《屍河明居鑽石山》（是咁的，我發現打喪屍有得升呢） - 118

018

案情重組。

最初，麥包應該係喺出面就俾喪屍咬咗，莎淪見到佢受住傷咁返嚟，就扶佢去梳沙度再幫佢急救止血。

嗰時佢哋應該都唔肯定，俾喪屍咬過會有咩嘢後果。

嗰時應該係星期二深夜，我已經喺房入面斷咗片差唔多成日，而莎倫同麥包都唔知我返咗屋企。

（可能日頭嗰陣莎倫有嗌過我，但因為我無回應，佢就以為我通宵無返。）

根住療療吓傷，麥包已覺得自己唔對路。

喺仲保待得住理智時，佢叫莎倫鎖埋自己喺房，仲要搵嘢頂住道門，攝好哂啲門罅，唔好俾啲人味漏出嚟。

而我道房門，應該都係麥包後來幫我反鎖嘅。佢應該開過我房度門，發現咗我喺入面。

當好友同女友都保護好哂，麥包先至自己喺廳受盡折磨，慢慢變成喪屍。

踢爛部電視之類嘅破壞，應該就喺呢段時間做出嚟嘅。

甚至仲忍唔住抓過門。

麥包利用最後一絲理智，整跛自己隻腳（嗰時應該已無痛覺），搬梳化頂住走廊，將自己困住喺廁所。

我見佢條頸有道好大嘅傷口，佢應該曾經刎頸自殺。

但係無用。

至於莎倫用我做餌，趁麥包掛住咬我時可以乘機逃生？

以我對麥包嘅認識，我一廂情願咁幻想，佢曾經對莎倫咁講過：

『如果程朗天返咗嚟，你就利用佢嚟引開我，自己出去搵人救！朗天一直鍾意你，我相信佢都會同我一樣，最想見到你平安無事！』

太睇得起我啦。

而到最後，我幻想匿喺廁所嘅麥包，抱住頭喺頭逼自己唸：

『我一定唔會落手殺朗天，無論我變成點！我會搵到辦法，令佢可以殺到我！我一定要記住，一定要做到……』

我攬住麥包條屍，唔知喊咗幾耐……

888Please respect copyright.ＰＥＮＡＮＡbbDjofAsOT

——————————————

888Please respect copyright.ＰＥＮＡＮＡqdy48zbWYf

當我心情平復落嚟之後，我發現自己手上，仲揸住我喺麥包個腦入面，摘咗落嚟嘅一個器官。

呢個係麥包從喪屍狀態解脫嘅直接原因。

後來我知道，呢個器官，好重要。

松果體。

又名『夜之眼』。

888Please respect copyright.ＰＥＮＡＮＡiQ87PeHr4s

（第一幕‧完．待續）

ns216.73.216.176da2