機動戰士高達︰瑪斯子嗣　The Children of Mars - 第二十二集　救世主(三)

奇奧自問，係個好幸運嘅細路，唔係因為，自己出生喺權傾天下嘅亞斯諾家，而係因為，咁多年來，佢諗唔起一個時候，屋企人會唔喺度嘅——除咗一早過世嘅阿爸，咁冇計喇。

作為號角七星，咁嘅要求，真係地獄難度——睇吓，可憐嘅嘉達姐姐，想見吓以前嘅伊素卿，竟然係要預約——而家連預約都唔得喇，已經唔喺度。

三叔仲要拒人於千里，太苦喇。

湊得佢最多嘅，係佢阿爺，可能工作關係——曾經威震宇宙嘅亞斯諾卿，喺佢記憶當中，一直好得閒——遊戲開發渡日，最多大型更新嗰陣嗌忙——或者啲DLC，真係拆得太碎，不過佢唔駛畀錢，有乜好講？畀錢嗰班都未講喇。

小小嘅煩惱，就係五歲開始，已經好難搵到人同佢玩喇。所有同學，一律耍手擰頭——唉，無敵真係寂寞，佢明明已經肯用榭魯艾斯，舊嗰部喎，放水放到太平洋，怪佢囉而家？

直到嗰年，佢見到嗰位姐姐——阿爺舊朋友個世姪女個阿女呀——關係好複雜，唔好理喇——總之嗰位姐姐，唔只識玩，直頭識玩到，將佢㩒喺地板摩擦。

呢種心跳嘅感覺，肯定就係——心動！

你仲勁過阿嫲，我哋個細路肯定做到超級駕駛員！

好啦，呢一句，佢梗係唔會講出來。

※※※

「喂，奇奧，專心啲——後面都要帶隻眼睇！」

「……講呢啲邊個聽得明呀！」

「唔使明喇！似返個神棍，用身體感受佢！」

開緊片喇，仲成個腦都係黃色——所以，古荻利亞先討厭𡃁仔，特別係青春期嘅𡃁仔。

學吓三日月，三日月幾靜呀？

呢個時候，做麻瓜真係有好處，蘇萊塔唔粒字都收唔到。

既然嗰隻𡃁仔，打算坐上高達，保護自己阿爺，咁要有返啲實力先得喇——冇事嘅，𡃁仔天份唔錯，再畀佢㩒喺地板摩擦三百次，乜實力都出到來。

※※※

「第二月球而家，繼續停留喺L2，冇任何變化——」

「衝突仍然持續，P.L.A.N.T.當局表示，會積極行使自衛權，但對和談保持開放態度——」

「代表首長，與其未婚夫，優拿．洛馬．沙羅嘅大婚，將於下星期舉行——」

菲利特熄咗火，拿起咖啡壺，將咖啡倒落去。

電視就咁開住，一路播緊新聞——雖然話，自己退休好耐，不過有啲事，唔到佢話唔理——上次佢話唔理，於是，加盧斯理咗，跟住——加盧斯唔喺度喇。

放低杯，佢又望住，牆上面嗰張相。

「對唔住，阿西姆。」

婚禮嗰日嘅合照，佢唔喺入面，因為負責影嗰個，就係佢。

唔想細路殺人，就唔好教佢，去揸機動戰士——好耐好耐之前，有人咁樣同佢講過。

但係佢，都係教咗。

教咗拉斯達爾、教咗阿西姆、教咗尤諾雅——

跟住，又教咗畀奇奧。

※※※

麥基利斯終於返到屋企——唔係放假，邊有假放？——只係跟住嗰任務，就喺正奧布。

雖然，有人一早賣甩佢，已經得閒咗一排。

道門開咗，嗰位賣甩佢嘅拍檔，行咗出來。

「歡迎返來呀，你想食飯先、沖涼先，定係——聽咗報告先？」

「蓋里奧呀，話說上次，我見到艾美莉亞，佢就講咗差唔多嘅對白。」

「哦？咁你答咗啲乜？」

殺氣，完全收唔埋嘅殺氣。

「咁梗係——食飯先。」

瞬間，蓋里奧即刻和藹可親，放佢入去。

「我親愛嘅侄仔呢？」佢問。

「水星妹來咗，你知嘅啦，唔洗預搵到佢喇。」

「哎呀？你冇同佢講乜？打機識唔到女仔㗎。」

「你好意思講囉？」

「呵、呵、呵，你怪我呀？」

當初，佢為咗推搪嘉達嘅糾纏，擺咗個擂台——邊個打贏蓋里奧，佢就應承邊位小姐嘅婚約。

點知，點知千算萬算，算唔到有人咁鬼水皮，輸咗畀自己細妹。

嗰一年，佢六歲。

聽過加盧斯當時，笑咗足足一個月。

※※※

菲利特拿住咖啡，行出廚房。

「爸。」

「麥基利斯。」

一樣金髮，一樣意氣風發，畀號角追捧做︰超級駕駛員。

佢一直都驚，最後佢哋，又會一樣收場。

ns216.73.216.141da2

Reading Theme:

Font Size:

Line Spacing:

Paragraph Spacing:

Load the next issue automatically