機動戰士高達︰瑪斯子嗣　The Children of Mars - 第二十八集　到底只係朋友，定係比朋友更複雜嘅關係(一)

今日，我手震，今日，我心痛，點解會咁樣？

只要你返到來，我乜都願意做。

點解要咁對我？我究竟做錯咗乜？我到底做錯咗乜呀！

姆達、姆達呀！我、我、我——我真係好愛你㗎！

吔吔吔吔吔！哇哇哇哇！啊啊啊啊啊啊啊——！

……嘻。

嘻嘻。

嘻嘻嘻嘻嘻嘻嘻嘻——

兩年前，揚京．杜埃攻防戰結束嗰日，姆達．亞茲拉路葬身星海。

就喺嗰日，伊蘇拿里奧．法里度，做人做咗半個世紀之後，終於領略到，乜嘢叫做愛。

※※※

火星冇海，絕大多數嘅火星居民，終其一生，都唔會見到海。

不過，芙拉姆見過兩次，喺地球上面，真正嘅大海。

雖然佢最早見到嘅，係新人類喺衛星上面，製造嘅人工海洋。

——喂，芙拉姆，你睇吓，佢哋連咁嘅嘢都整到出來，喺一無所有嘅太空。

嗰個時候，嗰個女人已經開始諗緊喇啩？

佢哋苦難嘅真正源頭。

都係地球種嘅錯，如果一切都可以咁諗，咁就簡單喇。

但係佢，必須咁樣相信。

「好睇乜？」

真係失策，佢竟然冇注意到，有人喺後面行過來。

「……你以前見過海？謝哈特大人。」

佢問緊乜鬼呀？

※※※

「你講真嘅，定係人工製造？」

謝哈特見過，喺圖迪亞，佢同阿西姆，仲有羅瑪妮，一齊去過衛星上面，以人力製造嘅大海。

對佢來講，只係舊年嘅事，雖然由世人嘅角度，四分一個世紀已經過咗。

「就真嘅，喺地球上面嘅海。」

係，佢都見過一次，就喺——

「多爾救我嗰次，我哋就落喺海上面。」

一講嗰一個名，芙拉姆就擰轉頭，望住佢。

多爾．佛羅斯特，佢嘅上級、部下、戰友，喺佢墜入大氣層嘅時候，犧牲自己，救佢一命——亦都係芙拉姆嘅哥哥，畀冷凍睡眠，分隔喺兩段歲月。

「……佢死得似個戰士？」

「一直都係。」

芙拉姆冇再問喇，又望返住窗嘅外面。

佢哋見到嘅，不只係海喇，嗰個島國，已經出現喺視線嘅盡頭。

根據情報，亞斯諾一家，兩年前搬咗上去——咁即係話，羅瑪妮可能就喺上面，仲有佢同阿西姆嘅細路。

如今，淪為戰場嘅島國。

※※※141Please respect copyright.ＰＥＮＡＮＡUmvbQcyDz5
同一時間，喺宇宙上面，同好多人一樣，戴蘭達都喺度睇緊嗰場，決定世界走向嘅直播。

「——仲有冇下招？」

伊蘇拿里奧乜都冇答，直接熄咗通訊，離開嗰場直播。

「咁嘅武器，」通訊入面，老人咁講︰「佢竟然真係使用。」

「我仲以為，佢哋嘅作風，閣下已經見慣見熟。」

「有啲嘢，你唔會見慣——多明尼克斯會參與呢場作戰，但係請你記得——」

「就只係驅逐來歷不明嘅海盜，無意之間，摧毀咗來歷不明嘅大型裝置。」

爛到唔得嘅藉口，不過，就算伊蘇拿里奧幾蠢都好，都唔會喺呢個時候，迫中立嘅宇宙居民，徹底倒向菲力特——四個號角七星，已經表態反對佢嘅時候。

鎮魂曲，軌道間全方位戰略炮，五個中繼衛星，可以改變鐳射方向，攻擊地球圈任何一個位置——反而言之，只要冇咗中繼衛星，喺月球表面嘅核心，就只係個動力爐，一啲威脅都冇。

