半生熟嘅午餐 - Load唔到機

我喺C間房同班女同事吹水，坐到好凍。

我忍唔住行去C身邊：「得未呀？好凍呀～」

佢望一望我：「好凍？！」呆一呆：「你坐……咁……行啦行啦。」

然後佢問：「你個樣咁攰，去近啲泰國嘢？再近啲樓下canteen？」

我：「有啲唔舒服，唔要canteen。」

55Please respect copyright.ＰＥＮＡＮＡLQlStx5qQU

行到半路，我：「人。」

佢：「你話緊泰國嘢好多人？咁我哋去其他？」

然後佢就一路根據我嘅反應去判斷我想食咩。

我：「唔係望住就代表想食㗎。」

佢笑笑：「咁唔食呢間。如果想坐得舒服啲嘅，去後面嗰間？」

我：「哦。」

55Please respect copyright.ＰＥＮＡＮＡEJbyLBU2dX

C：「喂，你可以食三文治喎。」

我：「？？！」

C：「咁俾你揀。」

我：「即係一嚟到，我連揀嘅權利都冇？」

佢：「俾你揀～」

我：「放喺枱。」

佢面有難色咗一秒。

我：「你嫌枱污糟？」

佢：「嗯。」

然後我拎咗佢部電話自己揀。

過咗冇耐，我俾返電話佢。

佢：「你冇揀過嘢……」

我：「靠你了。」

佢：「楊州炒飯？」

我：「嗯。」

佢：「睇下有冇得走青先。」

點知嚟到，好多蔥。

佢拎起隻羹，幫我𢳂走咗啲蔥，然後望住我。

佢指咗指自己兜粉。55Please respect copyright.ＰＥＮＡＮＡokjdP8hNMu

我扮睇唔到。55Please respect copyright.ＰＥＮＡＮＡvJmoVBNUxR

我：「你個外賣兜呢？」

由我開始𢳂到𢳂完，C都有望住我，但冇出聲。

55Please respect copyright.ＰＥＮＡＮＡlJQF5QsOi9

後來傾計，我發現我個腦解讀唔到佢。

我：「你其實鍾意飲咩咖啡？」

佢：「冇糖冇奶。」

我：「齋啡？」

佢：「黑色嗰啲。」

我：「咁酸同唔酸呢？」

佢：「酸有幾酸？唔酸有幾唔酸？」

我：「咁嗰三罐咖啡你覺得點？」

佢：「我將微糖嗰罐俾咗阿頭。」

——你真係唔鍾意。

我：「齋啡好傷胃㗎。」

佢：「糖份會發炎。」

我：「你個胃好似唔係咁好咋喎。」

佢冇出聲。

我：「咁即係你唔鍾意有糖。」

佢呆一呆：「唔係呀，有糖抵啲。」

我：「因為同一個嘢多咗個嘢，所以抵啲？」

佢：「運動飲品都有糖㗎。」

我：「我Load唔到機。突然明點解阿S會話佢聽唔明你講嘢有種無助感。」

佢望住我：「你同佢唔同。你聽唔明唔會講出嚟。你飲下咖啡就會識呢啲㗎啦。」

我：「又要沖，好煩㗎。」

佢望住我幾秒。

佢：「呢個唔係你嘅邏輯。」

我：「我嘅邏輯係點？」

佢：「你係會好似阿K咁，為咗杯咖啡落山去買。」

——我先唔會，我根本就唔鍾意咖啡。

——反正到最後我都理解唔到佢講乜。

——即係唔鍾意我送嘅咖啡？咁唔鍾意咪出聲囉。

55Please respect copyright.ＰＥＮＡＮＡbpVqhIWsOM

佢：「快啲飲埋杯嘢啦。」

我：「好飽喇。」

佢：「唔飲，邊有嘢嘔？」

我：「……你唔可以咁。」

佢：「快啲飲多……」

呢下我有種感覺——似阿媽湊仔：乖啦，快啲飲多啖。

我望一望佢。

佢：「杯朱古力好慘㗎。」

我飲多咗啖，然後望住杯嘢：「你繼續慘啦……」

C笑一笑：「咁行？」

55Please respect copyright.ＰＥＮＡＮＡElAkMWFLSS

後來行返公司段路，我問佢：「你對我第一印象係點？」

佢：「幾時？」

我：「初入職？」

佢：「自閉。」

我：「咁跟住呢？」

佢：「自閉，唔講嘢，一條友自閉。」

我：「然後呢？」

佢：「自閉。」

我：「你同我講嘢，我有講嘢㗎。」

佢：「咪就係自閉，要人哋同你講嘢你先講嘢。」

我：「自閉就唔同你講嘢啦。跟住呢？」

佢：「自閉，會講自己嘢。」

佢望住我：「我同阿S佢哋講股票，佢哋都唔理我。我同你講股票，你都冇俾反應我。」

我：「因為我聽唔明呀。你想我點俾反應你？」

佢：「阿K聽得明，仲識串我。」

我：「其實你有冇諗過講到人哋明？我聽唔明，你可以用我聽得明嘅方式講到我明呀。咁我咪識俾反應你。」

佢：「咁咪唔好俾。」

我：「咁你又話同我講完我唔俾反應？」

佢：「冇……你聽唔明，咪冇應。」

我：「唔俾反應都係一種反應，但你又唔想。」

佢：「格硬俾反應不如唔好俾。」

我：「所以你間房啲女同事咪唔睬你，因為同你溝通唔到。」

佢：「咁大家唔好講嘢。」

我：「你間房啲女同事唔敢亂講嘢，驚得罪你。你同我都係咁？」

佢：「我依家先知原來我咁高級。阿S會驚得罪我，唔想講嘢咪唔講嘢囉。你都唔講嘢㗎，I人咪唔講嘢囉。」

我：「S係E人嚟㗎。」

55Please respect copyright.ＰＥＮＡＮＡu5Fk9wkSKM

跟住就入咗我房攞薯片。

佢：「嘩，咁多包？」

我：「唔係好多啫。」

佢：「一陣俾阿頭見到，佢就搶嚟食。」

我：「你做咩要俾佢？」

佢：「賄賂佢呀。咖啡都係賄賂佢呀。」

我：「乜你咁㗎？」

佢：「我幫你賄賂佢㗎。你話佢唔要你，你唔要佢。」

我：「我冇咁講過。我冇唔要佢，佢都冇唔要我。」

佢望住我，笑笑口：「嘩，同琴日嘅版本完全唔同喎。」

我哋兩個笑笑。

然後佢say bye，走咗。

——其實C係咪暗示緊佢當初有幾主動湊我呢個自閉？

——定佢係想暗示對住自閉好難為佢？

55Please respect copyright.ＰＥＮＡＮＡpjxFfM5pv8

ns216.73.216.216da2

Reading Theme:

Font Size:

Line Spacing:

Paragraph Spacing:

Load the next issue automatically