【08/30 DAY 46】講吓音樂（二十）：樂器考試 4 （學習現況）
考生可以根據自己意願，去揀合適嘅形式考試：Performance Grade Examination（網上交片），Practical Grade Examination（現場考試）。
有唔同嘅形式揀係一件好事，因為每個學生嘅強弱項都唔同。但係喺香港嘅學習環境底下，某程度上，已經影響咗香港學生嘅學習心態同老師嘅教學。
喺Practical Grade入面要考嘅音階、視奏、聽力，都係需要時間去練習、去累積嘅技巧。但係當一個相對佔時間少，學生唔再需要通過音階、視奏、聽力嘅測試，只係彈多一首歌去代替嘅Performance Grade Examination出現，自然會有好多學生（冇時間練、基本功較弱、趕住考證書等等）會揀咗呢一個考試形式。
變相學樂器嘅時候，學生已經唔想學呢樣嘢，因為「考試唔需要」。部分家長都會覺得，老師做咩嘥時間教呢啲，考試都唔駛考。對於音樂咁重要嘅嘢，就係因為考試唔駛考，而被好多人都輕視咗，其實都幾可悲。
不過咁，就算以前只有Practical考試嘅時代，其實都有好多學生，喺考期前嗰兩三個月先開始操練聽力同視奏，最後考出嚟嘅成績危危乎，低空飛過。
所以無論考邊個考試都好，或者唔考試都好，最核心嘅問題，係大家用咩心態去學習音樂。作為一個樂器老師，就算呢幾個範疇唔駛考，老師都應該要同學生彈scale and arpeggio，間中要畀份譜叫學生即刻彈，仲要抽時間練聽力。咁樣，學生就會有基本功嘅支持，容易啲學上去。
我相信市場上仍然有好多呢類型嘅老師。如果你係，想同你講一句：加油！
二十集嘅《講吓音樂》暫時去到呢度，講得再details啲嘅話，真係有排講。遲啲有機會再分享多啲。
59Please respect copyright.ＰＥＮＡＮＡBRggis9uyf
—--
and then Add to home screen.