職業寫手——我在大陸寫爛片的日子 - 實習報告

喺香港做編劇嘅困難之處，我未喺電影學院畢業就已經體驗到。

1595Please respect copyright.ＰＥＮＡＮＡx3M7ft36Pp

喺浸會大學最後一個學年，學校需要我哋出去實習，搵老闆拎一份實習報告返去先可以畢業。

1595Please respect copyright.ＰＥＮＡＮＡl1FOaM8aRX

我試過投電視台，但可惜嗰時唔收新人，電影公司就更加難，香港一年開嘅戲十隻手指都數得晒，就算請編劇都唔會請我呢種冇經驗嘅人，所以喺呢行如果冇人帶嘅話，其實好難入行。

1595Please respect copyright.ＰＥＮＡＮＡgKSwCKBYuG

好快身邊嘅其他同學都陸陸續續搵到地方實習，得返我仲係一個人吊吊揈，未有著落。

1595Please respect copyright.ＰＥＮＡＮＡWQiYvYCbGn

望住條死線愈嚟愈近，我都焦慮起上嚟，心諗難道想喺香港揸筆搵食真係咁難？未畢業就已經面臨俾人淘汰。

1595Please respect copyright.ＰＥＮＡＮＡ19imDFK8iT

就喺我都唔知點算好嗰時，突然間有個做場記嘅朋友發咗個訊息問我：「喂，沙士，你搵到地方實習未？」

1595Please respect copyright.ＰＥＮＡＮＡ32cnUnGTS9

我聽完個心當堂跳咗一下，即刻零秒覆佢：「未啊，係咪有介紹？」

1595Please respect copyright.ＰＥＮＡＮＡuTbgKvpRfI

片刻過後，對話框又彈咗一句出嚟。

1595Please respect copyright.ＰＥＮＡＮＡgjS5Z9dnJG

「咁啱喇，我跟緊嗰個導演最近搵緊編劇，仲要係新人都唔介意，你有冇興趣？」

1595Please respect copyright.ＰＥＮＡＮＡP23cABMrbK

我一直搵唔到實習嘅原因，就係因為我係個冇經驗嘅新人，難得有人連新人都肯要，我就好似捉到救命稻草咁快速打字應佢：「有啊！」

1595Please respect copyright.ＰＥＮＡＮＡeuN9nIp8cn

「但講明先，實習地點唔喺香港㗎喎。」

1595Please respect copyright.ＰＥＮＡＮＡap0XYU5gsY

「吓？唔喺香港？咁喺邊呀？」

1595Please respect copyright.ＰＥＮＡＮＡMmZDNz9LP3

「北京。」

1595Please respect copyright.ＰＥＮＡＮＡR20j7OddOX

北……京？

1595Please respect copyright.ＰＥＮＡＮＡ0Mn3u50G5c

喺電話面前嘅我，收到呢個訊息之後都窒咗一下，嗰時嘅我從未試過自己一個離開屋企咁遠。

1595Please respect copyright.ＰＥＮＡＮＡSIPE4FFiG9

所以對此多少都有啲猶豫，但場記朋友又同我講：「你唔使即刻應承嘅，可以出嚟同導演見過面先再決定。」

1595Please respect copyright.ＰＥＮＡＮＡEKmQLbuWiy

我諗咗下，最後覆佢：「好啊。」

1595Please respect copyright.ＰＥＮＡＮＡfB3Lxjt7M7

但我作為未入行嘅新人，一諗到即將要同一個有多年拍攝經驗嘅導演傾計，難免會感到緊張。

1595Please respect copyright.ＰＥＮＡＮＡhYvnx7xSyk

如果佢問嘅問題我答唔到咁點？一個編劇去見導演之前要準備咩？表現唔好會唔會連累我朋友？

1595Please respect copyright.ＰＥＮＡＮＡ3hPcEmcmDi

對此我一無所知，雖然覺得好驚，但我仲驚畢唔到業，所以點驚都好，係個男人就要頂硬上。

1595Please respect copyright.ＰＥＮＡＮＡFRVsAYSCSF

時間定咗喺兩日後，起初我以為會去辦公室之類嘅地方見面，但一查佢畀嘅地址先知原來係一間茶餐廳嚟，仲要好多人行出行入，嘈到飛起嗰種。

1595Please respect copyright.ＰＥＮＡＮＡdRkI9L3OuT

為咗唔好遲到，當日我仲特登提前三十分鐘去到目的地。

1595Please respect copyright.ＰＥＮＡＮＡMqAsmGO7PJ

其間好緊張，腦入邊重複回憶所有可能會俾人問嘅問題。

