《屍河明居鑽石山》（是咁的，我發現打喪屍有得升呢） - 101

是咁的，我發現打喪屍有得升呢（屍河明居鑽石山）

1883Please respect copyright.ＰＥＮＡＮＡF5RwPlB0le

各位好，我叫程朗天，大學生，今年Year 2。

我簡單講吓到底發生咗咩事，會令到我呢個從來唔會喺做功課以外寫嘢嘅人，開始打呢篇嘢。

是咁的，我啱啱殺咗一隻喪屍。

跟住，我發現自己好似……升咗呢。

1883Please respect copyright.ＰＥＮＡＮＡMKU0ZMP0J3

第一幕．龍蟠苑

1883Please respect copyright.ＰＥＮＡＮＡaMv3BjTU8Q

001

我由開始發現唔妥嗰時講起。

最近唔知點解，有時睇嘢會『起格』……

我有諗過，會唔會係打飛機太多，眼都花埋？定打機太多？抑或瞓得太少……

因為自從入U之後，我就過住近乎日夜顛倒嘅生活。

我好少返學，夜晚做自己嘢做到唔願瞓教；就算無嘢做，都寧願眼光光碌吓部手機，或者上網睇吓人直播打機……

我盡情呼吸緊大學生活嘅自由空氣！

而過多兩日，發現起格情況太犀利，開始有少少驚。我試過改變生活態度，盡量早睡早起，兼正常食三餐，但無改善。

奇怪嘅係，我睇手機無問題。

屏幕啲字幾細隻，都睇得勁清楚。

例如入超級市場買嘢，睇價錢牌完全無問題，係睇到啲貨有時會起格，拎起舊嘉頓蛋糕，一陣眼花，以為玩緊Minecraft，拎起一舊『好似蛋糕嘅磚頭』。

主要係望住啲人啊，車啊，多數會郁嘅嘢，時不時就會起格。

但比如話收銀阿姐胸前個名牌，上名寫佢叫咩名做咩職位，就睇得好清楚。

呢啲算係近視、遠視定老花？

我有將呢個問題同我兩個Roommate講，結果一如所料，俾佢哋笑『梗係打飛機打得多，打到眼花！』『唔好成日掛住偷聽我哋扑嘢。』

無錯，呢對Roommate情侶嚟，而我哋並唔係住緊大學宿舍。

基於某種原因，我就算聽到隔離房呢Pair人扑嘢，都唔會有意欲想打飛機……所以我眼花應該唔係由於『心力交瘁』。

而除咗佢哋，我無咩朋友。

仲有一個，不過我唔知應唔應該當佢朋友。

係一個喺《聖母醫院》返工嘅護士，我只知佢叫阿詠。聖母醫院就係黃大仙近竹園嗰間呢，要行一條好攞命嘅斜路先上到去。

自從阿嫲過左身，我依然間唔中會上去聖母醫院，去探阿詠班。

阿詠只係大我兩歲。

坦白講，佢幾靚，睇落好純，而且佢對我阿嫲好好（好似話係佢第一個照顧嘅老人家）。

阿嫲過身時，佢喊得淒涼過我媽……好多。

嗰日我哋攬住一齊喊，喊咗個零鐘……

從此，大家就對對方多咗一份親切感。

上去搵佢食飯時，例牌都係一齊食飯盒。我隨便同佢講下自己最近眼花，睇嘢有啲起格……咁佢係乖女嚟（我估），當然唔會一開口就笑我係咪打太多飛機啦。

「咁你而家望住我，都會起格？」佢問。

「咁又無。」

我心諗，唔通山上空氣好，人都醒神啲，眼都清埋？我稍為轉開視線，見到有啲探病家屬行過，都係起格的。

咁得意嘅？

我當然無不滿，我上嚟就係為咗見阿詠！望住佢都起格嘅話，我點食得落個咁難食嘅飯盒呢？

「我哋醫院有眼科，要唔要去睇吓？」佢又問。

眼科？

我無諗過要去睇眼科，其實我心裏面係傾向想睇中醫，覺得食中藥調養吓會好啲。

但既然阿詠叫到……

就係呢個決定，先有我打緊嘅呢個故事。

（阿暖：懇請各位每章讚好！）

ns216.73.216.13da2

Reading Theme:

Font Size:

Line Spacing:

Paragraph Spacing:

Load the next issue automatically