為拯救未來逝去的妳，我成了記憶信貸的客戶 - 《第23話：那個女孩會出什麼事》（2）

Wiki高速攪拌著瓷杯，白咖啡幾乎瀉出。

Wiki大概是在意，墨鏡男跟程雨奈有何關係吧。

我只是道：「我懷疑墨鏡男對程雨奈計劃緊某啲嘢——」

刀飛脫，彈到玻璃窗旁的地上，鏗鏘一聲。

「凡膠，我所講嘅『女仔』，唔係指助教。」Wiki慢條斯理道，「而係萬聖節嗰位。」

「……萬聖節？」

「芊柔小姐。」

對，Wiki認識芊柔，他和哈士奇在萬聖節那一晚，跟芊柔一起吃了頓宵夜。

「點解無啦啦講起佢？話時話，你刻意尊稱佢『小姐』，咁有禮貌真係少見喎。」

「氣質智慧並重嘅靚女，又唔係你哋班猥瑣佬，點解唔尊重？」Wiki淡然道。

這傢伙不是迷上了芊柔吧？！

「我Sponsor你驗眼，Thanks！」我傻眼，「如果我同你講，芊柔根本唔係正常嘅人——」

「我一早知道。」

「……吓？」我驚呆了。

「芊柔小姐根本唔係你學徒。有冇講錯？」

原來一早被拆穿了，Wiki果然是無所不知。

Wiki續道：「以你咁孤僻嘅性格，連朋友都懶得認識，仲點會願意收乜鬼學徒？而且芊柔小姐已經講咗我知。」

「……芊柔同你講咗乜嘢？」我訝異不已。

Wiki端起白咖啡，咕嚕喝了一大口。

「佢叫我守秘密，但係我一向係冇道義嘅人。」

「嗯，你直頭係道德淪亡。」我點頭。

Wiki把白咖啡喝光，道：「嗰晚，你俾哈士奇扶咗入房嘅時候，芊柔小姐突然衝咗入洗手間，門半掩冇鎖上。」

我一愣，原來當時發生過這回事？

「因為洗手間傳來咳聲，我去睇睇情況。」Wiki道，「然後，我見到嘅係——」

755Please respect copyright.ＰＥＮＡＮＡ5QRapaltIg

一灘血。

芊柔趴倒洗手盤前，肩膀顫抖，喘息急促。

洗手盆內滿佈鮮血，有些更濺到四周的鏡子、牆壁、地板。

Wiki出手攙扶，芊柔卻抓住Wiki的手。

芊柔臉色蒼白，嘴巴下巴都是血。

「保守秘密。」她小聲道，拭乾臉上的鮮血。

「叫救護車？」Wiki冷靜問。

芊柔搖頭：「唔係佢哋可以醫治嘅病。」

「點解唔想凡膠知？」

「冇得解。」

「妳唔坦白，我唔幫妳。」

「……佢知道咗，一定會阻止我嘅計畫。」

「妳唔係佢嘅學徒，妳係邊個？」Wiki追問。

「一言難盡。」

「妳嘅計畫係乜？想利用凡膠做乜？」

「……」

「妳最好坦白。」

芊柔想了一會，扭開水喉：「唔洗擔心喎，我哋只係互相利用，只不過我會剝奪佢嘅一件事物。」

「乜嘢事物。」

「一樣佢自以為好重要嘅事物，但佢到時會明白，嗰件事物一啲都唔重要。」

755Please respect copyright.ＰＥＮＡＮＡwVzztcFob4

我聽罷Wiki的憶述，一頭霧水。

她為何會流那麼多血？說起上來，她過去亦兩度流血，她說是慣性流鼻血，可不像是真話。

她的工作不就是達成交易嗎？背後還會有什麼計畫？

她口中要剝奪我自以為最重要的事物，究竟是什麼？

Wiki是我最信任的朋友，他不像在撒謊，那麼芊柔有什麼隱瞞著我？

我自以為，好不容易才了解了她多一點，此刻她卻再次變得陌生。

我可以信任她嗎？

我還未解開程雨奈的疑團，就要面對湖芊柔這一謎題。

