半生熟嘅午餐 - 點解冇嗰款嘅？

經過幾日單獨食午飯，我同C熟嘅程度應該突飛猛進咗唔少。

佢每日咁湊我法，一早湊到爐火純青嘅境界。

有一日，佢突然問：「問你呀，如果我唔搵你食飯，咁你會點？」

我同佢對視咗幾秒：「你唔想同我食飯？」

C呆一呆：「唔係，我係想問⋯⋯」佢諗咗諗，「我換個方式問。如果我有一日突然請假，而又冇交帶K佢哋帶你去食飯，咁你會點？」

我不安咁望住佢，反覆思考呢句。

C都好有耐性咁等我。

我擰一擰頭，繼續低頭食佢挑走晒配菜嘅飯。

過咗陣，C喺佢碗嘢度夾咗嚿肉俾我：「唔好諗喇，食多啲。」

我：「我會揀唔食飯。」

C嚇一嚇，即刻側頭望住我：「你社恐到呢個地步？咁會餓壞個胃㗎⋯⋯」

我冇俾更多回應，因為都唔知可以俾咩反應。

32Please respect copyright.ＰＥＮＡＮＡGGONuhRqo4

直到第二日返工，阿頭又叫我搵C教我入系統。

——講真我都唔明，點解阿頭呢排成日都有唔同任務要我搵C。

而家嘅我已經熟到夠膽直接去C個位。

但入到房，我呆咗。

因為——成座山咁高嘅Pocky、朱古力餅，包羅萬有。

C望住我：「呢啲買俾大家食，唔知大家鍾意咩味，見平就買齊晒。你餓就攞啦。」

我：「我⋯⋯好少食零食。」

當C出咗房去印嘢嗰陣，K望住我，細細聲：

「個傻佬買俾你㗎，想要咩味就攞啦，唔使同佢客氣～」

D加把嘴：「啱呀，佢買俾我哋嘅話，就一早擺咗喺共享零食區啦。」

A都唔執輸：「信唔信呀？你話全部唔啱食，佢會買其他俾你，然後叫K消滅咗呢堆佢。」

我望住座山，個腦一片空白。

32Please respect copyright.ＰＥＮＡＮＡMkdklosNoH

到C返嚟，佢拎住份文件：「搞掂喇，俾阿頭簽名啦。」

我望住座山，鼓起勇氣——一嘢幫佢重新排過啲次序，然後補多句：

「點解冇嗰款朱古力嘅？」

C望一望座山，再望一望我：「我又唔係純粹買俾你食，咪咁多要求啦～」

我笑一笑，拎住份文件走咗。

32Please respect copyright.ＰＥＮＡＮＡHnsFfCOJuu

到第三日，阿頭又叫我去搵C幫手。

——阿頭呀，你點解真係有咁多嘢要我搵C？

阿頭見我欲言又止，笑笑口：「今時唔同往日，你俾我仲快搵到佢。」

我：「呀？！」

阿頭冇再講落去，但個表情係——食爆谷睇好戲。

我去到C間房，D見到我就話：「哇，今日咁早呀？」

我有啲尷尬同不安，直衝咗去C個位。

C抬頭望住我：「食咗早餐未？有咩幫到你？」

佢邊講邊遞咗兩包嗰款朱古力俾我，然後笑住望住我。

我望住嗰兩包朱古力，再望望佢座山——多咗兩盒我擺最頂嘅口味。

隔籬仲多咗幾支嘢飲。

嘴角忍唔住翹起。

——佢尋日先話「咪咁多要求」，今日就買咗。

我揸住兩包朱古力，低頭：「嗯。」

C冇再講嘢，低頭睇文件。

但我見到佢嘴角扯咗一下。32Please respect copyright.ＰＥＮＡＮＡju8vMFnbdr

ns216.73.216.98da2

Reading Theme:

Font Size:

Line Spacing:

Paragraph Spacing:

Load the next issue automatically