1595Please respect copyright.ＰＥＮＡＮＡak8GXEIB5O

就喺約定時間差唔多到嗰陣時，我嘅電話突然間響起，拎起一睇，顯示係導演打嚟。

1595Please respect copyright.ＰＥＮＡＮＡo00jFFvsjm

同一時間一個身材高大嘅男人拎住電話推開餐廳門行咗入嚟，舉止都相當豪邁，一見到我手機響就行到我面前坐底問：「你就係章魚介紹嗰新仔啊？」

1595Please respect copyright.ＰＥＮＡＮＡep4utWFiRz

我即刻成個人喺張櫈度彈起，笑住咁應佢：「係啊！導演。」

1595Please respect copyright.ＰＥＮＡＮＡLsGGns3XnR

之後佢擺擺手示意我坐低又問：「乜你個名咁奇怪嘅？叫沙『土』？」

1595Please respect copyright.ＰＥＮＡＮＡGRg8BKbSja

「其實我叫沙『士』，導演。」

1595Please respect copyright.ＰＥＮＡＮＡa7VdcO4Jt7

「咁仲奇怪添！病毒名嚟。」佢望咗下手機又講：「叫嘢食先，邊食邊講。」

1595Please respect copyright.ＰＥＮＡＮＡqNAxYhURJS

我原本以為會係正式嘅面試，佢會問我好多有關電影嘅問題，但成個過程只係好普通嘅交流，問下我鍾意睇咩電影，喜歡咩類型嘅片種，對未來嘅市場發展點睇。

1595Please respect copyright.ＰＥＮＡＮＡoM9bXS7fHi

喺一個鐘頭嘅面試期間我幾乎係雞啄唔斷，冇停過咁講嘢，盡量唔畀有冷場出現。

1595Please respect copyright.ＰＥＮＡＮＡjvrbkEgO9R

但係佢忽然問我：「啊沙士，我問你，你覺得對我哋嚟講點先係一個好嘅劇本？」

1595Please respect copyright.ＰＥＮＡＮＡWKMh1EPKmw

我諗咗下應佢：「嗯……好睇嘅？」

1595Please respect copyright.ＰＥＮＡＮＡLdGKgai3fa

佢搖搖頭又講：「咁樣對觀眾嚟講係，我嘅問題係對我哋導演同編劇嚟講，咩先係好劇本。」

1595Please respect copyright.ＰＥＮＡＮＡ6ifxtX3k1E

因為一路以嚟我都喺觀眾角度出發，我諗咗好耐都諗唔到，最尾唯有搖頭答：「我諗唔到，導演。」

1595Please respect copyright.ＰＥＮＡＮＡ4axuzyQL2K

佢飲咗啖凍檸茶先答我：「對我哋嚟講開到戲嘅先係好劇本，開唔到戲，拎唔到錢咁又叫咩好劇本？」

1595Please respect copyright.ＰＥＮＡＮＡLa8LykHQ2I

我好似明又好似唔明，而導演又問：「時間唔早，我要返酒店休息，見你都幾talk得，普通話掂唔掂？」

1595Please respect copyright.ＰＥＮＡＮＡYAzcEiX4S5

「勁過古天樂少少咁。」

1595Please respect copyright.ＰＥＮＡＮＡqfypZXTjGX

「夠用㗎啦。」佢拎起枱頭張單起身問我：「有冇興趣過嚟北京實習一個月睇下？」

1595Please respect copyright.ＰＥＮＡＮＡOeulcSqg7V

「好啊！」我冇諗咁多即刻笑住應承，起碼實習報告呢關總算過到。

1595Please respect copyright.ＰＥＮＡＮＡflI2LQlWGi

「OK，你將你嘅身份證，回鄉證send畀我，我叫人幫你訂機票。」導演起身埋咗張單之後又講：「十二月，你執好行李就過嚟，呢邊食住都有㗎喇，完咗仲有人工。電話聯絡。」

1595Please respect copyright.ＰＥＮＡＮＡ7ItGLNwDEd

佢講完就好瀟灑咁走，我留咗喺餐廳度心諗：「哇！咩都包，仲有人工咁好？我係咪發緊夢？」

1595Please respect copyright.ＰＥＮＡＮＡW17XNXKmLT

就係咁，一個星期後，我孭住背囊，拖住一個老蓮咁大嘅行李喼出現咗喺北京街頭。

1595Please respect copyright.ＰＥＮＡＮＡkTIFIG6HYm

ns216.73.216.217da2

Reading Theme:

Font Size:

Line Spacing:

Paragraph Spacing:

Load the next issue automatically