我鍾意同妳鬥氣，其實只係因為… （Tier 1-3已完結，普通讀者連載中） - 後記

又完故了，多謝大家支持。

1635Please respect copyright.ＰＥＮＡＮＡ2MokzpxLZ8

其實唔怕話比大家知，我連埋其他世界觀創作咗十幾個故事，每個故都有唔同既角色，林必才係我最鍾意既角色黎，佢唔靚仔、佢一啲男子氣概都冇、佢死剩把口淨係識鳩UP、佢冇大麻J、佢爭少少連主角光環都冇埋、佢仲要好懦弱好廢柴(好彩總算比佢捱到good ending)，只係佢雖然廢，但女主角完全相反，男女主角最後先至有大團圓結局，佢唔駛做文藝悲劇既主角。

1635Please respect copyright.ＰＥＮＡＮＡo98JN6aXZt

我相信現實世界有唔少人既愛情心態係似阿必，不過阿必最唔同既係佢真係完全專一投入對葉佩儀既單戀，但中間又得把口冇成長。大家有冇睇過N年前一套台劇叫<<我可能不會愛你>>？呢套真係好睇。我覺得阿必同阿儀既關係有啲似李大仁同程又青咁，唔同既係葉佩儀應該強勢過、男人婆過程又青，而阿必係比起李大仁喺愛情進取方面再要廢多一百倍。李大仁至少有試過同其他女仔拍拖，同埋曾經下定決心要同程又青做好朋友，但阿必真係每一次都話要追阿儀但又每一次都鳩縮，如果最後唔係主角光環發揮作用，佢應該做毒撚做足一世…或者至少單身多十年八載。

1635Please respect copyright.ＰＥＮＡＮＡIGVPOTRt5p

但即使佢咁廢，我都係好鍾意呢個角色。係所有角色入面最鍾意既一個。冇得解，可能同葉佩儀一樣盲咗啩，哈哈。

1635Please respect copyright.ＰＥＮＡＮＡdicetjuYBM

我成日覺得，一對男女係要發生過關係之後，先算係真正一齊。不過今次係純愛故，一啲甜既情都冇，咁係因為要符合返個人物設定，唔通寫林必才呢個毒撚去叫雞咩？雖然啲情節改過幾次，但大家放心，個結局其實我一早係計劃大團圓結局既，而事實上亦都好彩阿必鍾意果個係葉佩儀，呢個結局先會合理。葉佩儀係一個好有主見既女仔，就算係最尾驚影響到其他人有猶豫，但係最後佢依然好有決心咁去追求自己心中既白馬王子。講起黎，葉佩儀先應該係白馬公主，而阿必就係廢柴王子。

1635Please respect copyright.ＰＥＮＡＮＡl9a7pXMykQ

跟住我會寫一篇後日談外傳，同之前一樣，係訂閱讀者專享既，主要係講林必才同葉佩儀一齊咗之後既故事，唔會太長，完咗就會到下個一、三、五故。

1635Please respect copyright.ＰＥＮＡＮＡp0Ott3BJsl

下個故…冇錯，係有唔少讀者都講過話期待既Kitty故，唔止係痴女補習老師咁對佢側面描寫，更加會係佢直接做第一主角既故事，想知佢究竟喺離開余正熙之後發生咗乜嘢事，點解會變到痴女故時咁，呢個故就會開估架喇，而長度估計同大姐姐故差唔多，希望到時大家鍾意。

1635Please respect copyright.ＰＥＮＡＮＡOcZMjqmv8W

再一次，多謝大家支持。

1635Please respect copyright.ＰＥＮＡＮＡCQYDQnEGCb

1635Please respect copyright.ＰＥＮＡＮＡBMj5utD459

故事連結： https://www.penana.com/story/151602/

（LINK IN BIO）

1635Please respect copyright.ＰＥＮＡＮＡFVQxyitfnJ

(本故事可免費看到尾，逢星期一、三、五於Penana更新，但訂閱讀者可優先閱讀更多章節、可享更多獨家專享加更及獨家外傳章節，詳情請參閱訂閱計劃說明。)