為拯救未來逝去的妳，我成了記憶信貸的客戶 - 《第15話：滴。嗒。滴。嗒。滴。嗒。》（1）

[68] 你把我心的餘額都耗光了。

898Please respect copyright.ＰＥＮＡＮＡD1ot5bd1Wr

[2021年11月1日]

898Please respect copyright.ＰＥＮＡＮＡN7ODBvOoMg

【草地。】

櫃員機跟上次一樣，坐落結縷草上。我和芊柔並肩而站，凝視著面前的李煘徐樓，以及周遭的校園設施。

我們再次穿梭到2021年12月31日23:55:00一刻——程雨奈原定死亡時間的5分鐘前。雖然已是第二遍來到憶界，卻仍未習慣「負片」般的藍色世界。空間內瀰漫著莫名其妙的迷離與憂鬱。

「老細，順從自己嘅內心，一定會搵到程雨奈嘅。」芊柔拍了拍我肩膀。

我想不到芊柔如此親切地鼓勵我：「真嘅？估唔到——」

「梗！係！假！啦！上次你咪入錯咗個路人甲嘅記憶囉！」芊柔吐了吐舌頭，「仲要差啲被困憶界，害到本小姐要OT！累街坊！」

果然不該對這傢伙的品格存有一絲期望！

「體驗路人嘅未來記憶，有咩唔好？」我攤開兩手，「從戰略角度而言，我哋確立到『程雨奈從高處墮下』呢項關鍵資訊，有助鎖定程雨奈嘅位置。」

「你點知佢喺邊個位置呢？」她在草地間模仿跳飛機，真像個他媽的小學生。

「程雨奈從高空墮落草地，而草地附近嘅高點只有李煘徐樓，咁答案就梗係大樓嘅天台啦——」

「錯——曬！」芊柔敏捷轉身，豎起手指逐一說明，「咳咳。第一，李煘徐樓有成12層，你點肯定程雨奈一定係喺天台嗰層墮下呢？點解唔可以喺任何一層？」

「……」

「第二，就當佢真係喺天台墜落，你點肯定佢喺死前5分鐘——亦即係呢一刻嘅憶界時間點，已經身處墜落前嘅位置呢？如果佢仲未抵達呢？」

不得不承認，芊柔的分析合理。我思索片刻回應道：「只能夠按照常理，搜尋機率最高嘅地方。」

「例如呢？」芊柔繞著髮尾。

「假設程雨奈喺大樓高處墮下呢一點成立。時值深夜，大樓升降機停止運作，而行樓梯去較高層數要用起碼幾分鐘時間。所以5分鐘前，我相信佢最大機會已經身處大樓內。」

芊柔歎一口氣：「所以你決定搜尋曬成棟樓？」

「係。反正未開始體驗未來記憶，應該唔受5分鐘時限限制？」

「……嗯。不過會攰死本小姐囉……」芊柔伸著懶腰，像隻慵懶的小狗。

我瞥她一眼：「我冇旨意過妳幫手。人係要由我救，我自己搵就得。」

我步向李煘徐樓的後樓梯入口，拉開防煙門走進去。李煘徐樓已經關閉，而進入大樓內部的唯一通道就是這裏。

我步上梯級，回想與芊柔討論過的新發現。

一，程雨奈昨天暗示過，日後未必有機會幫助妹妹程雨愛。由於她的用字曖昧模糊，不知能否作為她有自殺傾向的憑據。

二，程雨奈每逢精神緊張就會吃Eclipse喉糖。

三，程雨奈討厭吃粟米，簡直是品味大師，但芊柔聽罷臉色很難看。

四，程雨奈所處位置附近頻頻出現，車牌號碼「0N0799」的黑色Tesla。由於我們對這輛車的資訊是零，尚未能判斷它的頻繁現身純屬巧合，抑或跟程雨奈的死有關。

儘管跟程雨奈相處的機會漸多，亦逐步取得了她的信任，獲取的線索卻非常凌亂，無法拼湊成完整圖案。

芊柔聽完我的匯報，咀嚼了幾口雪糕筒，就給出建議：

體驗程雨奈的未來記憶，從她的視角確認Tesla有否在死亡現場附近出現。

「上次路人嘅未來記憶，視角局限性好大，相反程雨奈從高處墮下，從佢角度應該可以鳥瞰到最大面積嘅環境。」

她的建議不妨一試，反正本身都要體驗程雨奈的未來記憶，探知她死前到底經歷了什麼——

「行得咁慢，冇食飯？」

「妳唔係好攰咩？」我轉頭瞄著芊柔，她果然還是跟上來了。

「本小姐擔心你慢吞吞，又害我OT。」芊柔悶聲道。

「哦。」

「體驗程雨奈未來記憶之前，要有心理準備，因為你會親身經歷一次高空墮下。」

「……好痛？」

「白癡，我又冇試過，點會知？」芊柔瞪我，「不過……因為你進入未來記憶後，會完全感受當事人嘅五官，包括觸覺。所以應該同現實墮下一樣痛。」

我對她微笑：「多謝妳話我知。不如我哋返去囉。」

「你之前啲決心去曬邊？宜家啲細路真係……」芊柔攤開兩手。

「妳嘅幽默值真係負數。」我無奈道。

我倆往頂層走著，雙雙陷入沉默，藍色的憶界宛如靜謐的宇宙。

我看著遮蓋芊柔脖子的米色冷衫，想起昨晚冷杉的血跡，心中的疑問滿瀉而出。

「話說，上次你喺分行外，跌咗件冷杉。」

想不到，芊柔反應很大：「吓？原來係你偷咗？！」

「偷乜鬼呀，係妳自己整跌嘅！」

芊柔把我推到牆邊，瞪我：「你有冇望過冷杉入面？有冇？」

「邊個得閒睇呀！」但是有什麼不能看的？

「你發誓冇？」

「冇呀！」

芊柔孤疑地注視我，好一會兒，又豁然開朗繼續走：「好啦，信你啦老細。」

這傢伙有神經病嗎？

我看著走在前，腳步輕盈的芊柔，說道：「上次喺憶界，我知道妳冒險解救我……」

「哦。」她毫不在乎。

「……芊柔，其實點解件冷——」

芊柔指著上方綻放藍光的樓梯角落，那似乎是個女生的背影。

「原來5分鐘前，佢只係行到5樓。」芊柔盯著側旁的樓層顯示牌，「今次嘅未來記憶可能更具衝擊性，記得保持心境穩定，唔好再俾憶界牽住走。」

ns216.73.217.66da2

Reading Theme:

Font Size:

Line Spacing:

Paragraph Spacing:

Load the next issue automatically