《尖東遊戲》//坐上尖沙咀開出嘅列車之後，我被送咗入一場死亡遊戲 - 七、中孚（上）（Penana 250likes加更）

因為這個突如其來的想法，我拉住了孫恩欣。

「我想，翻返轉頭去返K12 Musee。」我認真地對孫恩欣說。

「你意思係……去翻頭第一回合終點嗰度？咁咪即係離終點遠咗囉？」孫恩欣明顯對我的建議感到意外。

「嗯。」我肯定地點頭一下，「因為我諗到一個幫我哋三個都安全去到『壘』嘅方法。」

2908Please respect copyright.ＰＥＮＡＮＡxcHzvMLgHE

孫恩欣先是皺起了眉頭，但不到一秒便放緩了表情，點了點頭並說聲：「好。」

「你信我？」我見自己尚未解釋回頭的原因，孫恩欣已經首肯，心裡不免有點意外。

「你救過我，我信你。」孫恩欣理所當然地說。

我聽了，不知為何心裡竟然泛起了一陣感動。

感動，是因為我在這場你死我活的遊戲中，竟然會得到一個萍水相逢的人願意無條件地相信自己。

可惜的是時間不多，我並沒有太多時間讓這份感動發酵。

所以，我果斷地轉過頭去，帶著孫恩欣和桐桐開始跑向K12 Musee。

2908Please respect copyright.ＰＥＮＡＮＡcaF8VD3iEg

由於現在距離本關完結只剩下不到三分鐘，所以我們身處的位置已經沒有其他參賽者。

因此我們雖然要在扶手電梯上跑回頭路，但勝在沿路沒有其他人阻撓，而眼前的扶手電梯也處於順勢方向，所以大概花了四十多秒便折返到K12 Musee的出口附近了。

2908Please respect copyright.ＰＥＮＡＮＡ4Squa3xHEC

一走到那邊，我已經看到我需要的東西，兩眼登時發亮起來。

我向孫恩欣和桐桐招手，來到我的目標——兩個昏倒在地的黑衣職員跟前。

「你翻嚟，就係為咗搵呢兩個暈咗嘅人？」孫恩欣語帶不解地問。

「嗯，頭先我見到佢喺充滿油嘅地下度跑嘅時候，我就已經覺得奇怪，點解佢可以跑得咁順利呢？」我將桐桐拉到身前，面露信心的微笑說：「後來我望到佢對鞋，我就明點解喇。因為我見到佢鞋底係特別設計過、專為兒童而設嘅防滑鞋。呢個時候，我即刻諗起頭先喺第一回合嘅比賽入面，當班黑衣職員追住啲人嚟殺嘅時候，無一個黑衣職員喺油地上面跣親過。所以我就諗，可能佢哋對鞋都有專門設計過嘅防滑鞋底。而我咁啱又記得，頭先呢兩個人俾人打暈咗，所以先想翻嚟搏一搏，如果佢哋未醒翻就可以試下攞走佢哋對鞋。」

「係喎，如果著咗佢哋對鞋，要喺油地上面跑就話會容易好多，咁我哋今次就可以行無扶手電梯嘅左邊一樣夠快。」孫恩欣聽了我的計劃，斗小的雙眼也稍為瞪大了點，眼目裡盡現喜色。

「嗯，唔好講咁多，除咗呢兩個人對鞋先！」我半蹲下來，開始解開一個黑衣職員的鞋帶。

桐桐與孫恩欣見狀，也跟著向另一個黑衣職員下手。

2908Please respect copyright.ＰＥＮＡＮＡFaKdFZTzLC

當我和孫恩欣把鞋子穿好之後，我們嘗試在油地上跑了兩步，感覺步履穩固，如走平地，證明我的推算並沒有錯，黑衣職員們的鞋子果然是特別防滑的。

正當我為自己估算正確而沾沾自喜，車站的廣播同時響起墨提斯的聲音：「比賽時間得翻兩分鐘，再唔跑快啲，辛辛苦苦喺頭兩Round保住嘅命仔就會無咗㗎啦！所以，一齊跑、跑、跑啦！」

我和孫恩欣對望一眼，同時向對方點頭並說出一句：「走！」

我倆心領神會，交換一個眼神就準備拔腿就跑。

2908Please respect copyright.ＰＥＮＡＮＡrmi4UH7ilh

我的步伐只踏出了半分，我就感到右手上傳來了一股柔軟而溫暖的觸感。

我低頭一看，發現原來是桐桐伸手牽住了我，而她的右手同時牽著了孫恩欣。

桐桐沒說什麼，只是單純地牽著我的手，然後用盼待的眼神看著我，似乎等待著我出發。