《屍河明居鑽石山》（是咁的，我發現打喪屍有得升呢） - 109

009

……地板。

部電視機個窿，甚至穿透埋塊主機板同埋個外殼，直到見到地板！

點整出嚟！

就算係癡線佬扔電視，點可能扔到中間穿咗個直徑差不多有30cm嘅窿？

搵咩嘢可以捅到個咁嘅窿出嚟！

呢個時候窗簾邊透咗啲光入嚟，正好射到落個窿度。

啡色一大撻。

好……多……血！

而且個窿周圍都癡咗好多咖啡色，甚至應該仲有啲皮同肉……我唔想仔細研究佢。

驟睇出血量，應該比頭先我見到嗰啲抹走咗嘅血跡，仲要多幾倍！

肯定係非常嚴重嘅割傷。

而且啲血仲未乾得哂，可以見到有幾撻稠紅色，血漿咁樣……

係光住腳踩出嚟吧？

定係赤手空拳打出嚟？

『唔通係麥包一腳踩穿咗部電視，亦因此大流血？』

所以莎倫會話麥包仲受緊傷？

呢灘血跡應該超大，亦由於俾張梳沙同移咗位嘅電視櫃遮住咗視線同光線，我直到而家先發現到！

但當我跨過咗部電視之後，正想踎低『捐』過張梳化行入廁所時，我……

望到了。

ns216.73.216.66da2