為拯救未來逝去的妳，我成了記憶信貸的客戶 - 《第12話：亞洲汁粟米刺身飯》（4）

「謝妳個肺。」

「吓？做乜無啦啦鬧我個肺呀？！」

我把哈士奇和Wiki買來的幾袋食材丟到廚桌上，喝罵道：「作咗咁大個大話，宜家點樣收科？為乜呀？」

我家的房門特別厚重，廚房門在閉上後，幾乎能完全隔絕門內外的聲音，哈士奇和Wiki在門外就聽不清我的咒罵。

「本小姐心腸好，幫你隻毒撚解圍咋，你多謝都冇句仲鬧我！同埋我個肺！」芊柔抱著一袋食材，不忿地瞪我，「睇佢哋嘅眼神，肯定認定你一腳踏兩船啦！」

「乜嘢兩船呀？邊度嚟另一㗎船呀？！」我傻眼。

「程雨奈呀！你家陣要溝嗰條女呀！我唔幫你解釋，佢哋傳出去令程雨奈知道咗，你點收科？」她大叫，剛才不是很虛弱的嗎，現在是精力過剩！

「吓？！我話要救佢姐！幾時話要溝佢呀？！」我激動起來。

「你唔溝佢，點縮短到心靈距離呀！而且你嘅行為咪就係溝緊囉！」芊柔面紅耳赤。

「乜嘢行為呀，你條線根本亂劃！咁講法妳都溝緊——」

廚房門突然敞開，我倆頓時閉嘴。哈士奇走過來，一臉慈悲地撫摸我倆的頭：「深呼吸。回想一下呢個世界嘅真善美。將你心中嘅負能量驅除。畀宇宙嘅愛填滿你嘅心——」

「得。你可以出返去喇。Well noted。」我對哈士奇點頭。

「With thanks。」

「同埋警告你哋，唔好再隨便打開任何一道門。」

「凡膠你次次都係咁講。Huh Huh H——」

我把廚房門鎖上，差點想搬個冰箱把它堵塞掉。芊柔呆道：「你啲朋友……真係趣緻喎。」妳以為自己好多少？！

我已無力動怒，歎一口氣：「退一萬步喇。就算妳係作個藉口幫我解釋，點解偏偏要自稱係我嘅學徒？」

「唔好咩？」

「梗係——」我把話啃在喉嚨，扶著雪櫃低下頭來，「妳有所不知，其實我已經……冇再下廚……」

「……點解？」

「冇乜點解。」

「唓，你只係唔想講。」她皺眉。

「哇，妳嘅觀察力真係強。」我冷道。

她靜默片刻，然後調整帽子：「嗯。唔好意思，係我多事。我返去分行喇。」

我一愣，看她開門往客廳邁步。她說過一般司憶者在分行居住，店內某處應設有臥室、洗手間之類的居家設備。

我忽爾想起，她剛才說在街上精神虛弱，是因為太餓。現在已是十時多，她豈不是餓壞了？

「喂，妳返去食嘢？」我問道。

「你嘅觀察力真係強。」她明顯生氣了。

「食乜？」

「12號買嘅雪藏飯、杯麵。」

「……點解全部都係……即食食物？」我頗為詫異，「分行廚房唔係有煮食爐咩？你同12號點解唔煮飯食？」

「……啲爐係裝飾嚟，開唔到火嘅。」

「吓……妳哋從來唔煮飯㗎？」我完全無法接受，為何要特地安裝假的爐具呀？

「平日三餐都係食即食食物。」她道，「同埋12號唔係同我同住，佢只係有時順便幫我補充乾糧。」

「咁唔健康嘅人真係第一次見。」

「個胃係本小姐嘅，關你呢個人類咩事呢？走喇。」她又再邁步。

對呀，我真是自討沒趣。她要吃什麼就吃什麼，而且吃不健康的食物會死嗎？就算會死又關我他媽的什麼事呢？

我這麼想著，無意間目睹剛才被芊柔抓痛的左手，手臂的血跡已乾掉，卻不見任何傷口。奇怪了，血是從哪裏來的？難道……是……

內心泛起不妙的感覺。

芊柔走向大門間，姿勢生硬，雙腿微顫。

她雖已恢復往常的刁蠻，卻沒隱藏好那顆脆弱的心。

她正竭力壓抑著，某種深邃的恐懼。

我想起那蒼白的臉龐，那空洞深邃的眼眸。

我的視線，竟也不自覺顫抖起來。

