職業寫手——我在大陸寫爛片的日子 - 實習報告

喺香港做編劇嘅困難之處，我未喺電影學院畢業就已經體驗到。

1834Please respect copyright.ＰＥＮＡＮＡD0M1Jg5tf7

喺浸會大學最後一個學年，學校需要我哋出去實習，搵老闆拎一份實習報告返去先可以畢業。

1834Please respect copyright.ＰＥＮＡＮＡ3Rb30dpTO2

我試過投電視台，但可惜嗰時唔收新人，電影公司就更加難，香港一年開嘅戲十隻手指都數得晒，就算請編劇都唔會請我呢種冇經驗嘅人，所以喺呢行如果冇人帶嘅話，其實好難入行。

1834Please respect copyright.ＰＥＮＡＮＡEfqZBPSYl7

好快身邊嘅其他同學都陸陸續續搵到地方實習，得返我仲係一個人吊吊揈，未有著落。

1834Please respect copyright.ＰＥＮＡＮＡ0QHmbbLYXE

望住條死線愈嚟愈近，我都焦慮起上嚟，心諗難道想喺香港揸筆搵食真係咁難？未畢業就已經面臨俾人淘汰。

1834Please respect copyright.ＰＥＮＡＮＡY6TxcU6luu

就喺我都唔知點算好嗰時，突然間有個做場記嘅朋友發咗個訊息問我：「喂，沙士，你搵到地方實習未？」

1834Please respect copyright.ＰＥＮＡＮＡR00cjLm0rd

我聽完個心當堂跳咗一下，即刻零秒覆佢：「未啊，係咪有介紹？」

1834Please respect copyright.ＰＥＮＡＮＡqrptOYYIKH

片刻過後，對話框又彈咗一句出嚟。

1834Please respect copyright.ＰＥＮＡＮＡPpLpkwzWkL

「咁啱喇，我跟緊嗰個導演最近搵緊編劇，仲要係新人都唔介意，你有冇興趣？」

1834Please respect copyright.ＰＥＮＡＮＡTPIKHpl7FN

我一直搵唔到實習嘅原因，就係因為我係個冇經驗嘅新人，難得有人連新人都肯要，我就好似捉到救命稻草咁快速打字應佢：「有啊！」

1834Please respect copyright.ＰＥＮＡＮＡ3WrJ3MLHFF

「但講明先，實習地點唔喺香港㗎喎。」

1834Please respect copyright.ＰＥＮＡＮＡS285sPOkS4

「吓？唔喺香港？咁喺邊呀？」

1834Please respect copyright.ＰＥＮＡＮＡO0wssD7F7w

「北京。」

1834Please respect copyright.ＰＥＮＡＮＡLgDGHPwWqe

北……京？

1834Please respect copyright.ＰＥＮＡＮＡnsFD8LTdws

喺電話面前嘅我，收到呢個訊息之後都窒咗一下，嗰時嘅我從未試過自己一個離開屋企咁遠。

1834Please respect copyright.ＰＥＮＡＮＡx0sRQ0KqSe

所以對此多少都有啲猶豫，但場記朋友又同我講：「你唔使即刻應承嘅，可以出嚟同導演見過面先再決定。」

1834Please respect copyright.ＰＥＮＡＮＡ770Uc88Qoq

我諗咗下，最後覆佢：「好啊。」

1834Please respect copyright.ＰＥＮＡＮＡ8Y19GU4Ptd

但我作為未入行嘅新人，一諗到即將要同一個有多年拍攝經驗嘅導演傾計，難免會感到緊張。

1834Please respect copyright.ＰＥＮＡＮＡP76o69oE68

如果佢問嘅問題我答唔到咁點？一個編劇去見導演之前要準備咩？表現唔好會唔會連累我朋友？

1834Please respect copyright.ＰＥＮＡＮＡFZP8ITEFUk

對此我一無所知，雖然覺得好驚，但我仲驚畢唔到業，所以點驚都好，係個男人就要頂硬上。

1834Please respect copyright.ＰＥＮＡＮＡ20A5XkSdKC

時間定咗喺兩日後，起初我以為會去辦公室之類嘅地方見面，但一查佢畀嘅地址先知原來係一間茶餐廳嚟，仲要好多人行出行入，嘈到飛起嗰種。

1834Please respect copyright.ＰＥＮＡＮＡj9xMB64EdN

為咗唔好遲到，當日我仲特登提前三十分鐘去到目的地。

1834Please respect copyright.ＰＥＮＡＮＡyaRgi6uFDE

其間好緊張，腦入邊重複回憶所有可能會俾人問嘅問題。

