機動戰士高達︰瑪斯子嗣　The Children of Mars - 第二十五集　關我撚事呀！(二)

「任務達成，總算可以將呢條友，掟過去讀書喇！」

「嗯。」

三日月舉起拳頭，同古荻利亞伸出來嘅，撞咗一下。

「喂啊！」蘇萊塔挨咗埋來，問︰「你咁唔想見到我呀？」

「冇錯喇！學生妹同我乖乖讀書做功課，打救世界呢種事，等你畢業再講啦！」

而家，已經係夜晚，佢哋終於返到老伯屋企——行後門，梗係。

「奇奧又唔見你哋咁講。」

「……做乜燒到我呢度呢？」

「哎呀，呢個𡃁仔，第日做號角七星㗎，同你唔一樣。」

蘇萊塔扁一扁嘴，跟住問︰「真係？冇咗我，你哋掂唔掂㗎？」

「吓，問我掂唔掂？亞古尼卡啊，竟然有人——」

「我會睇住佢。」

佢專登打斷咗，嗰個扮鬼哂嘢嘅女人。

「係係係——有人𥄫住我㗎喇，所以唔洗擔心，做你嘅學生妹——」

※※※

「媽媽！」

普洛斯佩拉打開手，一排冇見嘅女，即刻衝咗埋來，攬住佢。

雖然另一個，就企得幾遠喇。

「唔過來呀？」

「……吓？我過來做乜呢？」古荻利亞擰歪咗臉，跟住再講︰「得喇，呢條𡃁妹還畀你，快啲擝佢走——如果唔係，有人好快簽紙，加入奧布軍嘅喇。」

「唏，」蘇萊塔抗議︰「我先唔會——」

「我都想擝佢走，不過——」

佢舉起手機。

※※※

睇到上面嗰畫面，古荻利亞呆住喇。

畫面入面，有個飛行器，由輝夜——最近重建嘅質量投射器——發射出去，跟住，有個光點急速接近，另一個光點，又由畫面另一邊，射咗埋去，最後齊齊喺天空上面，變咗大火球。

防空飛彈，同攔截飛彈嘅飛彈。

「而家，」普洛斯佩拉講︰「所有航班都停哂囉，我哋都冇辦法走人。」

「……原因？」

「飛彈？」

「你知我唔係講呢個。」

「呵呵——」

普洛斯佩拉伸出手指，指住佢。

「你囉——意圖令尤利烏斯七號墜落地球，來自火星嘅重大犯人，目前藏匿奧布——於是乎，一個都唔畀走喇。」

聽到之後，佢又呆咗幾秒，最後只諗到一句︰

「關我撚事呀！」

※※※

呢個時候，喺P.L.A.N.T.嘅首都，阿普裡利烏斯，某間房嘅入面，戴蘭達面前，企住一個立體影像——菲扎爾．伊謝魯根特。

「如果唔係有人多事，呢場戰爭，根本唔會發生。」

「我就唔係咁睇，」佢講︰「號角之後，就會輪到P.L.A.N.T.。」

講到尾，佢哋都係地球種，住喺宇宙都一樣。

「或者只係有人，首先漠視咗，我哋人民之間，曾經嘅友誼。」

「需要彼此嘅話，友誼先會長久。」

「我唔否認——所以，我而家，需要你？」

「或者，我哋都需要彼此。」

佢將份檔案，發咗過去。

「……呢一個係？」

「似乎，有人嘅朋友，都唔係咁老實——伊蘇拿里奧冇同你講過乜？佢真正嘅底牌——鎮魂曲。」

ns216.73.216.55da2

Reading Theme:

Font Size:

Line Spacing:

Paragraph Spacing:

Load the next issue automatically