為拯救未來逝去的妳，我成了記憶信貸的客戶 - 《第21話：喜歡戴紅色貝雷帽的女孩》（4）

10時15分，我從廚房走了出來，抹了一額汗。無法想像，一向怕冷的我竟會在攝氏3度流汗，大概是心情激動的關係吧。

12號和木村拓JOY原來已經離開了，家中只剩電視那充滿歡樂氛圍的遊戲音效。而芊柔……

搞什麼，她竟然睡著了。

她癱在椅子上睡著，像隻慵懶的小狗。

真是讓人放不下心的傢伙呢，我這麼想著。

可能是酒意正濃，我注視著芊柔時，又再記起以前那個她的畫面。

……是我多愁善感吧，不管換成任何一個女生在面前，或者都會令我聯想起她的。

凡天宇，別再胡思亂想了，明明已經決定了忘記她。

芊柔睡著反而正好，那我就能先準備一下。

我關掉電視及遊戲機，走到那破爛的睡房門前，猶豫了一下，推門而進。

數分鐘後，我脫下芊柔的貝雷帽，砸打她的臉。

她隨即驚醒，怒瞪著我：「你係咪有病？」

「妳嘅警戒心會唔會低咗啲？喺男仔屋企訓著，發生乜事點算？」

「……原來你對自己嘅低劣人格有咁充分嘅認識。」芊柔掩嘴笑著，把貝雷帽重新戴上。

「係你太易信人。」我不忿道。

「乜嘢呀，我唯獨信你一個。」芊柔曖昧地笑著，臉紅如富士蘋果，「你實際又可以做出啲乜呢，老——細——」

「一啲都唔好笑。」我不理會她了，「起身，帶妳去一個地方。」

她一愣：「邊度？」

我示意她到睡房門口，她收起笑意：「你之前，唔係禁止任何人入呢間房？」

上次她到訪我家時，不慎撞開房門，導致被我喝罵。

我思考片刻，誠懇道：「我一直唔俾人入呢間房，係因為我仍然俾嗰段過去所困住。」

「……」

「但係，上次俾妳當頭棒喝之後，我已經諗清楚，任由過去折磨只係另一種形式嘅逃避。」

1364Please respect copyright.ＰＥＮＡＮＡZL56nOly9T

「點解人類總係要囚禁自己喺過去？停駐喺枯萎嘅時間，就以為可以贖罪？除咗增添痛苦，唔會得到任何嘢。」

1364Please respect copyright.ＰＥＮＡＮＡLaiuX7BLYE

我續道：「妳講得啱，我必須面對過去。」

「……面對過去？」

「妳賞唔賞面，同我一齊面對？」

「……唔賞喎。」

「喂，劇本唔係咁寫……」

她聽罷，忍不住噗哧一笑。

「真係冇你辦法。本小姐最鍾意八卦人哋嘅過去。」

我請她打開睡房門，著她走進去。

睡房亮燈之際，她整個人驚呆了，一聲不響。

這間睡房，沒有睡床，沒有衣櫃，又或者說什麼都沒有。

只有一個狹窄的二人卡位。

卡位只設一邊的二人座位，不論尺寸、用料及色調，亦跟憶記冰室角落的那個二人卡位一模一樣。

上次我帶芊柔吃宵夜，坐的正是這款狹窄的座位。

「歡迎光臨憶記冰室。」我把客廳的暖爐拖了進來，畢竟睡房實在太冷。

我請芊柔到卡位坐下，並模仿茶餐廳伙計的語氣道：「靚女，想食咩呢。」

她一頭霧水：「我去咗邊？噁心男僕Café？」

「隨便妳。」

「咁有咩揀？」

「太夜喇，冰室只係得返常餐。」

她瞪我一眼：「冇得揀你仲問！」

我噗哧一笑，到廚房把那碟甜品踹到桌前。

芊柔看著桌上正冒出熱煙，淋上綠色醬的西多士，有點呆滯。

「同妳介紹返，抹茶西多士，憶記冰室例牌。」

「……點解有蠟燭？」她盯著西多士上插著的一支點燃著的蠟燭。

我坐到她側旁，笑道：「生日蛋糕，梗係有蠟燭啦。」

她呆了好幾秒，然後把臉縮進冷衫裏，小聲道：「咁你都記得。」

「上次同妳喺電車傾計，妳講過自己喺平安夜生日㗎嘛。」

其實我說了個謊，12號一早把她的生日告訴我，他請我為她慶祝生日，又不想芊柔知道這回事。其實最口硬心軟的，是12號這位上司呢。

「本小姐生日關你乜事？」

「咁妳上次都祝咗我生日快樂啦。」我道。

「邊有人會用西多士做生日蛋糕㗎，誠意呢？」

我盯著那蠟燭的火光，陷入回憶之海。

「我以前……成日都咁做。」

「用西多士當做生日蛋糕？」

「每年嗰個女仔生日，我哋都會去憶記冰室食抹茶西多士慶祝。」

「邊個女仔？」

「……游海琳，我生命入面最重要嘅人。」

窗外，下起纖纖細雨。

微弱的淡黃燈光下，我倆並肩坐在狹小的卡位，盯著熱騰騰的抹茶西多士。

「所以，你畀我食西多士，係利用本小姐做工具人緬懷另一條女？感覺真係差。」她不滿道。

「唔係。我請妳食西多士，係因為妳打賭贏咗。」

