半生熟嘅午餐 - 五日

自從我對C講咗嗰句「唔係人」之後，我哋相處上多咗嘢講。

佢喺我面前依然係咁溫柔，照舊會幫我挑走我唔食嘅嘢、幫我擋嘢、喺我開口之前就幫我開口。

甚至，開始同我講一啲冇同其他同事講過嘅嘢。

我唔知呢啲算唔算進步，但啲同事開始明示暗示——佢對我，同對其他人，真係唔一樣。

87Please respect copyright.ＰＥＮＡＮＡZ07d42A53c

直到有一日，有人敲我房門。

開門，見到K。

呢次係事隔咁耐，我哋再有交流。

K企喺門口，笑笑口：

「今個禮拜C請咗假，你跟唔跟埋我去食飯？」

我望住佢，諗起C請假前同我講過嘅嘢。

「佢有同我講過。」我話，「叫我跟你去食飯。」

K玩味咁望一望我，冇出聲，只係側一側身，示意我行先。

於是我哋一齊行去食飯。

87Please respect copyright.ＰＥＮＡＮＡBZzYLg3S8m

食緊飯嘅時候，K突然開口：

「C一早同你講咗？」

我：「嗯。」

「咁佢有冇同你講，請假做咩？」

我一時口快：

「佢上個月已經開始同我講，佢要去一個禮拜旅行，叫我到時捉實你去食飯，唔好餓親。」

話一出口，我就知瀨嘢。

K望住我，眼眉挑咗一下。

然後笑出聲：

「嘩～哈哈，食飯先啦。」

我心諗：死火，我係咪講多咗？

87Please respect copyright.ＰＥＮＡＮＡcsnvF4iVb5

直到第三日，食飯group又約齊人。

坐低冇耐，M姐就開口：

「C呢？幾日唔見佢嘅？」

我低頭望住碗飯，扮聽唔到。

但感覺到，對面有對眼望住我。

抬頭，係K。

佢冇出聲，只係用眼神示意：到你表演。

然後男同事A開口：

「阿N，佢又會捨得掉低你嘅？」

我望住佢，深呼吸：

「旅行。5日。」

全枱靜咗半秒。

男同事B追問：「有冇講去邊？」

我感覺到，全部人嘅視線都落喺我身上。

手心開始出汗。

「台灣。」我話，「同屋企人去，冇女性朋友。」

仙姐即刻接住：

「仲講咗啲咩？」

我諗緊點答——

K比我更快：

「佢上個月已經叫N到時捉實我去食飯，唔好餓親。」

全枱人靜咗。

然後，全部人一齊露出「食花生」嘅表情。

有人偷笑，有人挑眉，有人意味深長咁「哦～」咗一聲。

我低頭望住碗飯，面都紅晒。

——完了吧。

87Please respect copyright.ＰＥＮＡＮＡ2PRpNfRgJD

返到公司，我坐喺位，望住個mon，個腦一片空白。

我數返自己今日講過嘅嘢：

「旅行。5日。」——ok，正常87Please respect copyright.ＰＥＮＡＮＡoxKRN499bD
「台灣。」——都ok87Please respect copyright.ＰＥＮＡＮＡ1EldWBjyER
「同屋企人去。」——ok87Please respect copyright.ＰＥＮＡＮＡozZalSjWbb
「冇女性朋友。」——⋯⋯我點解要講呢句？

仲有，K嗰句「佢上個月已經叫N到時捉實我去食飯」——

佢係幫我解圍，定係推我落井？

我諗唔明。

電話震咗幾下。

拎起睇，係食飯group：

外國M姐：「喂C，我哋有帶N去食飯，冇餓親佢㗎~」

A組腦生草秒回：「我哋咁好人，唔知有冇手信呢？」

P姐：「@C 你個妹妹好乖，幫你報晒平安。」

K：「仲幫你澄清咗冇女性朋友同行～」

我望住個mon，心跳停咗半拍。

——佢哋⋯⋯係咪玩緊我？

87Please respect copyright.ＰＥＮＡＮＡDIXXjn3D5s

再震一下。

係C。

私人msg。

得幾個字：

「唔使理佢哋。」

我望住呢行字，諗起啱先成枱人食花生嘅樣。

——佢哋見到嘅，到底係咩？

而我見到嘅，又係咩？

87Please respect copyright.ＰＥＮＡＮＡUlCUk5gH1a

ns216.73.216.66da2

Reading Theme:

Font Size:

Line Spacing:

Paragraph Spacing:

Load the next issue automatically