是咁的，玩匿名交友app撞返個ex - 【番外篇】芯玥73︰你給我的夏至

疫情完結後嘅暑假只剩最後一個星期，我已經同樂仔講咗我再開工的話就會忙到抽筋，畀定心理準備佢，做幼稚園老師唔係同小朋友玩下逗人工咁輕鬆，疫情前每日開會做班務搞到八九點先有機會放工差唔多係常態嚟。我依家嘅所有空閒時間其實都係疫情所賜，但隨住疫情嘅嚴重性慢慢下降，世界漸漸回復正常，我忙錄嘅生活都好肯定會喺九月再次正式開始。

我同樂仔把握八月最後七日，我未使返工而佢又唔使返工，又去行山、又去長洲、南丫島、澳門，全部即日來回，轉眼又唔見咗四日。樂仔無論去邊度都會揹住個結他袋，每當我望到袋上面嘅百怪公仔隨佢腳步啷下啷下就會有莫名奇妙嘅滿足感。我地喺離島除咗正常嘅情侶行程外，多咗一個活動就係佢即場喺街頭不時瓊，我就做第一個企喺旁邊聽嘅聽眾。可能因為樂仔唱親都係自己重新改詞嘅歌，好少街外人會被首歌嘅旋律吸引走過嚟，樂仔只可以靠唱功吸引外人。

樂仔嘅聽眾每次大概都係得五六個，有啲人聽下就走，真正留喺度嘅人除咗我可能得兩三個，仲要係妹豬嚟，幾乎每次都係擺明覺得樂仔靚仔先停低影相，唔似真心聽歌，唱完之後通想有啲大膽嘅就會去搵樂仔拎聯絡方法。

「你地加我地樂隊ig啦，搵niche。」

「下，有無個人ig呀？」依家啲妹豬真係好主動，亦證明樂仔喺妹妹仔眼中好有魅力，我見親都呷醋。好彩每次樂仔都係同佢地抱歉咁點點頭︰「唔好意思呀，我自己無玩ig架。」之後就急急腳收好結他，主動行向我，當住眾人拖起我隻手︰「行喇。」

我地每去一個地方一日遊都會買一個當地嘅磁石貼做記念，返到屋企就貼上雪櫃，雖然依家仲係貼得好疏落，但我地將來會愈貼愈多，回憶愈積愈多。我甚至有預感，之後會貼上我同樂仔嘅結婚相磁貼，跟住會有我地小朋友嘅磁貼，一家三口或者四口嘅全家磁貼，我都唔知自己個腦點解不受控咁就自然諗到同樂仔嘅未來，不過依啲對未來嘅幻想我無講過出口，反之樂仔亦無同我講過未來。

暑假最後三日我同樂仔就簡簡單單喺屋企過，佢要去演唱表演嗰陣我會陪佢，之後一齊買餸返去煮飯，雖然工廈無煮房整唔到九大簋，但整個家常兩餸都係無咩問題嘅。我負責煮，佢負責洗，同居咗唔使一年已經有啲老夫老妻嘅感覺。不過每次飯後，當樂仔去沖涼，我就會偷偷地檢查下啲餐具，幾乎都會發現仲有啲油污未洗乾淨，我就會靜靜雞幫佢洗多次。

我唔止一次叫樂仔注意清潔嗰陣要細心啲，但佢始終都係有甩漏，例如拖完地仲有啲塵同頭髮留咗喺牆腳線，我就要用濕紙巾執走補抹一次。可能男人天生真係唔擅長做家務同清潔啦，但唔係我難以忍受嘅問題，知道佢不咁嘅問題，咪自己補位囉。

八月三十一日，我準備好迎接聽日六點半起身返工，十點幾就沖好涼吹完頭，估唔到行出浴室竟然見到樂仔拎住結他等我。我打咗個突，佢就過嚟拖我去豆袋梳化：「坐吖，我有首歌送畀你。」

