是咁的，廿一歲有咗，所以我要做有錢人 - 你唔同喎！

中四嗰年，我同阿賢分手，佢喊住噉問我點解，但太多日常點點滴滴累積而成嘅分手，都唔知從何講起。

點解，係期待對方答一個確實嘅理由。我可以講好多好多同佢唔夾嘅地方，但其實愛的話，幾唔夾都可以忍受。

所以答案其實就真係：「我唔愛你喇。」

「點解唔愛？」

因為你唔識賺錢？因為你太乖乖仔無刺激感？因為你唔大隻？

我其實都唔知，好似一切都係理由，又好似一切都唔係理由。

「我都唔知⋯⋯」

只係唔想再同佢一齊。

阿賢無辦法接受我就係唔愛佢，一直纏住我，纏咗好耐，甚至講明咗分手佢都唔容許我同普通男性朋友喺走廊傾計。

「你唔好再噉樣騷擾我好無？」

「嗰啲男仔想溝你呀！我保護你咋！」

「我唔使你保護！」

「你要架！」阿賢捉住我隻手唔畀我走。

「如來神掌！」

嗰日係仲有輕微中二病嘅黑龍哥幫我推開阿賢。

「睇嚟你被控制慾惡魔附咗身。」

「阿黑，我哋兩個嘅事唔關你事呀。」

「阿賢，分咗手咪算囉。」

「唔可以算！點可以就噉算！佢係我架！我愛佢！」

「乜你個主耶蘇係教你噉愛人嘅咩？你唔見素怡好痛苦咩？」

阿賢著晒火：「講還講，唔準講耶蘇！」

「你諗清楚，你愛佢點解要令佢痛苦？佢同你分手就係因為繼續一齊會痛苦，你硬係要人痛苦嘅？」

「但佢同我分手我好痛苦呀！點解佢要令我痛苦！」

「素怡講到明唔再鍾意你啦！你唔同喎！你口講愛佢但仲要令佢痛苦！」

阿賢可能都知自己嘈輸咗，只能夠大叫收聲，然後撲過嚟，黑龍哥擋住佢，兩個人打起上嚟。

1002Please respect copyright.ＰＥＮＡＮＡRWrbfsWObk

ns216.73.216.176da2