「凡膠。」Wiki道，「芊柔小姐到底係邊個？你女朋友？定係佢單戀你？」

「……咪癲拉，點可能呀？」

「但係，嗰晚佢不斷挑逗你。」

我急口否認：「佢唔係一般人，唔會有呢種情感需要——」

才不是。

芊柔說過，司憶者擁有人類的欲望，而那當然包括情慾。

那麼，她絕對有機會對人類產生感情。

我回想起昨夜的畫面，芊柔伏在我身上，輕喚我的名字——不，她只是要惡作劇我而已！

但是，當時她整個人都……悸動不已。

那不穩的喘息，那輕柔的聲線，那急促的心跳……

……心跳？

755Please respect copyright.ＰＥＮＡＮＡ2IgZSyv4et

「司憶者除咗心臟停頓，唔會成長老化外，人類擁有嘅生理機能、情緒、欲望，我哋都會擁有。」

755Please respect copyright.ＰＥＮＡＮＡEPXe9Xd0eU

我立刻愣住。

芊柔……怎麼會有……心跳？

她在欺騙我？為什麼？

Wiki突然道：「唉，你真係冇辦法令人放心。」

「……啊？」

「你有太多嘢隱瞞我哋。」

「……你一早睇穿曬。」

「好明顯，你所面臨嘅困境，單靠自己係唔會解決到。」

「……」

「凡膠，你唔好掛住做老好人，得閒都要俾機會人扶一把。」

我迷茫之際，Wiki指著玻璃外：「凡膠，你女朋友嘅話題擱置先。」

一個身穿黑色西裝的高大男人走進水果店內。

他戴著墨鏡，口咬著煙，鼻子高挺。

是他。

這個疑似要加害程雨奈的傢伙。

我還在思忖如何行動，男人已提著一個密封黑色袋，走出水果店。

那個黑色袋裏頭是什麼？

男人走近停泊路邊的一輛黑色車，正是那輛黑色Tesla。

0N0799

他要離開了！

「你宜家出門口，見到架電單車就坐上去。」

「吓？」

Wiki塞了什麼進我口袋，就推我出店外，我目睹Wiki所指的那輛外賣電單車。電單車手戴著頭盔，卻披著醫生袍。

「嘿！凡膠，仲唔上車！Wiki已經講曬畀朕聽喇！」

從那語氣，從那身穿著，我已辨別到他是誰了。

Wiki竟找了炒車天王哈士奇幫忙！對，我忘了他考了考電單車牌！但我不相信他路試會及格！

幾年前，他借了我的單車，差點失控撞燈柱時急轉彎，最後鏟中旁邊的我。他及後還解釋，他是為免單車撞柱崩掉，才寧願撞我的。

坐他的車，等於賭上了性命！死亡率50%！

可是，我盯著急速駛遠的0N0799，心知沒有其他選擇了！

呀……呀……呀呀呀！怕什麼！

「怕咩！怕你條命！靠你喇哈士奇！」我跳上後座。

「嘿嘿嘿，就等朕哋離開之前，做一件轟轟烈烈嘅事！」

「乜鬼？」

「溝你阿嫂！啊唔係，係幫你溝阿嫂！」

究竟Wiki跟哈士奇說了什麼幹話？

算了……看哈士奇如斯亢奮的模樣，不論他是讀醫壓力爆煲，抑或是想溝阿嫂，我都懶得辯解了。

我這時發現，Wiki塞進我口袋的，是一部針孔攝錄機。755Please respect copyright.ＰＥＮＡＮＡKDy3wAxMNS

ns216.73.216.174da2

Reading Theme:

Font Size:

Line Spacing:

Paragraph Spacing:

Load the next issue automatically