近日太浦連環爆發謀殺案，兇手更是在深夜針對女性下手，這麼晚的時分讓她獨自落街……

她穿上運動鞋，扭開門柄，煞氣在客廳內盤踞。哈士奇和Wiki噤聲，肯定認定我倆吵了一架。

我捉住她的手臂，深深吸一口氣。

「妳走乜呀？身為我學徒，要下廚先臨陣退縮？」我一鼓作氣，裝腔作勢，「今晚宵夜，就罰妳負責煮！」

凡天宇，你到底在幹什麼。

她停下腳步，沒有回頭，但聲線透露了惱羞：「你——」

「定係妳餚呀？吓？吓？」我對她步步進逼，弄得她身子猛顫！

「雖然上次妳將出前一丁成包放入微波爐叮，我都冇怪妳吖，嗰次有冇咁損耗妳自信呀？」

「你亂講乜呀？」她終於轉過身，面紅耳赤，因為我在刻意撒謊讓她蒙羞。

「同埋媽咪麵係零食，下次唔好再擺落水到淥呀！」我已開始語無倫次。

終於，她走向我，以額頭頂撞我的額頭，不忿地道：「愚蠢嘅人類！我會餚？我係打算落街買一箱粟米加餸，嚟孝敬老細你咋嘛！」

激將法大成功！

「咪癲拉，宜家幾點呀，街會有呢啲垃圾賣？」我冷笑。

誰知Wiki指著廚房，慢條斯理地道：「買咗一大袋。」

什麼。

「嘻。」芊柔冷笑。

我猛然一震，全身僵硬起來：「你……哋……點解……會買咗——」

「宵夜係食『亞洲汁粟米刺身飯』呀！講咗想食好耐喇！材料就買齊喇，Hell Can都煮到嘅嘢，難唔到你哋啦！」哈士奇邪惡地笑著。

「芊柔小姐，」Wiki對芊柔微笑，「有冇嘢幫到手？」

「有。」芊柔擺出天真無邪的笑容，「等陣兩位可唔可以幫忙捉住老細，固定佢個口呢？」

「放心。我哋有『口腔固定器』。」Wiki淡然微笑，哈士奇在亢奮地摩拳擦掌，對我發出「Hur Hur Hur Hur Hur」的詭異笑聲。怎麼這班傢伙會有那麼奇怪的道具！

我的脖子如生鏽齒輪般扭向廚房，尋找著那袋黃色的不祥之物，恐懼從五臟六腑泉湧。WHAT THE F──

「老細，我哋入去煮你、啲、粟、米、囉。」芊柔拉扯我的衣領，把我拖回路西法的巢穴中，微笑只有滿瀉惡意。

好吧，我總算成功把湖芊柔留在家中了。

然後嘛——這究竟是什麼亂七八糟的劇情走向來的？！

【72.12937474】

鍾意故事嘅，懇請你哋幫忙：954Please respect copyright.ＰＥＮＡＮＡKiSNlAco5N
1. 為每篇點按「喜歡」，讓我知道你哋享受故事❤️954Please respect copyright.ＰＥＮＡＮＡhLBY2N7aTd
2. 點按「書籤」，以後發佈新文會通知你㗎！

堅持好難，但你嘅支持，就係我寫落去嘅理由！

【加入TG】t.me/utopianhunterclub954Please respect copyright.ＰＥＮＡＮＡHxKB0bcsSC
【Follow IG】utopian_hunter954Please respect copyright.ＰＥＮＡＮＡ7Hy7Hx0LhW
【連登追故】https://lihkg.com/thread/3118896954Please respect copyright.ＰＥＮＡＮＡnQRLw1hCy1
【FB】 https://www.facebook.com/utopianhunter954Please respect copyright.ＰＥＮＡＮＡVBRvrThnC5
【阿夢網站】 https://linktr.ee/utopianhunter