四
338Please respect copyright.ＰＥＮＡＮＡHrZiXidQYk
王凱婷被退學了。
338Please respect copyright.ＰＥＮＡＮＡHx01bOh0Jw
因為佢今次真係搞到太大件事。
338Please respect copyright.ＰＥＮＡＮＡ3ukaPnns80
果日同張潔婷傾完計之後，佢第二日返到學校既第一件事，就係一粒聲都唔出咁走埋蘇宛霜郁手打佢。王凱婷其實未打過交，充其量只係喺腦海入面腦補啲朋友吹水話自己點打點打，當年又冇YＯutube，佢最多只係喺電視劇睇過，真係打既時候當然就惡唔出乜嘢花樣，最多淨係嚇到蘇宛霜呆咗，受咗幾下扯頭髮攻擊，但係講到有冇受大傷，咁就真係冇乜事。
338Please respect copyright.ＰＥＮＡＮＡqXCf9rVrBG
冇乜事但仲要趕出校？
338Please respect copyright.ＰＥＮＡＮＡDNOhdoYyGt
咁係因為打人既係王凱婷，一個本來就係被老師們盯到實一實既問題細路女。佢曠課曠到咁都淨係家訪、見家長唔駛趕出校都只係因為老師們可憐佢既身世而格外開恩，希望可以透過家訪去感化呢個細路女，去引佢返正途。但係發生呢件事之後，加埋蘇宛霜既家長從個女口中得知到王凱婷係個點既人，係咁要求學校交待，最後學校方面想保佢都保唔住，更何況中間其實都有啲老師持相反意見，希望趁呢個機會擺脫呢條麻煩友。
338Please respect copyright.ＰＥＮＡＮＡ18RUd9oNUz
只可以講，唔係個個老師都有顆春風化雨之心，有啲老師真係當打份工，唔好麻煩自己仲好。
338Please respect copyright.ＰＥＮＡＮＡB1LrIRWai9
另外，仲因為王凱婷打蘇宛霜既時候，有話到係幫張潔婷出頭，叫佢以後唔好搞張潔婷，所以搞到啲老師都搵上埋張潔婷，好彩最後都係話咗佢幾句，唔駛見家長，但係當時都仲係個乖乖女既張潔婷就已經嚇到魂不附體。
338Please respect copyright.ＰＥＮＡＮＡvKOJcZOIDf
「唔好意思啊…話幫妳出頭，最後仲搞埋妳…」王凱婷歉然道。
338Please respect copyright.ＰＥＮＡＮＡ74QbDocrJ3
「Ada…妳唔好咁講啊…我搞到妳冇書讀啊…」提到呢點，張潔婷喺王凱婷屋企入面喊咗出黎，道︰「點算啊…」
338Please respect copyright.ＰＥＮＡＮＡ1V82kJCXxJ
王媽媽知道王凱婷搞咗咁大鑊嘢，返黎鬧咗佢一餐，仲叫婆婆睇實啲唔好比王凱婷出門周圍走，當時甚至連婆婆都鬧埋，問佢做乜嘢唔好好睇住自己個女，王凱婷聽到好嬲，兩母女大吵一鑊。
338Please respect copyright.ＰＥＮＡＮＡpRmhUd8JSe
既然王凱婷唔出得街，張潔婷除咗傾電話之外，仲諗到要上黎探佢，而婆婆見到自己個外孫女有朋友黎探，就覺得好開心，拿拿淋落去買啲生果返黎，諗住切幾個蘋果、橙比張潔婷享用。所以呢一刻，屋企入面只係剩低張潔婷同王凱婷，佢哋可以盡情girls' talk。
338Please respect copyright.ＰＥＮＡＮＡGyEPoK2VQG
講返自己，王凱婷反寛懷一笑，道︰「冇事喎，放心，陳老師之前上過嚟，佢叫我唔駛擔心，話佢識一啲好好既老師，而家都同佢哋傾緊，應該可以幫我搵到間新學校。」
338Please respect copyright.ＰＥＮＡＮＡjjyxuxVknH
「咁都好啲…」張潔婷稍為鬆一口氣，但係啲眼淚依然係流緊出黎。
338Please respect copyright.ＰＥＮＡＮＡkbFTkroP7H
王凱婷其實有啲感動，畢竟張潔婷將自己既事睇得咁重咁上心，仲要喊埋出黎，就單單係講呢點，王凱婷就覺得自己幫張潔婷出頭係值得既。佢其實都係一個需要被愛既人，即使只係友情，但張潔婷就比到呢種愛既感覺佢。
338Please respect copyright.ＰＥＮＡＮＡ3wiigPPkKQ
張潔婷又擔心地問︰「咁妳嗲哋媽咪有冇…」
338Please respect copyright.ＰＥＮＡＮＡjjFF8RNt2G
講起就扯火喇，所以王凱婷都未等張潔婷講晒成句就截停佢，然後係咁鬧佢爸爸失蹤、媽咪就淨係識得「屌自己」，又唔幫手搵學校，連陳老師對自己既事都上心過佢…
338Please respect copyright.ＰＥＮＡＮＡvXgPMB8Kmr
等王凱婷自己都鬧到夠嘞，佢先喘咗幾口氣，問︰「係喎，蘇宛霜條仆街仲有冇恰妳？」
338Please respect copyright.ＰＥＮＡＮＡRj1LizJi9T
「呢排就冇既…」張潔婷有少少保留地道。
338Please respect copyright.ＰＥＮＡＮＡBw2B7u3Vx6
雖然呢排蘇宛霜好似收儉咗少少咁，但每次佢哋遇上既時候，蘇宛霜總會向張潔婷投以一個狠狠既目光，而當時怕事既張潔婷，會選擇扮睇唔到急急腳走咗去。
338Please respect copyright.ＰＥＮＡＮＡdBtuTTY514
「咁就好喇…」王凱婷放下心，道︰「佢夠膽再搞妳，我帶埋我啲friends喺學校門口伏擊佢！」
338Please respect copyright.ＰＥＮＡＮＡSANgOumxAf
當然王凱婷並冇向佢果啲不良中學朋友提過要伏擊蘇宛霜喇，呢啲只係佢自己一廂情願既諗法，亦冇諗過人哋肯唔肯幫佢做。佢最多只係加鹽加醋咁講返自己點打蘇宛霜，以求將自己融入果班不良少年既圈子當中，但人哋係咪真係當佢係好朋友，定純粹因為見佢生得可愛，有潛質成為美女而同佢玩，王凱婷根本唔知，亦都唔理。
338Please respect copyright.ＰＥＮＡＮＡ2J9gndJFTl
而聽到王凱婷咁講，就嚇到張潔婷更加唔敢將自己比人蝦既嘢再講出黎。今次已經搞到王凱婷連學都冇得返，下次仲會唔會搞埋佢入女童院架？
338Please respect copyright.ＰＥＮＡＮＡYd5fCHvyTU
傾咗一陣，王凱婷突然話鋒一轉，帶住一種取笑既語氣問道︰「係喎…妳同果個乜嘢…乜嘢修，而家去到乜嘢地步啊？」
338Please respect copyright.ＰＥＮＡＮＡwXfLH2DkPh
「做咩講呢樣啊！」張潔婷羞道︰「唔講喇！」
338Please respect copyright.ＰＥＮＡＮＡQrHgY9anzp
「哈哈！Kitty小姐怕醜啊！」王凱婷取笑道。
338Please respect copyright.ＰＥＮＡＮＡQMC9u0sZ84
（待續）
ns216.73.216.13da2
and then Add to home screen.