是咁的，廿一歲有咗，所以我要做有錢人 - 我會負責任

可能女人真係天生會被壞男人吸引，阿峰作為籃球校隊成日有女仔埋身，佢自己都成日撩女仔。喺佢身邊，我有種優越感。

副作用當然係被女仔排斥，暗地𥚃就被人鬧係臭雞，同風頭躉一齊我都預咗。

阿峰同阿賢差太遠，好似性上癮噉成日借啲意撩我扑嘢。第一次嗰陣我有啲驚，但其實心底都係興奮嘅。

不過有少少唔忿氣囉，因為都唔知佢同幾多人做過。我嘅第一次就佢嘅，佢就唔係，唔公平囉。

「我係第一次你就唔舒服架喇。」

性方面我無得比較唔知啦，但濕吻同愛撫依啲佢真係比阿賢優勝好多，成日搞到我㷫熻熻。

我仲記得嗰日佢有少少夾硬嚟，我叫佢唔好，推開佢，但無用真力，佢就哄埋我耳仔壓低聲量講：「噉你用真力反抗咯。」

被佢講完我就知自己唔係真心唔想要，佢再繼續錫我摸我，教我用手幫佢。第一次摸到男人嗰度真係會驚訝，估唔到人體會係噉硬嘅器官。

被佢插入身體，實好痛，但又好想知仲有咩感覺。

阿峰搞到我好濕好濕，然後就準備入嚟。

「等⋯⋯等陣先⋯⋯套⋯⋯套呀⋯⋯」

「我同你嘅第一次，我想有啲紀念價值啊，我想直接感受你入面。」佢摟緊我錫我耳珠同後頸，講到噉浪漫，我作為一個妹妹仔真係被佢攻陷晒。

「有⋯⋯有咗點算呀？」

「我會負責任架。」

我仲係好驚，但都好冧。入世未深嘛，後生嗰陣做女仔都係用對耳談戀愛架啦，聽到男朋友嘅甜言蜜語就當真。

公公淨係教我投資理財，無教過我點拍拖。

十個中學男仔同你講會負責任，十個都係呃你。連戴套保護雙方嘅責任都唔負，你期望佢為你負一生嘅責任？

ns216.73.216.13da2