機動戰士高達︰瑪斯子嗣　The Children of Mars - 第十集　唯有向前(一)

榴彈打落船身，爆炸，成首漁火都喺度震緊。

艦橋都一樣，澳加揸實扶手，以免畀架船捹出去。

「迪蘭薩、海因德里、佐渥特，」喺佢隔離，大嬸咁講，「全部都係貝納里特嘅機體呢。」

雷達上，十幾個反應，螢幕見到，清一色黑色塗裝。

「……咪即係你哋囉。」

「哎呀，貝納里特二百幾間公司，全部各自為政——呢幾款公開發售，有錢你就買到。」

即係話，乾淨嘅白手套，保證死無對證。

呢個時候，通訊另一面，男人開咗口，同時發咗幾張相過來。

「咁或者呢兩部，你會認得。」

光學成像，上面係兩部機動戰士，啡色同綠色，機身幾個位置，都發緊紅色嘅光。

「……GUND-ARM。」

「果然係行家。」

「新世冇研發高達哦。」

「係，佩爾都冇。」

嗰個大嬸笑喇。

「而家，可以掌有呢種機體嘅，就只有號角。」

尤真一聽到，就嗌咗出來︰「嗰個大小姐，唔係話自己喺號角有人嘅乜？」

「咁人哋叫得號角七星，」佢講，「有人想大小姐去到地球，當然都可以有人，想見佢唔到。」

「咁你覺得，」大嬸望住佢，問︰「呢家係邊個，想見佢唔到呢？團長。」

「……艾利安？」293Please respect copyright.ＰＥＮＡＮＡHRPwyiNJaA
拉斯達爾．艾利安，阿麗安蘿德總司令，域根宣傳單張上面，最常出現嘅反派角色。

「呵。」

大嬸呢個反應，睇來唔啱喇——唔只尤真，連佢都要溫吓書，搞返清楚號角七星啲瓜葛。

「邊個搞事，可以之後再講。」通訊器又有聲音，男人望住佢，講︰「而家你打算點做呢？澳加．伊祖卡。」

「合作啦，我諗你都一樣，有女人要救掛？」

「好！爽快！我開始鍾意你喇。」293Please respect copyright.ＰＥＮＡＮＡZi3dyGEJxR
※※※

出面，十幾部機動戰士，圍攻緊漁火。

雖然多咗少少，不過三日月幾肯定，唔會有事。

而家有事嘅，係嗰個女人。

「讓開。」

「哈哈哈哈——你就想喇。」

睇唔到樣，只有音訊傳來，不過聽聲都知——係乞撚人憎嘅死𡃁妹。

眼前，綠色嘅高達，拿住鐳射機炮喺度掃射。

佢唔閃唔避，打直衝上去——肯定畀嗰個女人鬧，不過而家——而家邊得閒咁做？

舉起槌，車落去。

對方擝咗劍，擋住支槌，反鐳射塗層喺真空燃燒，濺起火花。

「哇哇——鐳射無效呢，外掛仔。」

「躝。」

「睬你都傻啦，你要留低，你部高達要留低，仲有你條命，留埋喺度！」

※※※

後面，七、八部敵機，包括一部高達。

如果係平時，亞米達幾下手腳，就搞掂呢班卒仔——除咗嗰部啡色，好歹有塊高達臉，應該可以掙扎一下。

不過而家，佢抱住第部機，多咗嘅重量，拖慢佢嘅動作，令場面越來越兇險。

「不如你放低我啦，大嬸。」

「……𡃁妹，你今朝冇食藥啊？」

「咁落去會累埋你，好正常嘅判斷。」

「正常？正常你嗰頭喇，你知唔知正常人，而家會嗌乜？——」

※※※

「——佢哋會嗌救命啊！白痴！」

啊。

好似係。

佢自己都唔記得喇，咁先係正常人嘅反應。

※※※

蘇萊塔冇唔記得，之前媽媽講過啲乜。

——要留喺後面。

——唔准離開甲板。

不過，而家古荻利亞出事喇——無論原因係乜，佢嘅機動戰士無法運作。

三日月可以過去。

但係佢過唔到去，嗰部綠色嘅高達，就擋咗喺度。

除非有人做啲嘢。

除非佢做啲嘢。

「你講得啱，對唔住遲啲先講啦，而家——」

向前就有兩個！

※※※

三日月而家只諗住一件事——車爆對面條友。

但係生咗塊高達臉嘅，通常冇咁好車。

「死啦死啦死啦——快啲去死，然後將你部高達留畀我！」

「我會殺咗你，就喺呢度，就係而家。」

忽然，一道白影闖入，逼開咗綠色嘅高達。

風靈。293Please respect copyright.ＰＥＮＡＮＡC4n9Q7Vnqe
「……你要留喺後面，大嬸好似咁講過。」

「由我哋對付佢，風靈係咁講嘅。」

「風靈唔識講嘢。」

「而、而家、係講呢啲嘢嘅時候乜？」

的確唔係，缺口出咗來，已經冇人阻佢喇。

「小心啲。」

佢一講完，就踩盡油門，飛向戰場嘅另一便。

293Please respect copyright.ＰＥＮＡＮＡGGqH3yvrvo

ns216.73.217.66da2

Reading Theme:

Font Size:

Line Spacing:

Paragraph Spacing:

Load the next issue automatically