芊柔聽了我的話，足足呆了幾秒：「所以，你對自己許下承諾，要造出嘅甜品……」

「冇錯，就係抹茶西多士。」

「……喔。有啲突然。」芊柔依然呆若木雞，「恭喜曬。」

「所以妳贏咗，我宜家就請妳食咯。」我道。

她遲疑幾秒，吹熄蠟燭，拿刀叉切出一塊沾滿抹茶醬的西多士，放進嘴裏。

「好唔好食？」我問道。

她咀嚼得很慢，靜默了足足半分鐘，然後才道：「完全係茶餐廳嘅水準。估唔到你一直造唔出嘅甜品，係咁簡單嘅嘢……同我幻想中有啲唔同。」

「其實，我直頭覺得難食。」

「……吓？你一直想造出嘅，係自己都覺得難食嘅食物？」她很詫異。

「我要造出嘅，係憶記冰室嘅味道，必須做到一模一樣。我為咗造出呢種味道，已經足足用咗2年時間鑽研。」

「……點解要咁做？」

我看著一臉凝重的芊柔，低頭沉默了一會兒。

睡房內縈繞的，只剩窗外迷濛的雨鳴，整個世界都噤聲了。

窗已牢牢關上，寒氣卻仍是肆意進襲，與門口的暖爐分庭抗禮。

芊柔目不轉睛盯著我，臉蛋白裏透紅，仿若染血的雪。

或許是太久沒喝酒的關係，頭開始發痛起來。

「……如果你唔想講就算——」

「唔可以。」我按著沉重的額頭，「由打開呢間房門開始，我就下定決心，唔可以再逃避。我要面對我嘅過去……只要妳願意聽。」

「……」

「本小姐，聽緊。」她道，仍舊別過臉。

「……2年前，我就係喺呢間房，傷害咗游海琳。」

「……」

「一直以嚟，我內心都反覆諗緊……佢會唔會憎我。」

「……」

我盯著熄掉的蠟燭，一股悲傷的感覺，席捲而來。

「佢係個……係個……」

我的頭，痛得像要撕裂般。

1364Please respect copyright.ＰＥＮＡＮＡmbB19myKqD

我再一次，回到這個湖裏。

我直視燃燒的大樓裏，隔窗看我的女孩。

我驚恐不已。

我跑進大樓的濃霧裏，不知為何，我清楚她所處的位置。

我闖進那單位，那道門卻上鎖了。

我耗盡力氣，亦無法打開它。

她就在門的另一邊。

而我，只能隔著門，不知所措地喊著。

【44.89234867】

連登開咗Post 2！

鍾意故事嘅，懇請你去畀個正皮❤️夠75正皮會再加更！

https://lihkg.com/thread/3147769

1364Please respect copyright.ＰＥＮＡＮＡ7kjs8ZmUfI

你嘅支持對阿夢係非常非常重要！

每晚10點出文（約3000字）

為答謝你哋，每晚11點前達成以下任何1個目標，當晚11點加一更！

9月19日加更目標

（1）【連登Post 2】正皮數達 75 － [按我打開！]1364Please respect copyright.ＰＥＮＡＮＡJrehH7f7vF
（2）【Penana本故】喜歡數達 15001364Please respect copyright.ＰＥＮＡＮＡHbL8N9AXW8
（3）【IG】Followers數達標 1250 － [IG：utopian_hunter]

-加更目標每晚更新1364Please respect copyright.ＰＥＮＡＮＡ8OCSrUVy68
-每日最多加1更

鍾意故事嘅，懇請你哋幫忙：1364Please respect copyright.ＰＥＮＡＮＡiR7rr0sXvV
1. 為每篇點按「喜歡」，讓我知道你哋享受故事❤️1364Please respect copyright.ＰＥＮＡＮＡrUHEGl8DFp
2. 點按「書籤」，以後發佈新文會通知你㗎！

堅持好難，但你嘅支持，就係我寫落去嘅理由！1364Please respect copyright.ＰＥＮＡＮＡy1PNJ3tQyB
【Follow IG】utopian_hunter1364Please respect copyright.ＰＥＮＡＮＡqtTZQ8Do3H
【連登追故】https://lihkg.com/thread/31188961364Please respect copyright.ＰＥＮＡＮＡMKbRitEKQI
【FB】 https://www.facebook.com/utopianhunter1364Please respect copyright.ＰＥＮＡＮＡU98CaK2KAs
【阿夢網站】 https://linktr.ee/utopianhunter