半生熟嘅午餐 - 專屬雪條

終於到我加班。

我喺茶水間撞到等退休老人家。

等退休老人家望住我：「女，我冇飯團俾你喎，最後一個了。」

我：「我落去拎嘢食。」

等退休老人家：「去邊有嘢食？有咩食？」

我：「C間房好多嘢飲嘢食，仲有雪條，你要唔要？」

等退休老人家即刻話：「嘩嘩嘩，佢咁好買俾你食又唔買埋俾我？」

我：「佢買俾佢間房啲人食，順手買埋俾我啫。」

等退休老人家語氣玩味：「順手？點啫？你兩個，發展成點啫？」

我：「唔知你講咩。請食嘢就要講到有嘢咁，咁都幾大鑊。」

等退休老人家冇理我嘅否認，繼續講：「嗰日L姐問我：『阿C日日都痴住N，好似隨傳隨到咁。話晒N都係你半個女，你唔知佢兩個有冇拍拖？』」

我：「咪諗多咗啦。」

等退休老人家：「我咪同佢講：『女大女世界，我邊管得咁多。』不過⋯⋯」佢望住我，笑一笑，「你兩個咁都冇一齊？」

我冇諗過佢會問得咁直接：「下？佢平時同我斷聯㗎喎。」

等退休老人家望住我笑，冇再追問：「去啦，去搵佢問佢點解唔買埋我份啦。」

37Please respect copyright.ＰＥＮＡＮＡzdAPCDfv1O

我落到去，拎咗一堆嘢，好似補倉咁。

經過走廊，C見到我，問：「晏晝飯唔飽？」

我：「我隔籬房個阿伯話你買雪條俾我食好偏心，乜都唔買俾佢喎～」

C呆咗一秒：「有兩條呀，你俾我嗰條佢囉。」

我笑咗：「佢講笑咋～」

然後行返自己房。

37Please respect copyright.ＰＥＮＡＮＡC4NYHLF4bT

點知喺樓梯口撞到D。

D望住我手上面嗰堆嘢，笑笑口：「N，你終於嚟拎專屬雪條喇？」

我：「嗯？」

D見我唔明，開始講：「你有所不知喇。嗰日阿A見到啲雪條話：『呢款好似好好味。』K即刻話：『C唔係買俾你㗎，食其他啦。』A話：『又冇寫名～』K就話：『N啲嘢要寫名嘅咩？如果要，咁應該喺C度直接寫N個名。』」

我聽到呆咗。

D再補多句：「重點係咩？重點係——C全程冇否認、冇反對、冇表態。」

我：「佢懶得理你哋啫。」

——如果對我有意，又點會放工就消失？

37Please respect copyright.ＰＥＮＡＮＡjkI3FqEjs0

ns216.73.216.98da2