是咁的，玩匿名交友app撞返個ex - 【番外篇】芯玥36：風景交錯

結果個餐我都食唔夠三分一就食唔落，決定返屋企，因為已經好鬼攰。

「今日我朋友介紹我聽，幾正。」

城繩腥咗一首叫《相念》嘅歌畀我聽。

我喺街頭戴起耳機，前奏響起，係一種我未聽過嘅音樂。

相簿記錄懸空。821Please respect copyright.ＰＥＮＡＮＡFHGsawCPUh
思緒似蝶迷蹤。821Please respect copyright.ＰＥＮＡＮＡ7uoJftAlT6
迷失沿途，回想起你抱擁。

黑影掩蓋暮色。821Please respect copyright.ＰＥＮＡＮＡJ0fxo0mOyc
總找到你痕跡。821Please respect copyright.ＰＥＮＡＮＡlFT0XB580R
或許錯愛，或許心不該再打開。

821Please respect copyright.ＰＥＮＡＮＡ6jMtNGczgg

就讓這憶記化成夢，821Please respect copyright.ＰＥＮＡＮＡFMfPbyAAaC
交織心血尋影蹤。821Please respect copyright.ＰＥＮＡＮＡPyfkktOKlM
道別散席記掛無用，821Please respect copyright.ＰＥＮＡＮＡmPGm9XURpc
揮灑鮮血染蒼穹。821Please respect copyright.ＰＥＮＡＮＡQtPX5rgx62
天顯赤雨魂斷無力目送。821Please respect copyright.ＰＥＮＡＮＡgiNwspbfK9
在某天捨下那，相思與念掛。

821Please respect copyright.ＰＥＮＡＮＡHLocqqdl9N

雖然歌手把聲好似有啲電子音嘅感覺，但詞同旋律都唔錯。

「係幾正喎。你鍾意聽依種歌？」

「第一次聽架咋，平時都係聽流行歌咁。最鍾意係月球上的人。」佢又鍾意月球上的人？咁啱我都係。

「我都係喎！」

「咁聽歌可以分一邊耳機畀你。」城繩久唔久就講啲見面嗰陣可以做嘅事，令我忍唔住幻想未來嘅畫面。

到底同一個咁夾嘅人見面會係點架呢？

不自覺就開始有啲期待，可惜今日唔得閒啦。

「我仲鍾意dear Jane嘅歌，仲有Coldplay！你入定佢哋啲歌！」

我睇到忍唔住笑咗吓。

「一早齊晒啦，我都鍾意呀。」

「有無咁夾呀！唔好呃我喎！」巧合到有啲難以置信。

「真呀，播放清單有齊呀！」

返到去，竟然兩老都喺度，佢哋坐喺飯枱，又係要準備問責嘅陣法。

「你成日去咗邊呀？打你電話又唔聽。」媽咪率先開聲。

我如常除鞋，將鎖匙同銀包等個人物品擺好：「我換咗電話。」

「好地地又換咩電話呀？」

「無咩，想換咪換。」入房拎瞓覺衫褲，準備沖涼。

「新電話幾多號？」爸爸開口問。

「新換唔記得，一陣先搞。」

「依家搞，同返囉拔報平安先。仲有，你未講成日去咗邊。」爸爸繼續比壓力。

我諗咗諗，都係決定放低返件睡衣，返去門口著鞋。

「妹呀，你究竟想點呀？」

我想離開依個地方。

「我今日出咗去睇樓，已經落咗訂，下星期開始正式搬出去住。」

兩老異口同聲叫咗出嚟：「搬出去？」

佢哋想追出嚟，但我快過佢哋衝出去。我唔想再留喺屋企，本身係好攰好想快啲沖涼瞓覺，但精神壓力大到我根本放鬆唔到。

我完全無諗過要向城繩吐苦水，我唔想有太過沈重嘅話題影響同佢傾偈嘅氣氛。

正好我記起樂仔邀請我去海濱公園撐場，反正無嘢做咪去睇下。

我盤算住兩老嘅放假時間，同埋搬屋必要嘅物品，應該可以唔使再見到佢哋兩個就可以搬晒重要嘢去觀塘。

唔理點都好，搬咗入去先，住落咗有咩漏嘅再鼠返屋企執或者唔太貴就直接買新嘅算。

終於去到海濱公園，已經十點幾。

公園有個廣場區，見到唔少年青人收拾緊帳篷枱凳，又有輕型貨車喺外面停泊，將大型物件運走。

睇得出今日真係擺過港女巿集，但已經收爐。

一陣吉他聲從遠處淡入，我順住聲源行，好快就見到大約十幾人聚集圍成半圓嘅一個小角落。

「從不知，你的心已漸遠，獨倚窗以淚洗臉。」

「我呆呆望著你背影不說話，懼怕你那決心，那些話。」

一首歌詞唔太一樣，但好熟悉嘅旋律傳入耳中。

「我想抱著你，但你早拒絕我，任怎改過，為時亦晚。」

「一心走上夢想旅程，卻發現情，難永在。」

「如早知，你的心已漸遠，結他聲緊抱著一切。」

樂仔同兩三個男仔busking，佢唔使睇譜又唔使睇歌詞，但就一路彈一路唱，一面陶醉。

樂仔張開眼，視線穿過人群，同我對上。

「結他聲揮散在，記憶𥚃。」唱完最後一句，隨住尾段音樂同一堆「嗚嗚嗚」嘅和音，樂仔向我微微一笑。

「送畀大家改詞版嘅《The End Of The World》。」

零碎嘅掌聲響起，樂仔同隊友向人群鞠躬，開始收拾細軟。佢同隊友交代兩句，就行過嚟我依邊，我見到其中一個隊友用膊頭撞一撞另一位，叫佢望向我。

「好正喎⋯⋯」隊友口型咁講。

樂仔就走到埋嚟，但被兩個妹妹仔截住：「我想加你嘅隊band嘅ig呀。」又擾攘咗一陣，先至嚟到我面前：「我唱成點呀？」

我依啲音樂外行人梗係唔識評價啦：「無走音吖至少。」

「哈，當你讚緊我架喇。」

我用視線指一指走遠嗰兩個妹妹仔：「使鬼我讚你咩，你都溝死女啦。」

「虛火嚟啫。」

「你返去執嘢啦。」

「會架喇，同你打聲招呼吖嘛，你唔好走住呀，等埋我。」講完佢又返咗去同啲隊員一齊執嘢。

我又費事棟喺度等佢執完嘢咁尷尬，就求其行咗埋一邊嘅長凳坐低。

望住入夜嘅海，聽住沙沙海浪聲，海上有一隻無著燈嘅舊船，隨海浪推送時近時遠。

「啊。」依度，咪城繩影嗰張「菠蘿的海」嘅風景？

ns216.73.216.141da2

Reading Theme:

Font Size:

Line Spacing:

Paragraph Spacing:

Load the next issue automatically