【十年後先出結局】搵唔到██嘅█層大廈 - 149

過去十年，逃出23層大廈的我，活在另一棟大廈的噩夢裏。

我對全華大廈的一切，堅持避而不談。

醫護人員、社工、老師、記者，所有人，一旦提起我對悲劇的印象，我都一概說不記得，或者胡扯一些東西，蒙混過關。

誰還不識趣問下去，我就裝作精神繃緊，把對方亂罵一頓，反正外界也會體諒我的「創傷後遺症」的——這正合乎我要飾演的角色。

我本身就是個傻子，還要乖乖飾演另一個傻子，好不好笑。

這棟更龐大的大廈，沒有水泥牆壁，可你哪裏都去不了。

記得「遊戲」的事，是個詛咒，它令你終日活在恐懼的囚牢中，一旦我讓誰知道我記得真相......人間蒸發？酷刑拷問？死亡威脅？抑或是以我所愛的人作為籌碼？

迎接我的會是什麼，我不敢說，不敢想。

「我已經失去得夠多......」我把Toby的小手握得很緊，眼淚凝在眼框。

Toby精疲力竭地癱軟著：「阿騰，你努力咗咁耐，有冇得到幸福？」192Please respect copyright.ＰＥＮＡＮＡtvCKWjcvXd
「『幸福』......係乜嘢意思？」

「如果你得唔到，點解仲要咁樣落去呢？」

「......我仲有其他選擇咩？」

「阿騰，你有冇同身邊嘅人商量過——」192Please respect copyright.ＰＥＮＡＮＡmszVv1e52S
「商——量？商量？同大家講，『我有個秘密，但唔知同唔同得你講好，點算』？！」

Toby咳出一口血，我的焦躁全消，悲傷地盯著她。

奄奄一息的Toby，對我疲憊地微笑：「哈哈，我哋冇時間辯論喇，連呢個世界嘅我都即將玩完。」

「唔好......唔好......」

「阿騰，」Toby舉起手，輕撫我下巴密密麻麻的鬚根，「你今年27歲？28歲？十年過去喇，你望落都仲係咁似我前度。」

「唔好玩......」

「講笑咋......你唔係屬於我嘅，你有自己嘅歸宿，你仲有佢要照顧。」Toby甜笑，「呢十年以嚟，你有冇好好對人哋啊......」

「......妳......其實......係咪......」

Toby溫柔地撫摸我的臉頰，沒有回答。

「如果你同Mktor一樣係......『病毒』，並且以我熟悉嘅Toby形象顯現，點解妳要同我對話？對你有咩好處？」

Toby微笑：「阿騰，喺呢個世界上，我亦只可以同你呢一個人類進行對話啊。」

我不明解她的意思如何，這一切已經超出我的理解能力。

「人，係無法孤獨活落去嘅。」Toby予以最後的微笑，「你哋兩個......都要......珍惜生存嘅一分......一秒啊。」

她的手，無力地垂下，地上溫熱的血就如盛放的玫瑰。

ns216.73.216.216da2