《屍河明居鑽石山》（是咁的，我發現打喪屍有得升呢） - 505

505

673Please respect copyright.ＰＥＮＡＮＡPnfZ3NP8Vj

其實我只係得返一隻左手可以用。我隻右手，之前已經俾施永義扭斷咗。

我只係將隻斷手搭落阿詠度，希望佢唔會跌落嚟。

我要用單手開路。

《原始腦本能》依然有效，甚至我覺得呢個能力，會喺我越有生命危險時，越能夠堅韌維持。

再加上我身體渴求點素。

我一手將眼前個女教屍條頸扭斷，但係我冇馬上爆頭取眼，因為我得返一隻手，食唔到力。

我向下一揪，

將佢頸前嘅大動脈撕開，撕到連排胸骨都反咗出嚟！

深綠色帶濃重臭味嘅屍水，對住我狂噴濺出！

我哄前個人，閉緊眼鼻嘴巴，由得自己被屍水浸透！直到條屍冇力痙攣跌喺地上，我先用隻地盤鞋嘅鋼踭揼爆佢個頭，再彎身取眼！

呢個時候，

後面有喪屍捉住阿詠隻腳！

我回身一踭，將佢踢到撞埋舞台下面奉牆上！然後再兜住佢心口連環咁踭，用個鋼踭鋤到佢狂吐屍水！

吐滿我成隻腳！

我攞埋呢條喪屍隻《夜之眼》，可惜我早就進入咗要不斷食眼續命嘅狀態，再食都只係足夠吊住啖氣。

喪屍湧撲而至嘅來勢驟然減慢。大後方嘅喪屍已經對我失去咗察知。

用屍液掩蓋自己嘅人味。

又有一條喪屍低身撲過嚟，要咬我未有掂到屍液嘅左腳。但我呢隻腳斷咗腳踭肌鍵，只能用膝撞！

直接鋤肚！

又係一堆屍水毆出嚟，浸透埋我呢隻腳。

我特登喺條喪屍身上搲，搲出嚟嘅一手爛肉，就抹落未有染綠嘅皮膚部位……

甚至將啲腸臟，搭落包住阿詠塊布度。

不過我唔敢將太多屍水滲濕塊布，我怕阿詠唔夠點素去軀除感染。

我見到自己感染率直線上升。

啲警告語句瘋狂洗版，話咩唔醫會有永久影響。

但咁又點？

我條路只可以咁行……

就算搏盡命去摘夜之眼，都只係啱啱夠我保持住向前行。

點素剩餘保持住喺負數。

群屍對我嘅圍撲已經停咗落嚟。

雖然佢哋對眼無神，但係憑佢哋帶焦躁嘅聞索，同埋目標混亂嘅走動步伐，我幾肯定佢哋望住成身屍水爛肉嘅我時，已經唔肯定我係啲咩嚟。

（感染率超過70%，即將超過系統對『人類』的界定。）

你仲警告我做乜？

我都話咗我冇得揀。

我所有嘅點素燃燒，都係要為咗將阿詠成功救出去，我冇任何可以為自己浪費嘅餘地。

我打開度玻璃門。

啲喪屍並未好似山泥傾瀉咁湧落嚟，而係塞死哂度門，好多條手臂伸咗入嚟搲來搲去。

我隨便將一條塞住前路嘅喪屍揪出嚟，佢喺我出手當下先確認到我係獵物，但係已經太遲。

甩喺地下，再踩爆頭。

由於我成手都係WD-40，佢要反擊亦捉唔實我，最多抓出一道道淺血痕。

再加上我要探腦摘眼。

感染率係一定會升。

而我每摘一隻夜之眼，都好似俾個黑洞吸咗咁，我再冇任何分配點素嘅控制權。

我可以點？

我將塞住道門啲喪屍逐隻抽出。

我連幾時入黑，都冇察覺到了……

只係機械性咁殺屍續命，而我睇到同自己逆流而行嘅屍群，已經完全冇注意到我存在，而我只係為咗生存，隨手亦隨機將眼前嘅喪屍逐一扭頸，掉喺地下，踩頭摘眼……

以屍身作為獨木橋，橫過咗條屍河。

ns216.73.216.33da2

Reading Theme:

Font Size:

Line Spacing:

Paragraph Spacing:

Load the next issue automatically