半生熟嘅午餐 - 團寵

阿頭：「上面落咗指示，你一星期內調去隔籬老人家間房度坐。原本話叫個新人去，點知話唔好搞到咁難睇，話晒人哋都半個管理層，所以要委屈下你。」

我：「好。」

阿頭：「你應該冇問題？最快幾時有時間搬？」

我：「嗯？公司安排就跟。」

阿頭：「咁你以後坐老人家後面，有佢照應都好嘅。」82Please respect copyright.ＰＥＮＡＮＡlSigrqOANd

82Please respect copyright.ＰＥＮＡＮＡbsk5JMFwAl

然後阿頭捉住我去咗同老人家打聲招呼。

老人家望住我哋：「你叫佢坐我後面……諗住蛇鼠一窩？阿伯睇片佢唔啱㗎喎！」

阿頭笑住：「我理得你哋呀，總之有咩你幫佢擋下。咪當湊多個女，你兩個都咁熟，好過要你同個新人坐啦……佢搬位有嘢要幫手你就幫下啦。」

老人家：「你叫個阿伯幫佢？一陣我報工傷㗎！」

阿頭轉身望一望我：「你有咩要幫手叫我啦，唔好自己嚟。」

老人家冇理阿頭，直接同我講：「你要幫手直接去搵C啦，佢一定幫。上次先見佢嗌晒佢間房有手有腳嘅人幫你，咪以為我唔知。」

阿頭：「有啲咁嘅事？」

我擰擰頭，又點點頭。

阿頭眼神有戲咁望住我：「團寵？」

老人家：「你依家先知？點做人阿頭㗎！」

大家笑笑。82Please respect copyright.ＰＥＮＡＮＡazYY3svgti

82Please respect copyright.ＰＥＮＡＮＡ3xBIXgAGTc

隔咗幾個鐘，老人家無啦啦入咗嚟：「喂，你有咩要搬㗎？」

我用手指劃咗個範圍俾佢睇。

老人家望住嗰堆嘢：「呢個櫃同機都要搬？你㗎？」

我：「唔係我嘅，但要搬。」

老人家：「搵阿頭啦，叫啲嘢嘅主人自己上嚟搬。」

我呆一呆。

老人家：「我要幫C搬埋？」

我眼定定咁望住佢。

就喺呢個時候阿頭入咗嚟。

阿頭望住老人家：「呢套嘢搬走埋啦。親疏有別，你個房放到？」

老人家冇好氣：「我間房唔係雜物倉呀！家下湊一個女，仲要幫你湊埋你下面啲人嘅嘢？買一送一？」

阿頭：「搬你就搬啦，咪咁多嗲。放晒喺佢個位，我理得你兩個打交、割地定點。」

老人家雖然把口好不滿同嫌棄，但最後都幫我安頓好晒。

阿頭親自睇過現場環境：「嗱，你慢慢執，有咩再叫我啦。」

我：「好。」

阿頭望住我：「你今日做咩剩係識答我『好』？」

我：「嗯？冇。」

阿頭望一望我，走咗。

82Please respect copyright.ＰＥＮＡＮＡ40zclXKVPS

ns216.73.216.66da2