此刻的我，正身處在尖沙咀站的月台。
當然，身邊還有正坐在座椅上休息的桐桐和孫恩欣。
而我在面前站著的，是把我們帶進來，或者嚴格來說是救進來的人。
也就是先前曾經借我外套一用，把桐桐救回來的四眼男人。
就是他，告訴我他知道這一回合的「壘」的真正位置，並將我們帶到月台的。
就憑現時我們已在月台上待了一分鐘仍未有黑衣職員出現，可見，這裡似乎是真正的「壘」。
2894Please respect copyright.ＰＥＮＡＮＡ39HIAmwhBr
「點解你會知道呢度係『壘』？」我好奇地問四眼男人。
「你有冇睇過棒球比賽？」四眼男人沒有正眼望我，只是一直用腳尖踢著我們座位後的柱子。
「喺多啦A夢入面睇過算唔算？」此刻安全，我總算有心情說說笑。
四眼男人微笑了一下，終於將頭轉過來說：「喺棒球比賽入面，擊球手需要打中波，然後跑過四個壘，咁就為之全壘打。而有趣嘅，所謂嘅四壘，其實就係擊球手本身身處嘅起點。
今次呢一回合嘅遊戲叫做『跑壘遊戲』，一聽，我好自然就會將佢同棒球比賽聯想埋一齊。而最後一回合嘅『壘』無任何提示，我就用翻棒球比賽嘅邏輯推算，而咁啱得咁橋，最後呢一回合嘅『壘』就係第四個壘。四壘，就係起點。所以，我就諗到要翻到嚟月台。
為咗確認答案，我都專登喺度等到遊戲時間夠鐘再留咗十五秒，肯定呢度安全先上翻去搵你哋救你哋入嚟。」
2894Please respect copyright.ＰＥＮＡＮＡ5fgXivs8MW
聽完四眼男人嘅解釋，我就明白，這就是正確答案的感覺。
這答案會令你聽畢後感到茅塞頓開，而不是滿腹質疑不安。
2894Please respect copyright.ＰＥＮＡＮＡ0it7redo8S
「咁點解你要救我哋嘅？」這是我內心中另一個充滿好奇的問題，畢竟在這場冷酷的比賽中，對人施以緩手並不是常見的事。
「話哂呢個小妹妹我都有份救，你哋照顧咗佢咁耐，我都要負翻少少責任嘅，所以咪諗住如果搵到你哋，就幫下你哋囉。」四眼男人一托眼鏡，不知為何，從他的眼神當中，我覺得他似是有尚未說盡的話。
只不過，既然大家都始終是彼此不知名字的陌生人，他不欲說明的話我也不好意思追問。
而且從四眼男人兩次出手救人以及他頭腦的計劃能力，我覺得若將來繼續有比賽，他或會是一個不錯的同伴。
所以，此刻先保持良好的關係，對我來說應該是一件好事。
2894Please respect copyright.ＰＥＮＡＮＡoNVMbXvuJB
為了打破彼此沉默的尷尬，我將頭別了過去，環目四顧月台上的情況。
此刻月台上的人數並不算少，目測並不少於一百人。
但我一想到比賽最初的參加者有接近四百多人，若現時只剩下一百多人，那麼這一回合死去的就有足足四分之三的參賽者。
第一關的遊戲已是如此驚險，如果真如墨提斯所說需要晉級，到底下一關會有多煎熬實在難以想像......
2894Please respect copyright.ＰＥＮＡＮＡk0qHBMrX1j
（故事待續）
2894Please respect copyright.ＰＥＮＡＮＡUCuTWf6YJF
下一個加更位：500 likes/ 20000 P幣打賞
最後留低埋我IG，大家有興趣可以去嗰邊催迫我出文，而且仲有呢個故嘅「作者前言」睇㗎！2894Please respect copyright.ＰＥＮＡＮＡMsHuI9TWKR
IG : windblowssilently
and then Add to home screen.