1834Please respect copyright.ＰＥＮＡＮＡM8QEYLoVVB

就喺約定時間差唔多到嗰陣時，我嘅電話突然間響起，拎起一睇，顯示係導演打嚟。

1834Please respect copyright.ＰＥＮＡＮＡg3hJi3tMcE

同一時間一個身材高大嘅男人拎住電話推開餐廳門行咗入嚟，舉止都相當豪邁，一見到我手機響就行到我面前坐底問：「你就係章魚介紹嗰新仔啊？」

1834Please respect copyright.ＰＥＮＡＮＡHJRpTyZU9m

我即刻成個人喺張櫈度彈起，笑住咁應佢：「係啊！導演。」

1834Please respect copyright.ＰＥＮＡＮＡUTriTSj8kw

之後佢擺擺手示意我坐低又問：「乜你個名咁奇怪嘅？叫沙『土』？」

1834Please respect copyright.ＰＥＮＡＮＡ81KUvRVi6A

「其實我叫沙『士』，導演。」

1834Please respect copyright.ＰＥＮＡＮＡyoEaC3JdHJ

「咁仲奇怪添！病毒名嚟。」佢望咗下手機又講：「叫嘢食先，邊食邊講。」

1834Please respect copyright.ＰＥＮＡＮＡmNh6zqMaaz

我原本以為會係正式嘅面試，佢會問我好多有關電影嘅問題，但成個過程只係好普通嘅交流，問下我鍾意睇咩電影，喜歡咩類型嘅片種，對未來嘅市場發展點睇。

1834Please respect copyright.ＰＥＮＡＮＡaO991oiGce

喺一個鐘頭嘅面試期間我幾乎係雞啄唔斷，冇停過咁講嘢，盡量唔畀有冷場出現。

1834Please respect copyright.ＰＥＮＡＮＡEtzULaSUaF

但係佢忽然問我：「啊沙士，我問你，你覺得對我哋嚟講點先係一個好嘅劇本？」

1834Please respect copyright.ＰＥＮＡＮＡoyPRZec9xc

我諗咗下應佢：「嗯……好睇嘅？」

1834Please respect copyright.ＰＥＮＡＮＡelsTAc2YJp

佢搖搖頭又講：「咁樣對觀眾嚟講係，我嘅問題係對我哋導演同編劇嚟講，咩先係好劇本。」

1834Please respect copyright.ＰＥＮＡＮＡOWZGvGFHEB

因為一路以嚟我都喺觀眾角度出發，我諗咗好耐都諗唔到，最尾唯有搖頭答：「我諗唔到，導演。」

1834Please respect copyright.ＰＥＮＡＮＡWAnAvILV5v

佢飲咗啖凍檸茶先答我：「對我哋嚟講開到戲嘅先係好劇本，開唔到戲，拎唔到錢咁又叫咩好劇本？」

1834Please respect copyright.ＰＥＮＡＮＡ1d5Tltj3pz

我好似明又好似唔明，而導演又問：「時間唔早，我要返酒店休息，見你都幾talk得，普通話掂唔掂？」

1834Please respect copyright.ＰＥＮＡＮＡe9FOqbt9Cl

「勁過古天樂少少咁。」

1834Please respect copyright.ＰＥＮＡＮＡryLJtq7hi7

「夠用㗎啦。」佢拎起枱頭張單起身問我：「有冇興趣過嚟北京實習一個月睇下？」

1834Please respect copyright.ＰＥＮＡＮＡqdpxdQLPZH

「好啊！」我冇諗咁多即刻笑住應承，起碼實習報告呢關總算過到。

1834Please respect copyright.ＰＥＮＡＮＡoTi3oZZWS2

「OK，你將你嘅身份證，回鄉證send畀我，我叫人幫你訂機票。」導演起身埋咗張單之後又講：「十二月，你執好行李就過嚟，呢邊食住都有㗎喇，完咗仲有人工。電話聯絡。」

1834Please respect copyright.ＰＥＮＡＮＡIihMbNOEga

佢講完就好瀟灑咁走，我留咗喺餐廳度心諗：「哇！咩都包，仲有人工咁好？我係咪發緊夢？」

1834Please respect copyright.ＰＥＮＡＮＡQHNxL7TME5

就係咁，一個星期後，我孭住背囊，拖住一個老蓮咁大嘅行李喼出現咗喺北京街頭。

1834Please respect copyright.ＰＥＮＡＮＡVgirfaNl1l

ns216.73.216.136da2

Reading Theme:

Font Size:

Line Spacing:

Paragraph Spacing:

Load the next issue automatically