《屍河明居鑽石山》（是咁的，我發現打喪屍有得升呢） - 513

513

594Please respect copyright.ＰＥＮＡＮＡCJVcRnoCCg

「其實有樣嘢我哋係幾擔心，」

呢個時候，嗰個Kiki忍唔住走過嚟講，「雖然阿詠話要我唔好同你提起，但係我覺得，既然大家算坐埋一條船，放得你入嚟，就有必要大家坦白。」

阿詠仲想勸Kiki唔好講，但似乎佢自己都有啲掙扎。

「其實係咁。」

Kiki話，「睇住Carlos施變成咁，我哋係有啲懷疑，係同佢吸收得太多喪屍嘅《夜之眼》有關……」

坦白講，我自己都係咁估。

聽唐唐所講，留低個Plan喺聖母嗰班人，似乎並冇執意要訓練一班專門消滅喪屍嘅戰士出嚟。

否則嘅話，佢哋點解唔將個大台設喺警局，甚至軍營？

既然開發到用眼藥水就可以升呢，即係話呢個係刻意設計出嚟，避免大家利用活體器官嚟升呢嘅解決方案。

只係滴眼藥水嘅效果，不可避免比較差啲……

咁可能施永義佢哋，都係靠誤打誤撞，先搵出咗呢條阿詠講嘅『吞噬』路線（喺《暴走者》狀態下，會有一股本能驅策，伸手去擸《夜之眼》嚟吸收，跟住吸開就有條路，變成咗習慣本能）……

咁睇返施永義由本來想要救人，慢慢變成逐家逐戶放屍入屋嘅反人類病態……

好容易就會將兩件事聯想埋一齊：

食得喪屍眼多，就會失去常性！

即係話，可能連我都……

「但係我哋唔可以一口咬定，走《吞噬》路線都會變成咁！」

阿詠話，「我哋好幾個同事都有摘過屍眼，包括阿良佢哋幾個Team Leader！佢哋都冇事！」

大概阿詠係擔心緊，我會俾呢度排擠，甚至被當成敵人。

就算冇喺佢面前摘過屍眼，阿詠已經估到我都係走《吞噬》路線嘅……咁好正常，我連眼藥水都未滴過，邊嚟咁多能力？

「我知。」

唐唐話，「我知佢仲係正常。Carlos施喺未癡得哂之前都仲有返嚟，係可以睇到佢眼神逐漸唔妥……」

唐唐望實我對眼：「程朗天完全未有咁嘅徵象。就算要變，都唔係一時三刻嘅事，仲有得掹。」

「我哋只係提提你要自己睇住。」

Kiki話，「Carlos施應該係摘咗好幾十隻屍眼，直情當飯咁食，食足一、兩個禮拜先變成咁。」

「我哋知你一路走嚟好唔容易，俾著我喺條街度無依無靠，我都會靠摘屍眼嚟增加生存機率……」

「但，可以避免就儘量避免。」

「我哋冇數據可以支持，食到第幾隻就會開始發癲，亦唔知食過之後有冇得翻轉頭。」

「只能期望，只要唔再繼續食落去，情況就唔會惡化……」

「甚至如果你決定唔走，留喺聖母，我哋可能會投票嚟個決議，先將你做隔離觀察……」

「呢個亦係為咗你、為咗阿詠，為咗所有人好。」

「但呢件事唔急，我哋而家啲Team Leader未齊人，要四個Leader齊哂開會，個決議先有效力……」

「未有決議前，我哋唔會限制你自由。」

「如果你堅持即走，我哋亦唔會留難。」

「我哋仲會派返你應得嘅物資俾你，即係三個月份量嘅眼藥水，Manual亦會俾一份你，你會更清楚副Con嘅原理同可能嘅升級路線。」

「食物、對升呢有幫助嘅維他命、甚至一啲簡單護身裝備，都可以調俾你。」

Kiki睇個樣比較硬朗，由佢出頭講呢番話，係特登攞自己做醜人吧？

因為唐唐應該係心軟派。

我覺得呢個對我嘅安排，好合理……甚至太過仁慈。

尤其佢哋判斷我根本無機會救返莎倫嘅前提下，仲俾咁多嘢我？以善用資源著想，佢哋係應該一啲嘢都唔俾我拎走。

佢哋咁做，算係報答我救返阿詠吧？

「你地唔怕放返我出去，」

我問，「我癡咗線之後會返嚟搵你哋麻煩？」

「我哋呢度仲有三個暴走者守住，怕咩？」

Kiki話，「Team Leader都有受過搏擊訓練，而且我哋呢啲一般組員都唔係流，手上亦有足夠嘅防暴武器，唔好話你，連Carlos施都未驚過！」

「唔係對佢設計出嚟嗰啲飛嚟飛去嘅路線唔夠佢熟，我哋呢幾日早就捉咗佢返嚟，逼佢攤牌啦！」

「而家肯定咗佢係癲佬，傾都唔使傾，直接制伏佢帶返嚟困住就得，尤其聽到你哋話佢受咗重傷，應該走唔得遠……」

「等等！」

我同阿詠同時嚇到跳起身，「你哋唔係話……」

「係啊。」

Kiki點頭，「我哋派咗成三個Team Leader出去，分頭挖返條癲佬返嚟！呢隊係Dream Team嚟，今次佢一定走唔甩！」

「放心。」

唐唐話，「就算佢返到嚟，一定唔會俾佢自由走動！我哋會直接困佢落地下室隔離，唔會俾你哋見到面，更加唔會俾佢再傷到你哋。」

我哋擔心嘅唔係呢樣嘢！

你哋派人去捉施永義？

「唔係喎！」

我話，「條友話佢係全場唯一一個Level 4，仲要我親眼見過，佢啲能力真係好癲！」

「點癲都好，」

唐唐話，「喺重傷狀態下，佢點都要有個療傷嘅過程，一定要搵個地方匿埋。講唔定而家仲典緊地承受緊反噬！」

「再講，我哋有一個叫阿良嘅Team Leader，今日啱啱都上咗Level 4，單挑都夠做低個文弱書生啦！」

「而且阿良副Con，Serial No.係001，咁你知佢咩料。」

「真係唔係哩！」我話。

ns216.73.216.174da2

Reading Theme:

Font Size:

Line Spacing:

Paragraph Spacing:

Load the next issue automatically