半生熟嘅午餐

Intro Table of Contents Top sponsors Comments (0)

呢個係關於辦公室入面，一段半生熟關係嘅故事。

主角得兩個——我同C。相識年半，佢三十五，我廿五；職位一樣，但佢算係另一部門嘅Team Leader。開頭都係佢叫我join埋班同事食飯，後來先發現，呢個成日將「唔好嘥嘢」掛喺嘴邊、日日自備飯盒打包嘅男人，其實有好多嘢收收埋埋冇講出口。

十月尾嘅天蠍座，包袱重到死，但細心起上嚟又會令人心虛；九月中嘅處女座，主動得滯又怕表錯情，成日諗多咗。C 寵人係行動派——默默幫我落單、我OT嗰陣「唔好嘥嘢」留定咗晚餐；而我，去到呢個月先不停喺度諗：佢咁樣……即係點？

介意年齡差嘅，請你哋出去支持其他作品。呢度得兩個喺職場入面食午餐嘅人，慢慢靠近又保持距離嘅日常紀錄。

星期一至五隨緣更新，因為辦公室嘅曖昧，從來都唔會準時發生。(ᵕ—ᴗ—)

呢啲嘢太私人，寫出嚟本身就已經係一種冒險。如果你睇到有啲位心虛虛、有啲位撓晒頭，或者有啲位忍唔住嗌「喂，你個腦呢?」，咁你可能就會明點解我要寫。

半生熟，就係我哋最好嘅狀態——介乎同事同朋友之間，介乎清醒同唔想清醒之間，介乎想講同唔敢講之間。

如果你睇到呢度仲想睇落去嘅，唔該擺低你的午餐小費，支持我哋【繼續開飯】 🩵

謹將呢個故仔，送畀所有喺office食過半生熟午餐嘅你。⸜(｡˃ ᵕ ˂ )⸝♡