《屍河明居鑽石山》（是咁的，我發現打喪屍有得升呢） - 312

012

643Please respect copyright.ＰＥＮＡＮＡ9UyeOeXOsy

發生咗咩事？

「邊個……一嘢打爆咗條𡃁仔喪屍？」

嗰邊幾乎係石梯頂嚟，距離我仲有四、五十級，而且上面條大馬路（鳳德道）有好猛烈嘅陽光折射落嚟，令我睇得唔清楚。

但係我好肯定，呢一刻條石梯，咩屍都冇。

點解會咁？

我下意識拍吓自己個頭。

嗡！

之前試過用嘅『重讀記憶』：我將啱啱睇住條𡃁仔喪屍俾人一嘢爆飛嗰幕，好似入咗Zone咁放大檢視……

「係個灌木叢！」

喺石梯最上面嗰三十級，兩旁擋土牆係種滿咗樹同埋灌木叢，因為外邊就係鳳德道大馬路，啲植物種嚟隔噪音同隔廢氣。

「……有隻手喺灌木叢入面伸咗出嚟，揪住咗條𡃁仔，再一吓將佢扔走？」

根據個別凶暴程度，喪屍之間會互相搶奪獵物。

我喺記憶畫面入面，定格放大嗰隻伸出嚟嘅手。

呢條手臂……重勁過麥少傑！

砰！

呢隻手，而家就重重搭落條金屬欄杆度！

佢要跳入嚟！

我雙腳好似釘死咗喺原地咁，喺呢一刻，我對自己仲有冇能力行完呢條石梯，出現咗極度嘅懷疑……

但係喺我生起想『回頭』嘅諗法時……

Yrrrrrrrrrrrrr……

下面已有兩條喪屍，開始上緊樓梯……後面仲陸續有來！

我斜眼望望外邊……係成40度傾斜嘅擋土牆。

喺我呢個位，距離鳳德道，起碼仲差六、七十級樓梯！

我係咁吞口水……

鐺！

第二隻巨手搭落條欄杆度，然後見佢雙臂用力，驟然草叢嘩啦一聲，喺啲樹枝樹葉飛哂出嚟嘅同時，一個龐大嘅身軀用近乎野獸嘅動作，跨欄跳入條石梯度現身！

但係與此同時！

我夾好佢跳入嚟嘅時間，開咗《暴走者》，跳咗出去！

我記得嗰吓我跳得好高、好遠……甚至跳出條石梯成十個身位，仲可以回頭望返條大喪屍……

我對准條喪屍，將我個平底鑊拗盡腰咁扔過去！

我跟住就要爬牆，已經冇手再拎住個平底鑊！呢個係《暴走者》嘅本能判斷，好似知道我點諗咁……

下一刹那我已經要顧住落地，唔得閒睇有冇打中，只係聽到身後有好沉重嘅『嗙！』一聲……

由於要順住扔鑊嘅動作，我只能旋住身咁單腳踏落個擋土牆度……

但係我落地嗰隻，係斷咗韌帶嘅壞腳嚟！

我大髀罅一痛，一陣酸軟，連《暴走者》都企唔穩，斜身撻落奉石屎牆度！

打住關斗咁碌落山！

噗！

我伸手抓住一塊突出嚟嘅石壆，險險停住！唔知呢啲石壆，係咪本來就整嚟防止人碌落去？

好彩我呢隻係『靚手』嚟！

我膊頭一用力，配合手踭條靚韌帶一掹！我成個人掹返起身兼彈前咗兩步！我順住個勢，貓身用盡剩返嗰兩秒暴走者，有幾高爬幾高！

補返之前碌落嚟嗰十級左右，仲爬多咗十零步！

但係……我屌！

我斜上方爆出一陣低沉嘅屍吼聲，然後就好似輕微地震咁，嗰條大隻喪屍竟然又跳返出嚟，真係好似隻大狼狗咁，就喺擋土牆上向住我半爬半跑咁撲緊過嚟！

我而家睇得比較清楚。

佢都係著住籃球背心同運動褲……恐怕唔係專業籃球員，就係嗰班𡃁仔嘅教練！

之前剩係打埋啲廢老、師奶同𡃁仔，今次真係嚟料！

佢喺上我喺下，大家相距二十步。

如果唔用《暴走者》，我連爬坡都好勉強，根本係送死。

透支！

我當然唔係衝埋去個大隻佬度！

而係往反方向嘅斜上方爬，至少要爬到去坡頂嘅灌木叢入面，借掩護同佢捉伊因！

「嗄！嗄！我應該會快過佢！」

甚至我可以一路橫穿灌木叢，向黃大仙方向跑，喺十字路口之前，都唔使喺鳳德道無遮無掩咁現身。

《暴走者》剩返2、1、夠鐘！

我最後一下飛撲上去，一隻手勉強掹到啲樹枝！

我膊頭用力一拉，將自己拉入個灌木叢度！

一陣強烈拉扯！

俾條大隻佬啱啱捉住我咗腳踝……

ns216.73.216.33da2

Reading Theme:

Font Size:

Line Spacing:

Paragraph Spacing:

Load the next issue automatically