半生熟嘅午餐 - 對住你真係好攰

返工最攰嘅唔係工作，唔係社交，原來係行樓梯。

事緣係食完飯返到公司等𨋢條隊太長，C唔知痴咗邊條筋提議：「喂，我哋行樓梯啦。」

我簡直晴天霹靂：「10層樓喎，可能我等𨋢都快過行上去。」

C：「行啦，唔行唔知身體好呀。」

K：「唔行唔知身體老呀！」

P姐：「老娘不行！」

C冇理佢哋：「做多啲運動啦！」

於是C就捉咗我哋行樓梯。

——就係咁，我開始咗最唔期待嘅事。

35Please respect copyright.ＰＥＮＡＮＡ5axJF36CHr

我哋行咗兩層，都仲係寫住一樓。

C若無其事咁：「話說呢度樓底高，會比平時行得多先上到一層。」

P姐忍唔住：「你同我收聲！我唔想知！」

我一直保持沉默，慳返啖氣。

C無啦啦行近我，細細聲：「你行內圈會冇咁攰。」

我忍唔住：「對住你真係好攰！」

C望一望我，冇出聲。

35Please respect copyright.ＰＥＮＡＮＡ7uIGf0owdY

K提議：「一係行埋呢層去搭𨋢？」

P姐已經喘晒氣：「行咗一半，唔上唔落，你……你先話……搭……玩咩！」

我全程冇再出過聲，但我知道C全程傍住我行。

龜都行得快過我哋。

35Please respect copyright.ＰＥＮＡＮＡkNdRnZl52I

一出走廊，我同P姐兩個就嚟斷氣咁。

阿頭經過，望住我哋：「嘩！搞咩？」

C語氣輕鬆：「幫你推郁啲同事做下運動。」

阿頭審視完我哋，皺眉：「你確定佢哋係做緊運動？命都俾埋你咁嘅樣喎。」

C：「冇事嘅，萬事起頭難，行多幾日就好似K咁。」

阿頭冇佢咁好氣，走咗。

35Please respect copyright.ＰＥＮＡＮＡjxwU58xOVB

C望住手錶：「我哋行咗5分45秒，下次目標5分鐘內行完。」

P姐反咗佢一下白眼。

我冇晒力氣：「我俾條繩你……你扯我算啦。」

C認真咁話：「做人唔可以咁易放棄。你每朝返嚟行一轉，食完飯我再同你行一轉，咁先健康。」

我直接望住佢，用一個「你係咪痴線」嘅眼神。

K喺隔籬笑到收唔到聲。

35Please respect copyright.ＰＥＮＡＮＡNhnrL2OwP8

ns216.73.216.98da2