二百三十五
1625Please respect copyright.ＰＥＮＡＮＡPgv97uM7pi
我由頭到尾都冇同球圈以外既人討論過我外流既事，更加冇同葉佩儀提起過我當時有外流既機會。不過有啲球圈人士收風幾靈通，其實喺當時一啲嘅本地足球論壇入面，係有幾個post既內容係指出有香港以外既球會斟我，但係就冇講係邊隊，亦冇講到明係邊個國家。有啲報紙體記係會喺嗰啲論壇上面搵消息去寫，所以我印象中當時有一、兩份報紙既小角落係有我疑似有機會外流嘅消息報導，好彩老母好少睇體育版，所以睇唔到冇問。反而係葉佩儀不嬲都有收集我剪報嘅習慣，不過好彩佢果排應該傷心得滯唔得閒睇報紙，加上已經係休季階段，佢冇睇體育版都唔奇，所以佢完全唔知我有過外流既機會。
1625Please respect copyright.ＰＥＮＡＮＡdQgEFAYxKX
我點知葉佩儀有留起我剪報？大家仲記唔記得當年佢有份勸我老豆比我踢職業波時拎出嚟果個裝住我報導嘅Folder啊？所以我咪知囉。
1625Please respect copyright.ＰＥＮＡＮＡT7LyjEXcBW
當年紙媒仲有市場，但係要咁樣keep起的報紙，真係好有心架。
1625Please respect copyright.ＰＥＮＡＮＡJxxiWay9aN
總之，就係咁喇，我今次既外流機會，就係咁斷送喺自己手上，但我唔後悔。
1625Please respect copyright.ＰＥＮＡＮＡzKPbNC2qcE
就算我只能夠做到喺葉佩儀身邊默默陪住佢，我都唔後悔。
1625Please respect copyright.ＰＥＮＡＮＡhdeM8ypirR
喺葉佩儀同劉政龍分手之後既第一個星期，譚梓淇佢哋仲未知葉佩儀同劉政龍分咗手，不過譚梓淇畢竟係葉佩儀最好既朋友，好快就察覺到葉佩儀有唔妥，一問之下葉佩儀都冇隱瞞，將劉政龍出軌、兩個人已經分咗手既事講咗出黎。
1625Please respect copyright.ＰＥＮＡＮＡoNeD32ABwO
呢個暑假，我哋五人行就成日出黎陪葉佩儀玩，希望令佢開心返。而葉佩儀好快都冇乜嘢咁，睇落可以放低呢段關係重新生活。
1625Please respect copyright.ＰＥＮＡＮＡ8aajnHEKHi
表面上係咁。
1625Please respect copyright.ＰＥＮＡＮＡ1aEr1znfQY
但係，我就係知道佢未完全放得低。
1625Please respect copyright.ＰＥＮＡＮＡ66kdkGSs3w
我唔識形容，但可能我同葉佩儀真係太熟，總之就係感覺到。好簡單咁去比較，就係佢既反應同佢初戀時同洪偉賢分手時完全唔同，而家我真係會見到佢偶而不經意地流露出傷心既一面，但好快又扮返冇嘢咁。
1625Please respect copyright.ＰＥＮＡＮＡNqm13isTRp
唉，佢演技真係同我爭幾班啊。
1625Please respect copyright.ＰＥＮＡＮＡI4WvEcLUTR
我知呢啲痛苦係需要時間去沖淡既，只係要幾耐？我唔知。
1625Please respect copyright.ＰＥＮＡＮＡjSYTYKU2ij
我能夠做到既，就只有喺呢段日子一收工放假就陪佢，有時係兩人獨處，有時係五人行，總之唔理葉佩儀願唔願意都好，我就係要塞爆晒佢啲時間，等佢冇機會亂諗嘢。
1625Please respect copyright.ＰＥＮＡＮＡyVjpcUSoDO
呢段日子，計埋電話同WhatsApp messages、短訊等等，應該係自從中學畢業之後，我同葉佩儀相處得最多既日子。
1625Please respect copyright.ＰＥＮＡＮＡKXuPDQloEQ
