為拯救未來逝去的妳，我成了記憶信貸的客戶 - 《第27話：沒辦法放心的人》（3）

被篡改的班房記憶。

從天而降的冰箱的未來記憶。

咖啡店一般的記憶信貸公司分行。

執行記憶借貸的司憶者。

原定將於除夕夜墮樓死亡的程雨奈。

程雨奈的家庭及健康問題。

跟蹤程雨奈的Tesla電動車及Leon。

忘記程雨奈屬於程家的世人。

形跡可疑的杯麵女。

我跟程雨奈在天台推撞的未來。

我把這兩個月來的經歷，向Wiki娓娓道來，說畢已是夜幕低垂。

原來，我經歷了如此之多。

我已做足心理準備，Wiki很有機會不相信我，還會痛罵一句「你有冇病」。

⦾

「你有冇病？」

我苦笑，我果然夠熟悉Wiki。

誰知，Wiki拿出一塊消化餅，望著它一會兒。

「你肯定以為我會咁講，係咪？」

我深感錯愕。

「我連芊柔小姐唔係人類呢回事都信，仲有乜嘢係唔可以信？」

「哈士奇唔可以信。」

「係，冇錯。」Wiki豎起手指公，突然把消化餅塞進我口，我只感愕然，他道，「你講太多嘢，係時候到我講。」

這個怪傢伙。

「假設你講嘅都係真，我需要啲時間消化。」

我從嘴裏拿出餅乾：「嗯。」

「消化完。先講講3個重點。」那麼快？這傢伙是AI嗎？

他續道：「第一，『程雨奈由你殺』缺乏證據，完全站唔住腳。」

「……點解？」

「你能夠確定嘅只係，你跟蹤程雨奈到天台，同佢有肢體碰撞後，佢從天台跌咗落街。你忽略咗好多細節。」

「比如呢？」

「你謀殺佢嘅機率近乎零。若然你要殺佢，點解徒手而非攜帶武器？點解你與佢嘅碰撞方式係拉扯佢，而非將佢往前推？點解宜家嘅你都完全諗唔明有乜動機要殺佢？」

對，根據未來記憶，當時的「我」只是拉扯程雨奈，而非把她往欄杆外推撞。而且我的確毫無殺她的理由。

「……你意思係……」

「種種跡象顯示，除夕夜嘅你，根本冇動機謀殺程雨奈。相反，你想做嘅嘢可能同Leon做嘅一樣，就係要阻止佢做某件事，譬如話跳樓。」

「……即係話，原定未來嘅我跟蹤程雨奈到天台，甚至同佢衝突，都只係想救佢？」我端詳雙手，「但係，最後佢都係跌咗落街，可能係我誤殺……」

Wiki搖頭：「誤殺嘅機會亦唔高。你根本無法確定，係你嘅碰撞導致程雨奈失去重心。而且，你唔係話程雨奈失去重心之前，身體突然劇震咩？」

「……係……佢突然震得好犀利，然後就突然全身冇力，然後向欄杆外跌……」

「所以你唔應該一口咬定，程雨奈係被你殺死。」Wiki道，「第二點，世人忘記程雨奈屬於程家，呢點觀察係正確嘅。我今日聽完你電話，就即刻搜尋過資料、問過身邊嘅人，根據我搜集嘅資料，程雨奈絕對絕對係一個孤兒，唔屬於程家。」

「……果然係咁……但點可能……明明程雨奈——」

「我姑且相信你嘅講法，就係所有人嘅記憶被篡改喇。但係你有冇諗過一個問題？」Wiki銳利的目光對準我，「點解唯獨你一個人，記得程雨奈屬於程家？」

我猛地一愣，對呀，我把這當作理所當然了，為何偏偏我還記得呢？

「呢一點，我係未諗通嘅，先提出嚟。」Wiki續道，「第三點，嗰個乜鬼杯麵女呢個人非常可疑，隨時就係程雨奈死亡事件嘅始作俑者。」

「點解咁講？」

「你諗吓，程雨愛話你知，程雨奈自從暑假後幾乎唔同其他人交流，咁點解仲會同你有來往？」

「……因為程雨奈知道，我幫到佢達成幫助阿妹嘅心願？」

「可能係。同樣地，杯麵女係佢除你以外，唯一會保持來往嘅對象，可想而知杯麵女現階段對程雨奈一定好重要。」

「杯麵女真係好奇怪……佢出現咗喺程雨奈嘅死亡現場……」

「要解開杯麵女嘅謎題，有兩個辦法。」Wiki道，「第一，直接去問程雨奈，但首先你聯絡唔上佢，其次佢都未必對你講真話。」

「嗯，咁第二個辦法係？」

「好簡單，你只要睇到更加清晰版本嘅……嗰個叫做乜嘢話……『未來記憶』。」

對，程雨奈墜落草地後，杯麵女走近了她，然後未來記憶才結束。有兩點我是尚未搞清楚的：

一，她拿著什麼東西。

二，她對程雨奈說了什麼話。

這兩項資訊十分關鍵，然而因為後期記憶模糊化，我無法確認資訊。

只要我取得最清晰的未來記憶，就能解開疑團了。

「但係，若果係咁，我就要進一步拉近與程雨奈嘅心靈距離……」

心靈距離要拉近至33.33333333以下，才能解鎖最清晰的未來記憶。

我要怎樣才能做到呢？

思考之際，手機驀然響起。

是誰？是程雨奈嗎？我今天已致電她不下十數次了，也是時候回電了吧。

我掏出手機，凝望著來電顯示，不禁一愣。

ns216.73.216.174da2

Reading Theme:

Font Size:

Line Spacing:

Paragraph Spacing:

Load the next issue automatically