任何宇宙居民，只要知道咗，都無法容許咁嘅存在。

所以，多得佢，佢哋每個都知道喇——域根、貝納里特、提華茲、廢物商公會、同埋天之御柱。

「咁而家，應該係下半場嘅時候喇。」

佢開咗另一段通訊。

※※※

同一時間，奧布嘅衝突，仍然繼續。

「面壁九年，堅牢堅固！」

喺海岸，嘉達喺撒共上面，舉起兩支盾鉗，捉起一部達加，監生撕成兩份。

雖然人稱伊素卿，不過佢呢家嘅部隊，就得返身邊嘅親衛隊。

好多嘅人，喺佢昏迷不醒嘅時候，畀人刻意消耗，死喺一場，毫無意義嘅衝突。更多嘅人，從來冇效忠過佢——甚至冇效忠過，上一任嘅伊素卿。

「繼續，將佢哋趕返返去！」

喺水平線上，又來新嘅敵機，佢舉起——轟。

仲未有機會喐手，已經有人搶先一步，一槍打死帶頭嘅敵機。

※※※

同一時間，萬米之上嘅平流層，一架四旋翼運輸機，就懸停喺度。

上面係桀派，古捷因家族嘅高達，伊奧克就喺呢度。

親自駕駛高達，係號角七星嘅傳統，雖然同好多傳統一樣，早就畀歷史遺忘。

「畀老豆知道，佢應該會打死我。」

不過，冇機會喇。

好不幸，古捷因祖先嘅裝備，劍同盾牌，同佢呢個不肖子孫，一啲都唔夾——自己就係一個，只有槍打得準嘅廢柴——經過一次又一次嘅慘烈教訓，佢終於承認呢件事。

於是佢將桀派畀咗亞斯諾卿，借助AGE系統，同埋一份叫做佛勞洛斯嘅記錄，改造成而家嘅樣——一部只識開炮嘅高達。

數據、位置、光學成像，從前線機體傳回，等佢可以喺十公里外，鎖定敵機。

掹雞。

軌道砲射出炮彈，將海上面嘅機動戰士，一炮打穿。

※※※

「殺啦殺啦！」

蘇菲又出擊喇，當然仲有諾雷亞。

佢思前想後，反覆思量，已經可以斷定，形勢一片大好！

戰術一樣，嗰班精英首領，忙住清小兵嗰陣，佢哋就去做低個死有錢人——實彈武器都帶咗，佢就唔信部金閃閃，仲識反彈飛彈！

雖然混沌仲未整返，不過，有個不請自來嘅變態，頂咗個位，話會拖住部紅色機，只要冇人阻住佢哋。

「好想擁抱你啊啊啊啊啊！亞斯——」

佢熄咗嗰個變態支麥。

「喂，諾雷亞，如果佢有乜緊要嘢，堅緊要嘢，你同我講。」

「我熄咗佢麥。」

「哎呀，」佢開咗另一段通訊，「咁就交畀你囉，貓咪。」

螢幕上面，史汀娜望住佢，乜都冇講。

「……你肯定佢聽得明？」

「做乜啫，貓咪好醒目㗎！」

「……你哋幾時咁熟？」

「食過我嘅魚，就係一世嘅朋友！」

諾雷亞眼白一反。

到岸喇，佢放低咗大地——照計劃，無人機頂住小兵，變態搵紅色機，佢哋圍毆部金閃閃，只要冇意外——就喺呢個時候，個天，落雨喇。

流星雨，紅色發光嗰種，表示有人喺大空落緊來。

「……我妖。」

141Please respect copyright.ＰＥＮＡＮＡX3Cref9htZ
141Please respect copyright.ＰＥＮＡＮＡKfieNPUK5a

ns216.73.216.141da2

Reading Theme:

Font Size:

Line Spacing:

Paragraph Spacing:

Load the next issue automatically