劉政龍中間有冇黎搵過佢？有。
1625Please respect copyright.ＰＥＮＡＮＡ4qt6usqO0D
咁葉佩儀有冇call我出黎幫拖？冇。
1625Please respect copyright.ＰＥＮＡＮＡhi3PKcoYZG
我有問佢點解，佢話要自己面對呢個人，放低佢，同時又叫我唔駛擔心，話自己一定唔會放棄自己既原則，一定唔會同佢復合。
1625Please respect copyright.ＰＥＮＡＮＡUwW8lCg5Vl
不過，雖然葉佩儀冇call埋我出去，等我有機會當面屌柒劉政龍，但係佢每次都有同我匯報返個情況，而我就好好咁安慰佢，等佢知道身邊永遠有人陪住佢。
1625Please respect copyright.ＰＥＮＡＮＡaBpg7ytNRP
只要葉佩儀需要，我一定會隨傳隨到。
1625Please respect copyright.ＰＥＮＡＮＡ39nkdiZ9t3
都好好彩，至少喺開學之前我就覺得葉佩儀開始慢慢打起精神，擺脫同劉政龍分手而帶黎既傷感。
1625Please respect copyright.ＰＥＮＡＮＡcM14GlAMsi
我幾驚今次對葉佩儀帶黎既打擊好似譚梓淇犀利，譚梓淇而家表面上冇乜嘢，但實際上我諗熟悉佢既好朋友都唔會覺得佢係冇嘢，佢根本就未放低余正熙、未走出陰霾。
1625Please respect copyright.ＰＥＮＡＮＡFmGZZrJd1k
能夠令葉佩儀打起精神，我放棄外流機會都真係值返晒。
1625Please respect copyright.ＰＥＮＡＮＡ8tehp645NL
之後既日子，其實都冇乜特別，雖然大學開學之後，我同葉佩儀見面既時間同機會少咗，但係一有機會，我都會去搵佢，有時係五人行、有時係自己，因為雖然葉佩儀已經慢慢走出失戀既傷痛， 但係我都仲會擔心佢，驚佢自己一個人既時候會唔開心，會亂諗嘢。
1625Please respect copyright.ＰＥＮＡＮＡEVskIchafj
至於我有冇對葉佩儀發動攻勢？
1625Please respect copyright.ＰＥＮＡＮＡH8ZiUhMnhQ
冇喎，葉佩儀話過，佢唔鍾意啲乘人之危，喺人哋失戀既時候乘虛而入架嘛，所以佢先會喺中四、中五誤會我會追求譚梓淇既時候覺得咁反感。
1625Please respect copyright.ＰＥＮＡＮＡHoZl2tMAix
而且來日方長，慢慢黎喇，唔通葉佩儀啱啱先失戀，佢咁快又會拍拖咩？
1625Please respect copyright.ＰＥＮＡＮＡMnZ9rOjjLO
放心，放心，我實有機會既，最緊要就係唔好急，有句說話叫做欲速則不達吖嘛，太急好易壞事架！
1625Please respect copyright.ＰＥＮＡＮＡTi0P0wcBPW
我講咗咁多嘢，絕對唔係為自己搵藉口，一定唔係！我絕對唔係因為覺得追佢可能會破壞我哋之間既友情，絕對唔係！更加唔係覺得做朋友都幾好，想同佢做一世朋友！
1625Please respect copyright.ＰＥＮＡＮＡSKBwlfboUF
…
1625Please respect copyright.ＰＥＮＡＮＡLYqHk58A2v
…
1625Please respect copyright.ＰＥＮＡＮＡbNlxCHNv3l
…
1625Please respect copyright.ＰＥＮＡＮＡjLGmfePDBU
應該係咁？
1625Please respect copyright.ＰＥＮＡＮＡlfGbI38R2O
（待續）
ns216.73.217.115da2
and then Add to home screen.