機動戰士高達︰瑪斯子嗣　The Children of Mars - 第三十一集　我接咗新嘅委託(二)

呢個時候，喺地球嘅另一面。

「——你知唔知道，自己同緊邊個講嘢？」

奧菲睇住螢幕，然後笑喇。

「哦！偉大嘅法里度卿，掌控兩個大陸嘅男人——就算姆達．亞茲拉路喺我面前，我嘅回答都係一樣——基金國唔會再為閣下，提供任何協助。」

「……你哋真係打算，同號角為敵？」

「如果閣下，真係可以代表號角，咁我都冇呢個打算。」

「奧菲．拉姆．塔奧！」

「一戰失利，下面嘅，開始唔安份，應該唔係令人意外嘅事，唔係乜？」

呢個時候，歐亞兩地，多國發生動亂，基金國只係其中一個。

再加上，空降嘅域根部隊，唔單只針對軍事設施，更聯合當地反抗勢力，擺出一副解放者嘅模樣。

喺火星滯留三百年嘅人，唔可能對地球政治，有咁準確嘅了解。如果佢冇估錯，咁真係——父慈子孝。

「……希望你仲記得，要喺地圖上面，抹走幾個國家，對我而言，唔係難事。」

「希望閣下都記得，統治歐亞嘅法里度卿，唔一定要叫做伊茲納里歐。」

男人沉默喇。

而佢，都笑得更深。

「……我會記住，你今日嘅背叛。」

通訊中斷。

佢透咗啖氣，鬆一鬆塊臉，跟住打開另一段通訊。

「喲，奧菲。」

「陛下託我同你講，佢好高與，你平安無事，墨丘利女士。」

※※※

「——你哋簡直喺度玩火！」

夜已經好深，不過卡嘉蓮嘅會仲未開完。

啱啱，佢哋終於講到，伊蘇拿里奧退兵嘅真正關鍵——域根在歐亞各處空降，精準打擊佢嘅大後方，依靠札多畀嘅情報。

「一切都經我判斷，」費特力克講，「應該畀伊謝魯根特知道幾多。」

「……費特力克，」前總司令講，「仲記唔記得，成立監察局嗰一日，我講過啲乜？」

「我記得。」

前總司令望住嗰個立體影像，好耐好耐，跟住嘆咗啖氣。

「我退休喇。」

睇落，件事似乎了結。

不過，有人仲想將呢個會，繼續開落去。

「的確，前總司令已經退休喇，不過，同樣有玩火嘅興致——」

「戴蘭達。」費特力克講。

「打開天窗說亮話，對大家都好，一座鎮魂曲已經夠多喇。」

「上次見醫生，佢建議我用助聽器，我冇睬佢。」前總司令望咗過去，「所以，唔好轉彎抹角，直接啲。」

「凡納迪斯事件以後，GUND-ARM嘅研究已經禁止，唔係乜？」

「我自己簽嘅禁令，我自然記得。」

「所以，風靈——」

「駕駛員好健康，相信你自己見到。」

「的確，去到幾級喇？」

「第六級。」

「所以，已經完成喇，寂靜零號嘅核心。」

沉默。

好長，好長嘅沉默。

佢打算開口嗰陣，前總司令又講︰「醫生同樣吩咐，要我早睡早起——所以，詳細資料，你哋自己問費特力克拿——」

「前總司令——」

「冇問題，佢哋可以知道——我會嗌停德林，冇意見喇話？」

世界上，有好多個德林，不過佢而家，只諗起一個。

德林．連布蘭，貝納里特集團總裁，掌控多明尼克斯嘅男人。

※※※

火星冇蘋果。

所以，三日月都唔識削蘋果，直到蘇萊塔喺佢面前，削咗一個。

而家，佢又削完一個，掟咗落桶，同前面十幾個，黃咗嘅蘋果擺埋一齊。

你咪睇古荻利亞咁款啊，佢有得揀個陣，就同你揀飲擇食嘅喇——蘇萊塔咁講。

於是，佢就削咗成朝蘋果。

大嬸話，身體冇乜大礙。

老伯話，佢瞓飽就好。

不過，嗰個女人仲係未醒。

「喂，三日月，我來拿蘋果囉。」

蘇萊塔，去到呢家，仲係未去學校。

「佢仲未醒呀？」

「嗯。」

「已經幾日喇喎。」

「嗯。」

「今朝——食乜呀？」

「嗯。」

「……唉，算喇，迪路先生嗌我來搵你。」

已經呢個時間喇？

佢望住個鐘嗰陣，蘇萊塔行咗過來，拿走裝住蘋果嘅桶。

「喂，」佢問︰「你今日走？」

「係，夜晚嘅航班。」

佢伸出手，講︰「蘋果，畀我拿。」

※※※

機庫。

蘇萊塔唉咗啖氣。

而家，風靈仲喺少咁隻手，要整嘅機太多喇，唔急用嘅，擺住先。

佢都唔擔心，去到阿斯提卡西亞，點都有機會整嘅。

佢擔心三日月。

三日月呢幾日，淨係做兩件事︰削蘋果，或者搵迪路先生打架。

而家，暫時打飽喇，迪路先生有其他嘅事。

三日月望住巴巴托司，好耐好耐，忽然講咗一句︰「我錯喇，蘇萊塔。」

「……呃？

ns216.73.216.141da2

Reading Theme:

Font Size:

Line Spacing:

Paragraph Spacing:

Load the next issue automatically