【穿越/愛情】我同鍾意咗十一年嘅人表白，佢竟然跳海死咗 - （三十二）

（三十二）

一時之間，我被這如其來的問題衝擊得反應不過來。

原本放棄了的二人摩天輪計劃，命運卻成就了。

原本放棄了的告白，命運也將機會自然地造就了。

可是，即使此刻表白了，回復正常的我又知道了發生什麼事嗎？

即使此刻表白了，此時的我又真的能夠帶給阿晴幸福嗎？

我知道，命運雖然為我鋪陳了路，但這只不過是一條死路，一條並沒有結果的路。

1925Please respect copyright.ＰＥＮＡＮＡ7MUXjKljXQ

「哈，我一時間諗唔到喎。你呢？」我刻意笑了一下，遮掩著內心的萬般思緒。

「我都無。」阿晴一邊回答，一邊把頭轉向了窗外的夜景。

聽了這個答案，不管這是一個真實的答案，或是一個單純用作敷衍的回應，我的心都不期然地感受到一陣苦澀。

「不過，我估阿軒你即使有想表白嘅人，你都唔會講出口，」阿晴眺望著窗外美不勝收的夜景，嘴裡說著：「以你嘅性格，表面好似做咩都鍾意帶頭，但其實心入面就成日收收埋埋好多嘢，所以呢，我估就算你有鍾意人，都一定會好似香姨咁忍住唔講，分分鐘仲忍得耐過香姨啊。」

聽著阿晴對我的評論，我不禁一笑，然後說：「你唔好話我住，不如話咗你自己先啦。平日成日都唔聲唔聲，個心淨係識諗住其他人。學生會無傳單又係你靜靜雞去幫大家補印解決咗件事，到自己生日有唔開心又因為怕掃大家興唔講出嚟。我估，如果你有鍾意人，最多都係盡力係咁對佢好，但係都唔會講出口啦。你咁樣落去，我怕到時係你變咗好似香姨咁老都未嫁得出啊！」

1925Please respect copyright.ＰＥＮＡＮＡZwulpNIsV7

「嗱！唔準咒我啊！」阿晴一臉兇相的回頭過來盯著我，然後又在一秒間回復沉思的樣子，「有時我都喺度諗，其實愛一個人係咪一件羞恥嘅事呢？點解咁多人都不敢光明正大地咁去講出自己嘅心意呢？」

「或者唔係羞恥，而係啱啱相反。因為愛一個人嘅心意實在太重要，所以先要思前想後去考慮點樣同幾時可以將呢份咁有份量嘅愛意表達出嚟。」這回答，算是我最衷心與坦白的答案了。

阿晴先是低頭沒有答話了一陣子，然後才抬起頭說：「咁點解，一件咁幸福嘅事唔可以用最直接嘅方法去講出嚟，令兩個人都明白大家嘅愛意，然後俾兩個人一齊去分擔呢份愛意嘅重量呢？」

從前，我也不發現阿晴如此喜歡發問問題。

但自從海旁聽過阿晴說出「咁點解」這三個字開始，我就一次又一次在歷史中的阿晴口中聽到了這三個字。

而我對這三個字特別敏感的原因，就是因為這三個字所帶來的問題，每次都好像刺穿了我所有的防衛，直接地擊中了我心臟的深處。

1925Please respect copyright.ＰＥＮＡＮＡRwtN4tKIwf

「咦，原來部摩天輪可以播歌喎！」

就在我還未回答阿晴的問題時，她突然地指著我的身後，原來她發現了一個可插線的喇叭。

「我試下用我部機啊！」雖然不知道為何阿晴突然給我一個下台階去逃避她的問題，但既然有這個大好機會，我當然要好好把握了。

我轉過身去，將手機接上了喇叭，然後隨手按下了「播放」。