我坐好，樂仔亦用大髀托住結他，粗長嘅手指徐徐撥動弦線，前奏響起︰「同音樂會第一首歌唔同，今次依首係我新改，我想你成為第一個聽依首歌嘅人。」

445Please respect copyright.ＰＥＮＡＮＡHDnlKp3vqc

https://www.youtube.com/watch?v=9qhJ1vhTH7A&list=RD9qhJ1vhTH7A&index=1

445Please respect copyright.ＰＥＮＡＮＡY6bvK3vTAZ

「首歌叫你給我的夏至。」

445Please respect copyright.ＰＥＮＡＮＡ2VbWKpBIu5

如今我早已放開，寒冬裡她那背影

迷霧裡播種，前塵如白雪飛舞

狂風刺骨沒抱擁，泥濘纏身會結霜傷口冰凍，我極痛，仍期望某天看到

呀，記起痛心冬至

必須堅守再相信紅日定再現

前方黑暗再闖，如可抵抗這苦楚

凍傷痛擊仍如同白費，雪山瞬間變綠野

445Please respect copyright.ＰＥＮＡＮＡm4rBTsMTqT

前路盡全花海一片，又再開一遍

紅日在長空高高掛，看得見

和你共對互抱睡去，纏綿談笑烙印在記憶裡，跟你，相擁，一次

才發覺已夏至

My love，my love

445Please respect copyright.ＰＥＮＡＮＡwGdQWiPunc

泥土已不會結霜，繁花也鋪滿雪山

迷霧再散開，才回眸便看到你

如今我早已覺醒，從何時不會記起她的一切，看著你，燃著熾火的愛意

呀，我不再怕冬至

一起牽手與高唱紅日再現

群星閃照半空，繁花不會再失蹤，你與我手挽手凌晨來共舞

每分每刻凝望你

445Please respect copyright.ＰＥＮＡＮＡvJyNoFU9Qw

前路盡全花海一片，又再開一遍

紅日在長空高高掛，看得見

和你共對互抱睡去，纏綿談笑烙印在記憶裡，跟你，相擁，幾次

才發覺已夏至

445Please respect copyright.ＰＥＮＡＮＡ9FWcfs2jwm

過去沒放在眼內，我抱著你便已是今生最可貴

這個夏至是禮物，正正是你贈我的不是她

445Please respect copyright.ＰＥＮＡＮＡPmmcxdd1YP

鳴謝伴隨身邊的你

十指緊扣只想一笑

445Please respect copyright.ＰＥＮＡＮＡibA8fStATI

前路盡全花海一片，又再開一遍

紅日在長空高高掛，看得見

和你共對互抱睡去，纏綿談笑烙印在記憶裡，跟你，相擁，多次

才發覺已夏至

My love，my love

445Please respect copyright.ＰＥＮＡＮＡo6fm2eZrTl

音樂隨最後幾個音符消散於半空，但首歌畀我嘅感動遲遲未散，其實當我聽到第二段歌詞已經眼濕濕，我從來無特別問過樂仔放低前度未，我知道放唔放得低係無得逼，而佢用依首歌話我知個答案。

「依首歌嘅歌詞全部都係我依段時間最深刻嘅感受，但講出口太肉麻，寫字我又唔叻，唯有唱畀你聽。」

唔止我對耳聽到，連個心都聽到。

我摟住樂仔，摟咗好耐，只感覺到自己全身內外都好似浸咗喺蜜糖之中，我諗返起空氣中薰衣草嘅甜，慶功蛋糕朱古力味嘅甜，等咗咁耐先一次過衝擊我嘅每個感官細胞。

「我想講，依個夏天係我依世人入面過得最開心嘅一個。」

我都想講，依個暑假都係我人生之中最特別、最快樂嘅一個。

ns216.73.216.89da2

Reading Theme:

Font Size:

Line Spacing:

Paragraph Spacing:

Load the next issue automatically