《屍河明居鑽石山》（是咁的，我發現打喪屍有得升呢） - 220

020

868Please respect copyright.ＰＥＮＡＮＡWSBjr5uelE

「咁那大包花生……」

係街市雜貨鋪逐磅賣嗰種，不過呢度足足有成袋！

我估有成30磅！

剝開一粒食吓……唔係煲湯花生，咸咸脆脆，可以即食。

「啱哂莎倫！」

攬住包花生嚟食，就算係莎倫嗰種食法，我估計起碼都挨到幾個禮拜。佢有得剝吓花生過日晨，就唔使剩係靠捽碟嚟麻木自己……

其實我心裏面對莎倫已經好有愧疚。

拒絕佢嘅主動，到底係珍惜佢定傷害佢？

我只希望帶返袋花生俾佢，當係微不足道嘅補償……

呢家屋企屯糧算多，米缸滿哂之餘仲有包新米未開，另外仲有好多『老人食物』：即係臘肉、咸魚之類。

呢啲我都勁鍾意食！

反而冇咩新鮮食物……

我估計啲米同花生等重嘢，應該係仔女之類定期幫阿婆買落，咁阿婆只需要日常落街買魚買菜……

呢間屋應該只有兩個阿婆自己住。

所以得啲阿婆底褲，衛生巾都冇……

雖然走廊算係Clear，但恐防唔知幾時又走隻喪屍出嚟，我都係打算一炮過拎走哂有需要嘅物資就回程。

除咗食物，電池、火柴（阿婆有裝香拜神）、殺蟲水之類，見到就擸。

喺走之前，我特登叫個『字幕』幫我治療返啲皮外傷，同埋清除哂啲感染（今次只係搧咗一次綠色鼻涕），免得唔小心傳到俾莎倫。

我擁有嘅療傷能力，暫時只知道能自救。唔可以俾莎倫冒險。

———————————————

其實出門走呢一轉，到我擸哂戰利品返嚟，只係花咗一個鐘頭左右。

打開門時，我見住莎倫喊到眼都紅哂！

「你、你捨得返嚟啦咩……」

連門都未關，佢就攬實我搏命喊！

「我喺呢邊完全睇唔到你點同隻喪屍打！剩係聽到砰砰砰好大聲！我好驚你返唔到嚟啊……阿朗！」

嗰時因為系統強制透支《暴走者》，我嚟唔切同莎倫報平安，就直接殺到入阿婆屋企……

我好理解佢點解會咁驚。

如果我唔係有《暴走者》，我都想像唔到自己點會有勇氣去面對喪屍。

「唔使驚！我出門前咪同你講過，我好有信心返到嚟……」我係咁安撫佢，「喪屍冇想像中咁可怕。」

「你有冇受傷？」

「冇。」

我向佢展示手腳，雖然件衫有幾個位爛哂，但裏面啲刮傷已全部結哂焦甩埋。

佢抹乾淨面上嘅淚痕……

識得笑返。

「我今晚煮飯俾你食吖！」莎倫話，「不、不過你要教我……」

「好……」

佢突然間嘴咗埋嚟！

我心裏面一陣抽緊，再冇辦法做埋啲拒絕佢咁殘忍嘅事……我，好生硬咁回應緊莎倫如膠似漆嘅吻。

生硬係因為初吻。

對象係我嘅初戀情人……

868Please respect copyright.ＰＥＮＡＮＡaOpTqQqOmW

（第二幕‧完．待續）

ns216.73.216.5da2

Reading Theme:

Font Size:

Line Spacing:

Paragraph Spacing:

Load the next issue automatically